Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.07.2019
ԱՅԼՔ...


Պետի տեղակալը կդառնա՞ պետ

Պարզաբանում է Արգիշտի Քյարամյանը

Պետական վերահսկողական ծառայության ղեկավարի տեղակալ Արգիշտի Քյարամյանը երեկ կառավարության նիստից հետո լրագրողների հետ զրույցում չբացառեց, որ հենց ինքը կարող է նշանակվել ՊՎԾ ղեկավարի ժամանակավոր պաշտոնակատար։
Բայց օրենսդրությամբ տարիքով ավելի ավագն է նշանակվում. այս դիտարկմանն ի պատասխան բանախոսը հայտնեց. «Եթե առաջարկ է ներկայացվում կոնկրետ տեղակալի, այդ դրույթը չի գործում»։
Արգիշտի Քյարամյանը մտադիր է ՊՎԾ ղեկավա՞ր դառնալ։ «Շատ հարգում եմ պարոն Սանասարյանին, նա շարունակում է մնալ ՊՎԾ ղեկավար։ Քանի որ նա այս պահին ՊՎԾ ղեկավար է, իսկ մենք՝ աշխատակիցներս շատ մեծ հույս ունենք, որ պարոն Սանասարյանը, կվերադառնա եւ կշարունակի ղեկավարել կառույցը, հարցի վերաբերյալ որեւէ բան չեմ կարող ասել»,–հստակեցրեց ՊՎԾ ղեկավարի տեղակալը։
Նա միաժամանակ, շրջանառվող լուրերին (վարչապետի աշխատակազմի ղեկավար Էդուարդ Աղաջանյանն է ուզում Քյարամյանին ՊՎԾ ղեկավարի պաշտոնում տեսնել) ի պատասխան, վստահեցրեց, թե չի ճանաչում Աղաջանյանին։
Իսկ ճի՞շտ է, որ Սանասարյանի հետ կապված վերջին դեպքերից հետո որոշակի թվով աշխատակիցներ աշխատանքից ազատման դիմումներ են գրել։
ՊՎԾ ղեկավարի տեղակալն ասաց, թե այդ հարցին չի կարող պատասխանել, բայց մթնոլորտն աշխատանքային է։ Ծրագրեր կան, որ սկսվել են Սանասարյանի օրոք եւ հաջողությամբ իրականացվում են։
Կալանավորված ՊՎԾ վերահսկողական վարչության բաժնի պետ Սամվել Ադյանի լիազորությունները ի վերջո դադարեցվելո՞ւ են (հայտարարվել էր, որ ծառայողական քննությունից հետո կլուծվի այդ հարցը)։ «Իրավական տեսանկյունից նախ եթե քրեական գործ կա, որպես կանոն ծառայողական քննությունը կասեցվում է, մյուս կողմից չեմ բացառում, որ պարոն Ադյանը, հաշվի առնելով, որ չի կարողանում ծառայողական պարտականություններ կատարել, ինքը հնարավոր է դիմում գրի»,—այսպես արձագանքեց Քյարամյանը։
Համաձա՞յն է նա այն տեսակետին, որ Սանասարյանի գործը շինծու է։ Քյարամյանը նախ ասաց, որ գնահատական տալ չի կարող, քանզի գործի նյութերին ծանոթ չէ, հետո կրկին հիշեց Սանասարյանին որպես «բացառիկ հայրենասիրություն դրսեւորած եւ արդարության, անաչառության տեսանկյունից բացառիկ որակներ ունեցող անձնավորության»։
Լրագրողներին հետաքրքրում էր նաեւ, թե Արգիշտի Քյարամյանը քավոր—սանիկական կապեր ունի՞ նախկին ոստիկանապետ Վլադիմիր Գասպարյանի հետ։ Քյարամյանը արձագանքեց՝ ո՛չ, չունի. «Ես որեւէ մեկի հետ իմ արյունակցական, ազգակցական, քավոր—սանիկական, ընկերական կապերից չեմ ամաչում եւ երբեւէ թաքցնելու առիթ չեմ ունեցել, բարոյական էլ չեմ համարում նման կապերը թաքցնելը կամ որեւէ կերպ խուսափելը դրանցից։ Ես ինքս փոխադարձ հարգանքի վրա հիմնված հարաբերություններ ունեմ պարոն Գասպարյանի հետ, սակայն քավոր—սանիկական հարաբերություններ չունենք։ Եթե ունենայի, մեծ սիրով կբարձրաձայնեի»,—հայտնեց՝ հավելելով, թե աշխատել է ոստիկանությունում, քննչական կոմիտեում, դատախազության տարբեր մարմիններում, ու Գասպարյանի հետ շփումը նաեւ այդ շրջանակում է եղել։

Հարուստ է, բայց չի ասի՝ որտեղից

Չնայած երիտասարդ տարիքին (28 տարեկան) Քյարամյանը հարուստ է։ Բարձրաստիճան պաշտոնատար անձանց էթիկայի հանձնաժողովի կայքում տեղադրված նրա 2017թ. հայտարարագրի համաձայն, ստացել է 4,674,807.0 աշխատավարձ, նրա դրամական միջոցները 2017թ. հարկային տարում կազմում էին 32 մլն դրամ, 48 հազար դոլար, 6000 դոլար փոխառություն։ Ունեցել է (Երեւանի դատախազի պաշտոնը ստանձնելու ժամանակ) 4 հողամաս, երկու բնակելի տուն՝ հողամասի վրա կառուցված, հողին ամրակայված այլ շինություն, ավտոտնակ, MERCEDES—BENZ C 180 մեքենա, թանկարժեք զարդեր։ Որտեղի՞ց նրան այդքան հարստություն։
Ի պատասխան Արգիշտի Քյարամյանը արձագանքեց. «Ես աշխատել եմ տարբեր ուժային կառույցներում, զբաղեցրել եմ տարբեր պաշտոններ եւ պաշտոնապես հայտարարում եմ, որ երբեւէ կոռուպցիոն սկանդալում չեմ եղել, որեւէ կլանային համակարգում չեմ եղել, ոչ էլ բիզնեսով եմ զբաղվել»։
Լրագրողները շարունակեցին՝ պաշտոնատար անձ է, դա գաղտնի՞ք է։ «Ես կոռեկտ չեմ համարում իմ ունեցվածքը քննարկել»,—եզրափակեց նա։
Արմենուհի ՄԵԼՔՈՆՅԱՆ

26-04-2019





20-07-2019
Շուշին լիովին կապահովվի խմելու ջրով
Բերդաքաղաքում լուծվում են կենսական խնդիրները

Դավիթ ՄԻՔԱՅԵԼՅԱՆ
d.miqayelyan@hhpress.am


Կրթամշակութային կենտրոն ...


20-07-2019
Օդի ջերմաստիճանը կհասնի +42-ի
Առողջապահության նախարարությունը տապից պաշտպանվելու խորհուրդներ է տալիս

Իրաքի ...


20-07-2019
Ամերիկյան մոդել
Հատվածներ Ֆարիդ Զաքարիայի «Ազատության ապագան. ոչլիբերալ ժողովրդավարությունը ԱՄՆ-ում ...


20-07-2019
Սեւանի անձնագիր ստացած երկարաչանչը
Որ կարեւոր է ոչ միայն լճի ջրի որակի, ...


20-07-2019
Հյուրընկալել է նախագահը
Հանրապետության նախագահ Արմեն Սարգսյանը երեկ ընդունել է Հայաստանի Հանրապետությունում ...


20-07-2019
«Սա այն բարեփոխումն է, որից մենք ակնկալում ենք կոնկրետ արդյունքներ»
Վարչապետի գլխավորությամբ քննարկվել է բարձր տեխնոլոգիական արդյունաբերության նախարարության ...



20-07-2019
«Ամեն բան մարդուն մատչելի է....»
1902 թ. մի նամակում Հովհաննես Թումանյանը, դրվատելով ...

20-07-2019
Թատրոն չեն հաճախում, բայց դերասան դառնալ են ուզում
Ինչո՞ւ են դիմում թատերական ...

20-07-2019
Թեհրան—Լոնդոն փոխհարաբերություններում լարվածությունը պահպանվում է
Էմմա ԲԵԳԻՋԱՆՅԱՆ
e.begijanyan@hhpress.am



 
20-07-2019
Մերոնք՝ միջազգային առաջնություններում
Վերջին օրերը հագեցած են հայ մարզիկների ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO