Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.08.2019
ՀԱՍԱՐԱԿՈՒԹՅՈՒՆ


Օրը քաղաքացունն էր

Հետհեղափոխական երկրի առաջին հեղափոխական տոնը

Ո՛չ ցույցեր էին, ո՛չ էլ երթեր, թեեւ մայրաքաղաքում եւ մարզերում փակ փողոցներ կային։ Ոստիկանները, սակայն, փորձ չէին անում երթեւեկությունը վերականգնել։ ՀՀ քաղաքացին իր տոնն էր նշում։ Ապրիլի 27—ին Հայաստանում առաջին անգամ նշվեց Քաղաքացու օրը։
Օրը թեեւ Հայաստանի քաղաքացունն էր, բայց դրանից անմասն չմնացին նաեւ օտարերկրացի զբոսաշրջիկները։ Ամենից շատ երեւի թե նրանց տեսախցիկներն էին ֆիքսում իրադարձությունները՝ երգ, պար, քեֆ—ուրախություն, ծառատունկ եւ հայի տոնական սեղանից անպակաս խորոված։ Հեղափոխության օրերի խորովածից հեղափոխության առաջնորդ Նիկոլ Փաշինյանը չէր համտեսել, բայց Քաղաքացու օրվա խորովածից ՀՀ վարչապետ Նիկոլ Փաշինյանը համտես արեց։
Քեֆ—ուրախությունից ու մշակութային միջոցառումներից զատ, տարբեր նախաձեռնությունների շրջանակում ներկայացվեցին Քաղաքացու օրվա խորհուրդը, նշանակությունը եւ մեկ տարվա ընթացքում արձանագրված փոփոխությունները։ Վերջինին վարչապետը անդրադարձավ հումորով։ «Չեմ կարողանում իմ հարազատ քաղաքում ազատ քայլել»,—ասաց ի պատասխան լրագրողների հարցերին։ Ու թեեւ նախապես ասաց, որ ներկա է որպես քաղաքացի, ոչ թե որպես վարչապետ եւ խնդրեց լրագրողներին հարցեր չուղղել, այդուամենայնիվ հարցեր ու պատասխաններ եղան։ Որքանո՞վ էր ճիշտ ավելի քան 120 մլն դրամ գումար ծախսել Քաղաքացու օրվա համար, եթե հնարավոր էր այլ ուղղությամբ ծախսել՝ Փաշինյանը պատասխանեց. «Այլ ուղղություններով եւս գումարներ կծախսվեն։ Այս տարի քաղաքացին 40 մլրդ դրամով գերակատարում է բյուջեի եկամուտները»։
ԱԺ նախագահ Արարատ Միրզոյանն էլ նկատեց, որ հեղափոխությունն իսկապես քաղաքացու հաղթանակն է, եւ որ այս տոնը կոչված է ամրապնդելու ու արժեւորելու այդ հաղթանակը։
Օրը նշանակալի էր նաեւ ՀՀ նախագահ Արմեն Սարգսյանի նստավայրում։ Հանրապետության նախագահի աշխատակազմում աշխատանքի ընդունվեց հայրենիքի եւս մեկ պաշտպան՝ Լիպարիտ Մելքոնյանը։
Մեկ այլ հարթակում էլ «Իրազեկ քաղաքացի» խորագրով հանրային քննարկմանը ՀՀ ԱԳ նախարար Զոհրաբ Մնացականյանը նշեց. «Այս օրը արտահայտում է այն, ինչին մենք ձգտել ենք 27 տարի. կառուցելու մեր պետությունը, մեր երկիրը որպես ժողովուրդ, որն ունի իր հստակ արտահայտված ինքնությունը, իր արժանապատվությունը, իր ինքնավստահությունը, իր հարգանքը պատմության հանդեպ, գիտակցումն աշխարհում իր տեղի եւ դերի՝ որպես քաղաքակրթություն։ Քաղաքացին է հիմքը պետության, որովհետեւ ինքն է տերը իր իրավունքների, իր զարգացման»։ Ասում է՝ որպես քաղաքացի իրեն վստահ է զգում, երբ տեսնում է, թե որքան հզոր է դարձել ազատության այդ խորը զգացումը քաղաքացու մեջ, առավել եւս երիտասարդ սերնդի մեջ։
Քաղաքացու օրը երիտասարդները ավելի քան ոգեւորված էին։ Միայն թե Անահիտին մեկ հարց էր հուզում՝ պե՞տք էր արդյոք այդքան գումար կենտրոնացնել այդ օրը նշելու համար։ Կարծում է, որ ավելի առաջնահերթ խնդիրներ կարելի էր լուծել։ Մյուս կողմից էլ իր հարցին պատասխանելով՝ նկատում է. «Երեւի թե այդ հարցերն էլ կլուծեն։ Սպասենք, ամեն ինչ լավ կլինի»։
Վոլոդյան օրվա տոնական շունչը զգում էր։ Ըստ նրա, հեղափոխությունից դժգոհողները նախկին իշխանությունների կողմնակիցներն են, որոնք անկախ արդյունքներից, այսպես թե այնպես դժգոհելու էին։ Իսկ թե նույն ոգեւորությամբ Քաղաքացու օրը նշելը շարունակակա՞ն կլինի՝ պայմանավորում է տնտեսական հեղափոխությամբ. «Մինչեւ տնտեսական հեղափոխություն չլինի, ոչինչ պարզ չի լինի»։ Տոնական մթնոլորտի մասին հարցին էլ Արմենը հարցով է պատասխանում. «Եթե տոնական մթնոլորտ չլիներ, ի՞նչ եմ անում այստեղ ընտանիքիս հետ։ Բա էս երգ—երաժշտությունը…»։ «Միայն այն, որ հեղափոխություն եղավ, ու ՀՀ քաղաքացին տեր կանգնեց իր հպարտությանը, ամեն ինչ է։ Առանց այս օրը առանձնացնելու էլ հայ ժողովրդի համար գարունը տոն էր լինելու։ Վերածննդի գարուն էր դա»,–համոզված է Արիստակեսը։
Թամարա ՄՈՒՐԱԴՅԱՆ

30-04-2019





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO