Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.06.2020
ԿՐԹՈՒԹՅՈՒՆ


Կմեծանա գրավչությունը ուսման նկատմամբ

Նախագիծ, որով պետությունը կփոխհատուցի աշխատող ուսանողի վարձավճարը

Օրերս Ազգային ժողովում շրջանառության մեջ դրվեց «Իմ քայլը» խմբակցության ղեկավար Լիլիթ Մակունցի եւ նույն խմբակցության անդամ Սիսակ Գաբրիելյանի հեղինակած՝ բարձրագույն կրթությունը անվճար դարձնելու մասին օրենքի նախագիծը, ըստ որի՝ պետությունը պարտավորվում է վճարել ՄՈԳ—ի շեմը հաղթահարած աշխատող ուսանողների ուսման վարձը։ Նախագծով առաջարկվում է եկամտահարկից փոխհատուցել ինչպես գրանցված, հիմնական աշխատողների, այնպես էլ քաղաքացիաիրավական պայմանագրով ծառայություններ մատուցող ուսանողների վարձավճարները։ Պետությունը կվճարի նաեւ միջնակարգ մասնագիտական եւ տեխնիկական ուսումնական հաստատությունում վճարովի սովորող եւ աշխատող ուսանողների վարձավճարները։
Ինչպես «ՀՀ»—ի հետ զրույցում ասաց Սիսակ Գաբրիելյանը՝ նախագիծը հասարակության 95 տոկոսը դրական է գնահատում։ Բայցեւ այնպես որոշակի տարակարծություններ եւ թյուրըմբռնում կա։ «Հարկերից ազատումը այս մոդելով դարձնում ենք ավելի նպատակային, գումարն ուղղվում է ուսանողի ուսմանը։ Հեծանիվ չենք հորինում, նման ընթացակարգեր գոյություն ունեն աշխարհի մի շարք երկրներում։ Նմանատիպ մոդել կա Ռուսաստանում, Բելառուսում, սկանդինավյան երկրներում, այլուր։ Որոշակի մտահոգություններ են տեսնում ռիսկերի հետ կապված։ Կարծում են, որ նախագիծը բացասաբար կանդրադառնա կրթության որակի վրա, ուսանողը կաշխատի դասերի հաշվին։ Կարծում եմ՝ այս մտայնությունն անտեղի է, քանի որ, ինչպես արդեն հստակ նշվեց, արտոնությունից կօգտվեն միայն ՄՈԳ—ի շեմը հաղթահարած, բարձր առաջադիմություն ցուցաբերած ուսանողները։ Նախագիծը շրջանառության մեջ է դրված առանց որեւէ սահմանափակումների՝ նպատակ ունենալով քննարկմանը ներգրավել առավել մեծ թվով փորձագետների։ Առաջիկա քառօրյայից հետո խորհրդարանում մեծ քննարկում կկազմակերպենք, որին կմասնակցեն ոլորտի հարյուրավոր մասնագետներ»,—տեղեկացրեց ԱԺ պատգամավորը։ Նրա դիտարկմամբ՝ երբ ուսանողը կարողանում է բարձր առաջադիմություն ցուցաբերել եւ զուգահեռ աշխատել, լավ կլինի, եթե պետությունը պարտավորվի փոխհատուցել։
Գաբրիելյանի խոսքով՝ հանրության շրջանում որոշակի թյուրըմբռնում կա նաեւ աշխատանքի հարցում։ «Նախագծում շատ կարեւոր մի դրույթ կա, այնտեղ չի ասվում, որ ուսանողը պարտադիր պետք է հիմնական, գրանցված աշխատող լինի։ Արտոնությունը վերաբերում է նաեւ քաղաքացիաիրավական պայմանագրով ծառայություններ մատուցող անձանց։ Օրինակ՝ լրագրության ֆակուլտետում սովորող ուսանողը կարող է ինչ—որ լրատվամիջոցում պարտավորություն ունենալ շաբաթական մեկ ռեպորտաժ պատրաստելու։ Եվ այս դեպքում, եթե եկամտահարկը բավականացնում է՝ պետությունը փոխհատուցում է ուսման ամբողջ տարվա գումարը։ Նույնը վերաբերում է նաեւ տուրիզմի ոլորտում սովորող ուսանողին։ Նա կարող է ծառայությունների մատուցման պայմանագիր կնքել որեւէ կազմակերպության հետ եւ հանգստյան օրերին էքսկուրսիաներ կազմակերպել։ Նախագծով նաեւ մատուցողները կարող են օգտվել արտոնությունից, եթե ունենան բարձր առաջադիմություն։ Մասնագիտական սահմանափակում չկա, ըստ էության»,–մանրամասնեց Գաբրիելյանը։ ՄՈԳ—ի շեմը 20 բալային համակարգից հնարավոր է 14—15—ը լինի։ Որոշակի քննարկումներ արդեն եղել են։ Ըստ Գաբրիելյանի՝ առաջարկություններ են եղել փոխհատուցման արտոնությունից օգտվելու հնարավորություն տալ երրորդ կուրսից հետո, իսկ մագիստրատուրայի դեպքում հստակ է՝ տրամադրել ի սկզբանե։ Նախագիծն այս պահին ներկայացվել է տնտեսական հարցերի մշտական հանձնաժողով։ ԱԺ նախագահի որոշմամբ միգուցե ընթացքում տեղափոխվի գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողով։ Գաբրիելյանն ասաց, որ նախագծի շուրջ զրուցել է նաեւ «Բարգավաճ Հայաստան» խմբակցության մի քանի պատգամավորների հետ, որոնք նույնպես դրական գնահատական են տվել։ «Մենք սրանով չենք ստիպում ուսանողին աշխատել, այլ աշխատողին ենք հորդորում զուգահեռ սովորել։ Ուսանողին խրախուսում ենք, աշխատողին ուղղորդում։ Առաջիկայում նախագիծը կքննարկվի նաեւ կառավարությունում, հուսով եմ՝ կհասնենք դրական արդյունքի։ Ինքնանպատակ չէ այս ամենը»,—հավելեց ԱԺ պատգամավորը։
Լիանա ՍԱՐԳՍՅԱՆ

30-04-2019





02-06-2020
Կուժեղացվեն աշխատողի իրավունքի պաշտպանության դրույթները
Օրենսգրքի բարեփոխումներն ուղղված են աշխատանքի կայունությանը, որակի եւ ...


02-06-2020
Ծանի՛ր զքեզ
Այս պատգամի կատարումը հասուն անհատից պահանջում է յուրացման ...


02-06-2020
Հայաստանում հաստատվել է COVID-19-ի 517 նոր դեպք
Հայաստանում հունիսի 2-ին, ժամը 11:00-ի դրությամբ հաստատվել է ...


02-06-2020
«Որդիքը Տիրոջ ժառանգութիւնն են...»
Մայրությունը կարեւորագույն դեր է, որ Աստված հատկացրել է կանանց ...


02-06-2020
Ավարտվեց ուստարին
Անցնող ուստարում Քաշաթաղի շրջանի 52 հանրակրթական դպրոցներում սովորող 2050 ...


02-06-2020
Քաշաթաղի շրջվարչակազմը նոր ղեկավար ունի
Երեկ Արցախի Հանրապետության տարածքային կառավարման եւ զարգացման նորանշանակ նախարար ...


02-06-2020
Կատարելագործել, այլ ոչ թե շուռ գալ ու հեռանալ
«Կազմակերպությունը, որը մենք ֆինանսավորում ենք, աջակցում եւ որի ...



02-06-2020
Ինչ է ասում ՄԻԵԴ խորհրդատվական կարծիքը
Մեր հասարակությունն իրավունք ունի ...

02-06-2020
Մեր շքեղ բուսաշխարհն ու անշուք վերաբերմունքը
Երբ ոչ ճանաչում ենք, ոչ բուժվում, ոչ ...

02-06-2020
Մերկելը չի ընդունել Թրամփի առաջարկը
«Մեծ յոթնյակի» գագաթնաժողովը կանցկացվի ...

02-06-2020
Գաբրիել Սարգսյանը՝ առաջին առցանց առաջնության բրոնզե մեդալակիր
Երեւանցի գրոսմայստեր Գաբրիել Սարգսյանը դարձել է ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO