Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.06.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Հարեւան երկրում ատելության քարոզը շարունակվում է

Հայաստանը կողմ է մարդասիրական գործողություններին, բայց ոչ՝ անպատժելիությանը

Հայաստանը մշտապես հավատարիմ է իրական մարդասիրական գործողություններին, սակայն այդ մարդասիրական գործողությունները չպետք է հանդուրժեն անպատժելիությունը, հատկապես ծանր հանցագործությունների պարագայում։ Այդ մասին լրագրողների հետ ճեպազրույցում ասաց ՀՀ ԱԳՆ մամուլի խոսնակ Աննա Նաղդալյանը, ներկայացնելով Հայաստանի դիրքորոշումը Ադրբեջանի կողմից առաջարկված «բոլորը՝ բոլորի դիմաց» սկզբունքի նկատմամբ։ «Անչափահասի միտումնավոր սպանությունը ծանր հանցագործություն է ցանկացած հասարակությունում։ Ուստի «բոլորը՝ բոլորի դիմաց» սկզբունքը չպետք է հանդիսանա այն ելքը, որն արդարացնում է անպատժելիությունը եւ մարդու իրավունքների ոլորտում միջազգային իրավունքի եւ մարդասիրական իրավունքի խախտումները։
Ատելության հողի վրա հանցագործությունների անպատժելիությունն արդեն իսկ հանգեցնում է նոր հանցագործությունների եւ միջազգային իրավունքի խախտումների։ Եվ ատելության հողի վրա հանցագործությունների հերոսացումը եւ դրանց կատարողներին պաշտամունքի առարկա դարձնելն արդեն իսկ ծանր երեւույթ է»,–ընդգծեց նա՝ հիշեցնելով լեյտենանտ Գուրգեն Մարգարյանի սպանությունը, երբ մարդասպանության մեջ դատապարտվածն արտահանձնումից հետո հերոսացվեց եւ դարձավ պաշտամունքի առարկա միայն նրա համար, որ հայի էր սպանել։
Ադրբեջանի ԱԳՆ մամուլի խոսնակ Աբդուլաեւան հայտարարել էր, որ գրեթե 90%—ով պատրաստ է Ադրբեջան—ԵՄ համաձայնագիրը, նաեւ անդրադարձել էր Ադրբեջանի տարածքային ամբողջականության հարցին՝ նշելով, որ այդ փաստաթղթում ընդգրկված են Արեւելյան գործընկերության նախորդ փաստաթղթերի հղումները, որտեղ ԵՄ—ն ճանաչում է Ադրբեջանի տարածքային ամբողջականությունը։ Նաղդալյանը նկատեց, որ այդ գործընթացում Հայաստանը որեւէ ներգրավվածություն չունի, որովհետեւ հանդիսանում է երրորդ կողմ, իսկ Ադրբեջան—Եվրամիություն համաձայնագիրը կարգավորում է Ադրբեջանի եւ ԵՄ—ի միջեւ երկկողմ հարաբերությունները։ Թեեւ դրանք բոլորը երկկողմ հարաբերությունների հարթակում են, բայց հայկական կողմի դիրքորոշումը արցախյան հիմնախնդրի առնչությամբ հայտնի է միջազգային գործընկերներին, իսկ որոշ դեպքերում՝ նաեւ ամրագրված արցախյան հիմնախնդրի վերաբերյալ համապատասխան փաստաթղթերում։ ԵՄ—ի պարագայում խոսքը ԵՄ բարձրաստիճան պաշտոնյաների հայտարարությունների, նաեւ Համապարփակ եւ ընդլայնված գործընկերության համաձայնագրի մասին է։ «Այս առնչությամբ մենք ուղղակի ակնկալում ենք մեր գործընկերների սկզբունքային մոտեցումը»,– շեշտեց Նաղդալյանը։
Առաջիկայում նախատեսված է ԵԱՀԿ Մինսկի խմբի համանախագահների այցը տարածաշրջան, որի շրջանակներում նրանք կայցելեն Երեւան, Ստեփանակերտ եւ Բաքու։ ԱԳՆ մամուլի խոսնակը օրակարգի վերաբերյալ մանրամասներ չհայտնեց՝ նշելով, որ դա մշտապես ասվում է հանդիպման ավարտից հետո։ «Բնականաբար, քննարկվելու են առաջիկա քայլերը եւ ծրագրերը, բայց որեւէ մանրամասն չեմ կարող հայտնել»,–ասաց նա։
Անդրադառնալով Էլմար Մամեդյարովի այն հայտարարությանը, թե «ժամանակն աշխատում է ընդդեմ ագրեսոր Հայաստանի», Աննա Նաղդալյանը նշեց, որ նման բանավեճի մեջ ներգրավվելու անհրաժեշտություն չունենք, քանի որ խաղաղությունն անհրաժեշտ է տարածաշրջանի բոլոր ժողովուրդներին։ Իսկ կարգավորումն ընդունելի պետք է լինի Արցախի, Հայաստանի եւ Ադրբեջանի ժողովուրդների համար։ «Հայաստանն այսօր աշխարհին ներկայանում է որպես ժողովրդավար երկիր եւ կարողացել է մարդու իրավունքների եւ ժողովրդավարության ոլորտում նման շրջանակի հասնել անգամ չլուծված հակամարտության պարագայում, եւ Հայաստանի անվտանգության եւ զարգացման ապահովումը շարունակում է մնալ մեր գերակայությունը։
Արցախի եւ Հայաստանի անվտանգությունը ապահովված է գործով եւ շարունակելու է մնալ որպես գերակայություն։ Մենք նման դասախոսությունների կարիք, թե ինչն ում է ձեռնտու՝ չունենք։ Սակայն գիտենք, որ խաղաղությունը բխում է տարածաշրջանում բոլոր ժողովուրդների շահերից։ Հիմնախնդրի կարգավորումը ձեռնտու է տարածաշրջանի բոլոր երկրներին, այդ թվում նաեւ Ադրբեջանի տնտեսության եւ ժողովրդավարական զարգացման համար։ Սակայն տարածաշրջանում ժողովրդավարության ձեւավորումը եւ ամրապնդումը նույնպես բխում են տարածաշրջանում կայունության, զարգացման եւ բարգավաճման դիրքերից»,– մեկնաբանեց ԱԳՆ ներկայացուցիչը։
Ադրբեջանն առանց նախապես ծանուցելու ԵԱՀԿ—ին՝ հերթական լայնածավալ զորավարժություններն է անցկացնում, ինչը ԵԱՀԿ հանձնառության խախտում է։ Նաղդալյանի խոսքով, այն չի նպաստում տարածաշրջանում խաղաղության եւ վստահության մթնոլորտի ձեւավորմանը եւ, բնականաբար, այդ հարցը բարձրացվելու է ԵԱՀԿ—ում Հայաստանի մշտական ներկայացուցչության կողմից։ «Այս ամենի առնչությամբ մի բան կցանկանայի ընդգծել, որ մենք վստահ ենք մեր ուժերի վրա, մենք նախ եւ առաջ ապավինում ենք մեր ուժերին, եւ այդ վստահությունն է մեզ թույլ տալիս ոչ միայն պահպանելու խաղաղությունը, այլ նաեւ հանդես գալու խաղաղության դիրքերից»,–շեշտեց նա։
Վերջին շրջանում Հայաստանի եւ Ադրբեջանի արտգործնախարարները հանդիպումներ ունեցան Մինսկի խմբի համանախագահ երկրների մայրաքաղաքներում՝ Փարիզում եւ Մոսկվայում։ ԱԳՆ մամուլի խոսնակը չբացառեց, որ առաջիկա հանդիպումը կարող է լինել Վաշինգտոնում կամ մեկ այլ մայրաքաղաքում։ «Այս առումով մենք պետք է սպասենք, որ հրավիրող կողմն ինքը հստակեցնի իր համար եւ նաեւ մեզ ներկայացնի տեխնիկական մանրամասները՝ հատկապես կապված վայրի եւ ժամկետների հետ։ Մենք դա միշտ հայտնում ենք համաձայնեցված կարգով, այդ սկզբունքը մենք երբեւէ չենք խախտել ու չենք խախտելու»,–տեղեկացրեց Նաղդալյանը։
ՀՀ ԱԳ նախարար Զոհրաբ Մնացականյանը մեկնեց Բիշքեկ՝ մասնակցելու ՀԱՊԿ ԱԳ նախարարների խորհրդի նիստին, որտեղ քննարկվելու են ՀԱՊԿ անդամ պետությունների արտաքին գործերի նախարարների խորհրդի օրակարգում ներառված հարցեր, այդ թվում՝ այն հարցերը, որոնք առնչվում են ՀԱՊԿ գլխավոր քարտուղարի նշանակմանը եւ գլխավոր քարտուղարի լիազորությունների վաղաժամ դադարեցման դեպքում բոլոր այն քայլերին, որոնք ուղղված են իրավական այդ բացի լրացմանը։ «Այս առումով մի հստակեցում անեմ. այն, որ գլխավոր քարտուղարը նշանակվելու է 2020թ. հունվարի 1—ից եւ լինելու է Բելառուսի թեկնածությունը, դա մենք կարող ենք ենթադրել, բայց ոչ պնդել, քանի որ չկա համապատասխան որոշում։ Երբ որ կլինի Հավաքական անվտանգության խորհրդի համապատասխան որոշում, այդ ժամանակ մենք կարող ենք պնդել, թե ինչ զարգացումներ տեղի ունեցան դրա հետ կապված»,–ասաց Նաղդալյանը։ Ինչ վերաբերում է Ստանիսլավ Զասի թեկնածությանը, ապա հայկական կողմը գնահատում է իր գործունեությունը՝ որպես անվտանգության խորհրդի քարտուղարի, նաեւ ՀԱՊԿ ԱԽ քարտուղարների կոմիտեում, եւ իր գործընկերների կողմից արձագանքը՝ համարելով այն դրական։ «Դա պետք է ավելի մանրամասն ուսումնասիրենք. այժմ ես չեմ կարող ասել, ինչ դիտարկում կլինի։ Մենք դեռեւս գտնում ենք այն փուլում, որ քննարկում ենք նշանակման կարգը եւ, ինչպես ասացի, իրավական բացերը»,–հավելեց նա։
Լուսինե ՄԽԻԹԱՐՅԱՆ

22-05-2019





22-06-2019
Ակնկալվում էր առավել սուր հայտարարություն
ԼՂ խնդիրը տարածաշրջանային զարգացումների համատեքստում է

Լուսինե ՄԽԻԹԱՐՅԱՆ
l.mkhitaryan@hhpress.am


Հունիսի ...


22-06-2019
Անկայունության դրսեւորումներ հարեւան երկրում
Հայաստանը՝ արագ փոփոխվող միջազգային օրակարգի դեմ հանդիման

Արմենուհի ՄԵԼՔՈՆՅԱՆ
a.melqonyan@hhpress.am




22-06-2019
Պետություն
Մի այլ տարբերակ էլ հուշում է Քսենոփոնը

Թադեւոս ԽԱՉԱՏՐՅԱՆ
t.khachatryan@hhpress.am




22-06-2019
Ֆրիդրիխ Գուստավ Էմիլ Մարտին Նիեմոլլեր
Ֆրիդրիխ Գուստավ Էմիլ Մարտին Նիեմոլլեր (1892—1984)՝ գերմանացի աստվածաբան եւ ...


22-06-2019
Ինչ—որ մի թշվառական բեմադրություն կար Սունդուկյանի թատրոնում
(Լեւոն Ներսիսյան. Դասախոսություններ)

...Մի փոքրիկ բան պատմեմ ձեզ, ...


 
22-06-2019
Նրանք
Դարավերջի «այցելուներս»՝ ինձ քուն թե արթմնի հանգիստ չտվող մտավորականների ...


22-06-2019
Բացարձակ օբյեկտիվիզմ անհնար է
Գրականագետ, գեղագետ, դերասան, դասախոս Լեւոն Ներսիսյանի (1931-1999) դասախոսություններից




22-06-2019
Բռնություն ընտանիքում ու կանանց հանդեպ
Համապատասխան մարմինների գործառույթներն ...

22-06-2019
«Ոսկե ծիրանի» քաղաքականությունը փոխվել է
Նաեւ թուրքական ու ադրբեջանական ֆիլմեր՝ ...

22-06-2019
«Բրուտ արտ» սիմպոզիումը՝ Շուշիում
Ամառային տարաբնույթ մշակութային միջոցառումների ...

22-06-2019
Մարզավիճակը հաջողության հույս է ներշնչում
Հայաստանի մարմնամարզիկներն ավարտելով թբիլիսյան ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO