Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.11.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Հայաստանի ու Չինաստանի միջեւ վիզային ռեժիմ չի լինի

Ազատում մուտքի արտոնագրի պահանջից՝ մինչեւ 90 օր ժամկետով

Գործադիրը երեկվա նիստում հավանություն տվեց «Հայաստանի Հանրապետության կառավարության եւ Չինաստանի Ժողովրդական Հանրապետության կառավարության միջեւ սովորական անձնագրեր կրող անձանց համար մուտքի արտոնագրի պահանջի փոխադարձաբար վերացման մասին» համաձայնագրի ստորագրման առաջարկին։
Արտաքին գործերի նախարարի տեղակալ Գրիգոր Հովհաննիսյանը տեղեկացրեց, որ ադպիսով երկու երկրների միջեւ հաստատվում է առանց վիզային ռեժիմ, որով Հայաստանի եւ Չինաստանի քաղաքացիներն ազատվում են մուտքի արտոնագրի պահանջից մինչեւ 90 օր ժամկետով՝ 180 օրվա ընթացքում։ Չինաստանի հետ սովորական անձնագրեր կրող անձանց համար մուտքի արտոնագրի պահանջը փոխադարձաբար վերացնելու մասին համաձայնագրի կնքմամբ ակնկալվում է առեւտրական, գործարար, միջմարդկային, զբոսաշրջային փոխանակումների առավել ակտիվացում եւ այս բնագավառներում գոյություն ունեցող ներուժի իրագործում։ Երկուստեք համոզված են, որ տվյալ համաձայնագիրը կնպաստի նաեւ երկկողմ քաղաքական հարաբերությունների ու փոխվստահության ամրապնդմանը։
Չինական կողմը հայտնել է, որ համաձայնագրի նախագիծը Չինաստանում անցել է ստորագրման համար անհրաժեշտ ներպետական ընթացակարգերը։
Տեղեկացնենք, որ նմանատիպ համաձայնագիր ՉԺՀ—ն ստորագրել է Բելառուսի հետ եւ նախապատրաստվում է ստորագրել Մոլդովայի հետ։ Վրաստանի եւ Ադրբեջանի դեպքում ՉԺՀ քաղաքացիների համար գործում է առանց մուտքի արտոնագրերի ռեժիմ խմբային այցելությունների համար։ Սովորական անձնագրերով ՉԺՀ քաղաքացիները Վրաստան եւ Ադրբեջան մուտք գործելիս կարող են մուտքի արտոնագիր ստանալ սահմանային անցակետերում։
ՀՀ ԱԳ փոխնախարարը նկատեց, որ չինական կողմից նշվել է նաեւ, որ Ադրբեջանը դիմել է Չինաստանին նման համաձայնագիր ստորագրելու խնդրանքով, բայց մերժում է ստացել։ Ըստ չինական կողմի, ՉԺՀ մուտքի արտոնագրերի տրամադրումը բարդ է նաեւ Թուրքիայի ու Միջին Ասիայի պետությունների համար։
Չինական կողմը ընդգծել է նաեւ, որ ՉԺՀ քաղաքացիների՝ դեպի Հայաստանի Հանրապետություն միգրացիայի ռիսկերը բացառվում են՝ հաշվի առնելով ՉԺՀ բնակչության գերակշիռ մասի ապահովված լինելը։
Այս ամենը հաշվի առնելով էլ մեր ԱԳՆ—ն նպատակահարմար է գտնում հիշյալ համաձայնագրի ստորագրումը։ Այն համապատասխանում է ՀՀ վարած արտաքին քաղաքականությանը եւ ստանձնած միջազգային պարտավորություններին։
Գրիգոր Հովհաննիսյանը նկատեց, որ միգրացիոն կարգավորումների նպատակով կողմերը պարտավորվում են արագ եւ արդյունավետ միջոցներ ձեռնարկել առանց վիզային ռեժիմը չարաշահող քաղաքացիներին իրենց երկիր վերադարձի համար։
Վարչապետ Նիկոլ Փաշինյանը իր հերթին նշեց, որ այս համաձայնագիրը իր՝ Չինաստան կատարած այցելության ժամանակ ձեռք բերված պայմանավորվածությունների շրջանակում է։
Վիզային ռեժիմի չլինելու համաձայնագրով չի սահմանափակվում երկու կողմերի համապատասխան մարմինների իրավունքը՝ արգելելու մյուս կողմի քաղաքացու մուտքն իր տարածք, եթե նման անձը համարվում է persona non grata (անցանկալի անձ)։
Համաձայնագրում նշվում է, որ երկու կողմն էլ՝ Հայաստանն ու Չինաստանը, կարող են իրենց ազգային անվտանգության, հասարակական կարգի կամ հանրային առողջության շահերից ելնելով, ժամանակավորապես մասամբ կամ ամբողջությամբ կասեցնել այս փաստաթղթի գործողությունը։
Հավելենք, որ համաձայնագիրը կնքվում է անորոշ ժամկետով։ Եթե յուրաքանչյուր կողմ ցանկանա դադարեցնել համաձայնագիրը, ապա դրա մասին դիվանագիտական ուղիներով գրավոր կծանուցի մյուս կողմին։ Համաձայնագրի գործողությունը կդադարի ծանուցման օրվանից 90—րդ օրը։
Ի դեպ, չինական կողմից նշվել է, որ համաձայնագրի ստորագրումը դիտարկվում է հիմնականում քաղաքական տեսանկյունից՝ նկատի ունենալով քաղաքական փոխվստահության բարձր մակարդակը։
Արմենուհի ՄԵԼՔՈՆՅԱՆ

24-05-2019





15-11-2019
Հետկանչի ինստիտուտի ներդրման անհրաժեշտությունը
Որքանով այն կնպաստի ուղիղ ժողովրդավարության ամրապնդմանը

Լուսինե ՄԽԻԹԱՐՅԱՆ
l.mkhitaryan@hhpress.am


Արդարադատության ...


15-11-2019
Նոր դասագրքերի հիմքում կդրվի քննական մտածողություն
Ո՞ր ուղղությամբ է փոխվում կրթական համակարգը

Լիանա ՍԱՐԳՍՅԱՆ
l.sargsyan@hhpress.am


Վերջին ...


15-11-2019
Հայոց գրականության երկու դարը եւ իր մեկնաբանը
Ակադեմիկոս Սերգեյ Սարինյանի ցանկությունների ցանկությունն էր՝ գրականագիտությունը տեսնել ...


15-11-2019
Դեռ ոչինչ պարզ չէ, երբ դիվանագիտությունը դրական ու լայն ժպիտով է
Սա պետք է դադար համարել եւ շարունակել պայքարը ...


15-11-2019
45.8 մլն եվրոյի վարկ՝ պակասուրդի ֆինանսավորմանը
Գործադիրը հավանություն տվեց համաձայնագրի ստորագրմանը

Արմենուհի ՄԵԼՔՈՆՅԱՆ
a.melqonyan@hhpress.am

Գործադիրը երեկվա ...


15-11-2019
Արտոնություններ ալյուրի եւ հագուստի արտադրության համար
Գործադիրը կայացրեց համապատասխան որոշումները

Արմենուհի ՄԵԼՔՈՆՅԱՆ
a.melqonyan@hhpress.am


«Պրոյեկտ ինտեր-ինվեստ» ընկերության ...


15-11-2019
Հայ քաղաքացիների ապագան Հայաստանում է
Աջակցություն կտրամադրվի Գերմանիայից կամավոր վերադարձած մեր հայրենակիցներին

Գերմանիայում ...



15-11-2019
Ադամ Սահակյանի անվան դպրոց՝ Արցախի Տանձուտում
Ազատագրված հողի վրա ապրող յուրաքանչյուր ...

15-11-2019
Անտրամաբանական պահանջներից մինչեւ «հուսադրող» մերժում
Աշխատատեղի մասին հայտարարությունը միշտ ...

15-11-2019
Հայաստանում առկա բարձր տնտեսական տրամադրությունը հույս է տալիս, որ 2020-ին կմեծացնենք տնտեսական աճի տեմպերը
Վարչապետ Նիկոլ Փաշինյանը մասնակցել է ...

15-11-2019
Երեկ պարտվեցինք, սպասենք այսօրվան
Մինչ Հայաստանի ֆուտբոլի ազգային հավաքականն ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO