Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.06.2019
ԿՐԹՈՒԹՅՈՒՆ


Թումանյանի բառի խորհուրդը՝ նոր սերնդի ընկալմամբ

Հյուսիսային համալսարանում ամփոփվեցին ստեղծագործական մրցույթի արդյունքները

Հյուսիսային համալսարանում հանդիսավոր պայմաններում ամփոփվեցին Հ. Թումանյանի ծննդյան 150-ամյակին նվիրված՝ շարադրությունների, ասմունքի եւ մեծ գրողին ձոնված աշակերտական բանաստեղծությունների համադպրոցական մրցույթի արդյունքները։ Այն անցկացվել է ԿԳ նախարարության աջակցությամբ՝ Հյուսիսային համալսարանում մայիսի 15-16-ը կազմակերպված «Թումանյանի հոգեւոր ժառանգությունը եւ արդիականությունը» միջազգային գիտաժողովի համատեքստում։ Մրցույթը, որն ի սկզբանե նախատեսված էր ավագ դպրոցների 12-րդ դասարանի աշակերտների համար, ավելի լայն ընդգրկում ունեցավ՝ ներառելով նաեւ 10-11-րդ դասարանների սաներին՝ նրանց իսկ խնդրանքով։
Այն Հյուսիսային համալսարանի «Թումանյան—150» հոբելյանական ծրագրի յոթերորդ միջոցառումն էր, որն առանձնահատուկ էր ինչպես Երեւանի, այնպես էլ Հայաստանի տարբեր շրջանների դպրոցներից բուհ այցելած աշակերտների եւ ուսուցիչների խանդավառությամբ, տնօրենների նախաձեռնողականությամբ ու կազմակերպչական աշխատանքներին գործուն մասնակցությամբ։
Ողջույնի խոսքում համալսարանի ռեկտոր Բորիս Մակիչյանը նշեց այն մեծ պատասխանատվության մասին, որը դրսեւորել է բուհի ղեկավարությունն ու ողջ անձնակազմը Թումանյանի ծննդյան 150—ամյակին նվիրված միջոցառումները կազմակերպելիս։ Նա շեշտեց ինչպես մայիսի 15—16—ը բուհում անցկացված միջազգային գիտաժողովի կարեւորության մասին, որը, ի դեպ, հանրապետությունում առաջին նմանօրինակ նախաձեռնությունն էր, այնպես էլ կարեւորեց մեծ գրողին նվիրված մյուս նախաձեռնությունները՝ որպես ամենայն հայոց բանաստեղծի գործի ու գաղափարների մասին մեկ անգամ եւս բարձրաձայնելու, ամեն հայի նրա անմահ ստեղծագործությունները առավել սիրելի ու հարազատ դարձնելու միջոց։
«Հ. Թումանյանի ծննդյան 150—ամյակին նվիրված համադպրոցական մրցույթին շուրջ 30 դպրոցներից ավելի քան 100 աշակերտների մասնակցությունը, նրանց հետեւողականությունը մրցույթի անցկացման, դրա արդյունքների նկատմամբ խոսում է այն մասին, որ Թումանյանն ի զորու է ոգեշնչելու նաեւ այսօրվա պատանիներին՝ մղելով նրանց ստեղծագործելու, զգալու նրա ամեն բառն ու դրանում թաքնված մեծ խորհուրդը»,–խոսքն ամփոփեց բուհի ռեկտորը։
Մրցույթի հետեւյալ՝ «Թումանյանի բանաստեղծությունների լավագույն ասմունքող», «Իմ Թումանյանը» շարադրության, «Թումանյանին նվիրված աշակերտական բանաստեղծություններ» անվանակարգերում առաջին մրցանակի արժանացած ութ հաղթողները հնարավորություն կունենան 2019—2020 ուսումնական տարում՝ առաջին կուրսում, անվճար սովորելու Հյուսիսային համալսարանում ցանկացած մասնագիտությամբ։ Գերազանց առաջադիմության դեպքում ուսումնառության հաջորդ տարիներին անվճար ուսուցման հնարավորությունը կպահպանվի։
Երկրորդ կարգի մրցանակի արժանացած տասը մասնակիցները հնարավորություն կունենան 2019—2020 ուսումնական տարում՝ առաջին կուրսում, հիսուն տոկոս զեղչով սովորելու Հյուսիսային համալսարանում ցանկացած մասնագիտությամբ։
Իսկ երրորդ մրցանակի արժանացած տասներկու աշակերտները մեկօրյա ուղեւորություն կկատարեն Թբիլիսի՝ Թումանյանի տուն—թանգարան այցելությամբ։
Միջոցառման ընթացքում «Թումանյան—150» հուշամեդալ հանձնվեց ԿԳ նախարար Ա. Հարությունյանին՝ համադպրոցական մրցույթի կազմակերպմանն աջակցելու համար։ Շնորհակալագրեր հանձնվեցին նաեւ բոլոր դպրոցների տնօրեններին։ Հաղթողներին տրվեցին հավաստագրեր։
Գայանե ՀԱԿՈԲՅԱՆ

24-05-2019





19-06-2019
Ադրբեջանական կողմը հարվածներ է ուղղում նաեւ Ռուսաստանին
ՀՀ ԱԺ պատվիրակները ՆԱՏՕ-ի ԽՎ-ում հանդես կգան սեփական ...


19-06-2019
Փոքր, աննշան, բայց կարեւոր քայլերով
Բանակցային գործընթացը նվազեցնում է առճակատման ռիսկերը

Լուսինե ՄԽԻԹԱՐՅԱՆ
l.mkhitaryan@hhpress.am


ԵԱՀԿ ...


19-06-2019
Առաջին հերթին՝ որպես համազգային վստահության ինստիտուտ
ՀՀ նախագահի ելույթը հիմնադրամի հոգաբարձուների խորհրդի եւ տեղական ...


19-06-2019
Հիմնադրամը պետք է դառնա մեր համազգային բյուջեն
Նիկոլ Փաշինյանի ելույթը «Հայաստան» համահայկական հիմնադրամի 28-րդ համատեղ ...


19-06-2019
Ատամնաբուժարան, բուժկետ, աղի քարանձավ
Մարի Իզմիրլյանի անվան մանկատունը նոր շունչ է ստանում



19-06-2019
Ի՞նչ են գրում, ինչպե՞ս են գրում
Ժամանակակից գրականության դիմապատկերի ուրվագծերը

Լիանա ՍԱՐԳՍՅԱՆ
l.sargsyan@hhpress.am


Երիտասարդ ստեղծագործողները վերջին ...


19-06-2019
Հերթը հաջորդինն է
Օտար լեզուների քննական արդյունքները հայտնի են

Թամարա ՄՈՒՐԱԴՅԱՆ
t.muradyan@hhpress.am


Հունիսի ...



19-06-2019
Լեւոն Անանյան
Ոչ միայն մարդկային, այլեւ ...

19-06-2019
Դել Բոսկեն գաղտնիքներ չբացեց
Մանկապատանեկան մարզադպրոցների զարգացում, ուժեղ ...

19-06-2019
Նիկոլ Փաշինյանը հյուրընկալել է անվանի գիտնական Ռեյմոնդ Դամադյանին
Վարչապետ Նիկոլ Փաշինյանը հյուրընկալել է հայազգի ...

19-06-2019
Ներկայացվել է ՊԵԿ 2020-2024 թթ. ռազմավարական գործունեության ծրագրի նախագիծը
Վարչապետ Նիկոլ Փաշինյանի մոտ փոխվարչապետների, ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO