Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.10.2019
ԿԱՌԱՎԱՐՈՒԹՅՈՒՆ


Կառավարությունը եւ «Կորպորասիոն Ամերիկան» շարժվում են համաքայլ

Այդ գործընթացն ի վերջո պիտի պսակվի տնտեսական հեղափոխության հաղթանակով

Վարչապետ Նիկոլ Փաշինյանը Երեւանում ներկա է գտնվել «Կորպորասիոն Ամերիկա» օդանավակայանների ղեկավարության գագաթնաժողովին, հայտնում են ՀՀ կառավարության  տեղեկատվության եւ հասարակայնության հետ կապերի վարչությունից։ Միջոցառմանը մասնակցում են Հայաստանի, Արգենտինայի, Բրազիլիայի, Էկվադորի, Իտալիայի, Պերուի եւ Ուրուգվայի օդանավակայանների 120 ղեկավար անձինք եւ աշխատակիցներ՝ Օդանավակայանների միջազգային խորհրդի ղեկավար մարմնի նախագահ, «Կորպորասիոն Ամերիկա օդանավակայաններ» ընկերության գործադիր տնօրեն Մարտին Էռնեկյանի գլխավորությամբ։
Ողջունելով նման ներկայացուցչական հավաքի անցկացումը Հայաստանի Հանրապետությունում՝ վարչապետը նշել է, որ մեր երկրում բարձր են գնահատում Էռնեկյան ընտանիքի գործունեությունը։ «Կարող ենք միանշանակ ասել, որ առնվազն երկու ոլորտում Էռնեկյան ընտանիքի եւ «Կորպորասիոն Ամերիկա» ընկերության գործունեությունն ունեցել է եւ ունի շրջադարձային նշանակություն։ Արդեն ասվեց, որ «Զվարթնոց» միջազգային օդանավակայանի կառավարումը ստանձնել է «Կորպորասիոն Ամերիկա» ընկերությունը եւ միանշանակ է ու աներկբա, որ այս ընկերության գալով օդային ուղեւորափոխադրումների ոլորտում Հայաստանի Հանրապետությունում հիմնվել է նոր մշակույթ։ Անկեղծ ասած, բոլորս հպարտ ենք մեր օդանավակայանով, որովհետեւ տեսնում ենք, որ այն համապատասխանում է միջազգային լավագույն չափանիշներին, եւ համոզված ենք, որ առաջիկայում այն մեզ հպարտանալու նորանոր առիթներ կտա»,–ասել է Նիկոլ Փաշինյանը։
Վարչապետի խոսքով, երկրորդ ոլորտը, որտեղ Էռնեկյան ընտանիքի գործունեությունը շրջադարձային նշանակություն է ունեցել, գինեգործությունն է։ Կառավարության ղեկավարը հավելել է, որ այսօր Հայաստանի Հանրապետությունում գինեգործությունը բուռն զարգացում է ապրում եւ այդ բնագավառում Էռնեկյան ընտանիքի ներդրումն անգնահատելի է։ «Հայաստանի Հանրապետությունում ոլորտին մեծ էներգիա հաղորդեց «Կարաս» ընկերության հիմնադրումը եւ «Կարաս» գինու թողարկումը ու, ըստ էության, Հայաստանում գինեգործության վերածննդի առիթ հանդիսացավ։ Մենք այս գործունեության համար շնորհակալ ենք «Կորպորասիոն Ամերիկա» ընկերությանը եւ Էռնեկյան ընտանիքին։ Ամենեւին պատահական չէ, որ Էդուարդո Էռնեկյանը Հայաստանի Հանրապետության ազգային հերոս է։ Այդ բարձր կոչումն արտահայտում է այն ներդրումը, որ նա ունեցել է Հայաստանի Հանրապետության զարգացման գործում, եւ համոզված ենք, որ կշարունակի ունենալ։
Ուրախ եմ, որ այսօր Հայաստանի կառավարության եւ «Կորպորասիոն Ամերիկա» ընկերության միջեւ հաստատվել է աշխատանքային շատ լավ մթնոլորտ եւ այդ գործում չափազանց էական է պարոն Մարտին Էռնեկյանի դերը, ով հենց առաջին րոպեներից ամեն ինչ արեց, որպեսզի կառավարության եւ ընկերության միջեւ ձեւավորվի փոխադարձ վստահություն եւ ապագայի վերաբերյալ միասնական տեսլական։ Համոզված եմ, որ այն ծրագրերը, որոնց մասին խոսվում է, անպայման իրականություն կդառնան»,–ասել է Նիկոլ Փաշինյանը։
Վարչապետն ընդգծել է, որ օդային փոխադրումները Հայաստանի Հանրապետության համար ունեն ռազմավարական նշանակություն, քանի որ ցավոք մեր երկիրն իր անկախության առաջին օրերից կիսաշրջափակված իրավիճակում է, եւ այս պայմաններում օդային տրանսպորտը չափազանց կարեւոր նշանակություն ունի։
«Ասացի, որ այս ոլորտում արդեն իսկ կան գոհացուցիչ արդյունքներ, եւ մենք նայում ենք ապագային, ձեւավորում ենք ապագայի օրակարգը, որում կուզենայի ընդգծել մի քանի կարեւոր առանձնահատկություն։ Շատ կարեւոր է, որ մենք ի վերջո հնարավորինս արագ ամբողջ ծավալով գործարկենք Գյումրիի օդանավակայանը, ինչն իր հերթին կնպաստի մեկ այլ կարեւոր խնդրի լուծմանը՝ ավիատոմսերի գների նվազմանը, ինչը շատ կարեւոր է Հայաստանում ռազմավարական նշանակություն ունեցող մեկ այլ ոլորտի՝ տուրիզմի զարգացման համար։ Այս հարցերում մենք իհարկե ակտիվորեն համագործակցելու ենք մեր գործընկերների հետ։
Հաջորդ խնդիրը, որ ես կուզենայի ընդգծել այս ներկայացուցչական հավաքում, հետեւյալն է. ցավոք Հայաստանի Հանրապետությունում տեղական ավիափոխադրողների գործունեությունը եւ ծավալներն այնպիսին չեն, ինչպիսին մենք կցանկանայինք, ինչպիսին վայել է անկախ, ինքնիշխան երկրին։ Սա պետք է լինի մեր համագործակցության հաջորդ ուղղությունը, որպեսզի կառավարությունը եւ «Զվարթնոց» միջազգային օդանավակայանը, «Կորպորասիոն Ամերիկա» ընկերությունն իրար հետ համագործակցված կարողանան ստեղծել այնպիսի պայմաններ, որ հնարավոր լինի հայկական ավիափոխադրողի կամ ավիափոխադրողների ի հայտ գալն ու նրանց մրցունակությունն ապահովելը։ Ըստ էության, սրանք են այն հիմնական, առանցքային, ռազմավարական ուղղությունները, որոնց մասին մենք պարոն Էռնեկյանի հետ արդեն մի քանի անգամ քննարկումներ ունեցել ենք, բայց դա չի նշանակում, թե Էռնեկյան ընտանիքի եւ «Կորպորասիոն Ամերիկա» ընկերության գործունեությունը սահմանափակվում է միայն նշվածով»,–նշել է վարչապետ։
Գործադիրի ղեկավարը կարեւորել է Հայաստանի Հանրապետությունում կատարված եւ կատարվելիք ներդրումները։ «Մենք այժմ խոսում ենք «Զվարթնոց» օդանավակայանի ընդլայնման մասին, որովհետեւ շատ լավ նորություն է, որ օդանավակայանն ըստ էության հասնում է իր թողունակության առավելագույն ծավալին։ Սա չափազանց լավ նորություն է։ Ուզում եմ ընդգծել, որ ֆինանսական ներդրումները չափազանց կարեւոր են Հայաստանի Հանրապետության, մեր երկրի տնտեսության համար, բայց ես առանձնապես շատ ավելի կարեւոր եմ համարում բիզնեսի, տնտեսավարման այն նոր մշակույթը, որ ընկերությունն իր հետ բերել է Հայաստանի Հանրապետություն եւ դեռ կշարունակի բերել։ Սա իհարկե շատ ավելի կարեւոր է, որովհետեւ փոխում է երկրի մթնոլորտը, իմիջը եւ շատ կարեւոր է, որ ոչ միայն քաղաքական հարթության վրա փոխվի մեր երկրի իմիջը, պատկերը, այլեւ տնտեսական հարթության։ Ուրախ եմ արձանագրել, որ այս առումով Հայաստանի Հանրապետության կառավարությունը եւ «Կորպորասիոն Ամերիկա» ընկերությունը միմյանց հետ շարժվում են համաքայլ, եւ բոլորիս ցանկությունն ու համոզմունքն է, որ այս գործընթացը կշարունակվի, եւ մենք իրար հետ կաշխատենք մեր հայրենիքի՝ Հայաստանի Հանրապետության իմիջի, պատկերի, բովանդակության փոփոխության, նոր մշակույթի, նոր զարգացման վրա, որն ի վերջո պիտի պսակվի տնտեսական հեղափոխության հաղթանակով»,–նշել է Նիկոլ Փաշինյանը։
Միջոցառման ընթացքում օդանավակայանների ներկայացուցիչները կկիսվեն ավիացիոն ոլորտի իրենց լավագույն փորձով, նվաճումներով, կքննարկեն ոլորտի առջեւ կանգնած մարտահրավերները, կներկայացնեն վերջիններիս լուծման մոտեցումները, կխոսեն ապագա զարգացումների, նոր տեխնոլոգիաների եւ նորարարությունների, ինչպես նաեւ ոլորտային այլ հարցերի շուրջ։

* * *
2014 թվականին Արգենտինայում մեկնարկած նման ձեւաչափով հանդիպումները կրում են շարունակական բնույթ եւ միտված են աշխատանքներում առավել բարձր արդյունքի ապահովմանը։ Վերջին անգամ հանդիպումը տեղի էր ունեցել 2016 թվականին Բրազիլիայում։ Այս տարի Հայաստանն է հանդես գալիս որպես հյուրընկալող երկիր։
«Կորպորասիոն Ամերիկա օդանավակայաններ» ընկերությունն աշխարհի մեծագույն ընկերություններից է մասնավոր օդանավակայանների կառավարման առումով եւ աշխարհում տասներորդն է՝ ուղեւորների սպասարկման առումով։
2017 թվականի դրությամբ ընկերության օդանավակայանները սպասարկել են 77 միլիոն ուղեւորի, որոնց մոտ 32.8 տոկոսը եղել են միջազգային փոխադրման ուղեւորներ, մոտ 55.3 տոկոսը՝ ներքին չվերթների, 11.9 տոկոսը՝ տարանցիկ չվերթների ուղեւորներ։

05-06-2019





15-10-2019
Հայաստանը պետք է նպաստի մի շարք նախագծերում Վրաստանի ինտեգրմանը
Այս մոտեցումը կմեծացնի մեր երկրի դերակատարությունը տարածաշրջանային քաղաքական ...


15-10-2019
Բարեկարգվել է մոտ 140 կմ ճանապարհահատված
Արցախի Քաշաթաղի շրջանում բնակչությանը հուզող հիմնական խնդիրներից է ճանապարհաշինությունը։ ...


15-10-2019
ԳՈՐԾԱՐԱՐ ՎԱՐՎԵԼԱԿԱՐԳ
Կանանց հագուստ

Դասական կոստյում

Ժամանակակից նորաձեւության կարգախոսն է կանացիության եւ ...


 
15-10-2019
Հորդորակ
Հայերեն ընդունելի համարժեքներ ունեցող օտար բառերից խուսափելու մասին

Ներկայացնում ...


15-10-2019
Ֆինանսական վարձակալությամբ՝ նաեւ կաղնեփայտե տարաներ
Էկոնոմիկայի նախարարությունը լիզինգի ծրագրում լրացում է առաջարկում

Արմենուհի ՄԵԼՔՈՆՅԱՆ
a.melqonyan@hhpress.am




15-10-2019
Քննարկվել է պետական բյուջետային հատկացումների հայտը
Վարչապետ Նիկոլ Փաշինյանի գլխավորությամբ կառավարությունում երեկ քննարկվել է աշխատանքի ...


15-10-2019
Թուրքիան նախապատրաստվել էր հարձակման
Զենքի վաճառքի սահմանափակման մասին հայտարարությունները չեն զսպի Էրդողանի ...



15-10-2019
Աշխարհում տեսակով առաջին փառատոնը կկայանա Երեւանում
Ժամանելու են մեր օրերի լեգենդար ...

15-10-2019
Աշնան ամենաանուշ օրը
Բերքի ավանդական տոնն ...

15-10-2019
Սիրիայի բանակը պատրաստվում է դուրս մղել զավթիչներին
Էմմա ԲԵԳԻՋԱՆՅԱՆ
e.begijanyan@hhpress.am



15-10-2019
Չյուրացված դասի հետեւանքը
Ֆուտբոլի Հայաստանի ազգային հավաքականը «Եվրո-2020»-ի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO