Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.10.2020
ՆԵՐՔԻՆ ԿՅԱՆՔ


Դատական համակարգը չպետք է հանրության մեջ ցնցումներ առաջացնի

Վիճակի հանգուցալուծումը դատաիրավական համակարգի բարեփոխումներն են

Վարչապետ Նիկոլ Փաշինյանը մասնակցել է ԱԺ մշտական հանձնաժողովների համատեղ նիստում 2018 թ. պետբյուջեի կատարման հաշվետվության քննարկմանը, պատասխանել նաեւ լրագրողների հարցերին։
Խոսելով դատական համակարգում փոփոխությունների անհրաժեշտությունից՝ վարչապետը նշել է, որ Հայաստանի դատական համակարգի իշխանությունը չի բխում ժողովրդից եւ լեգիտիմության խնդիր ունի։ «Հիմա այսօր Հայաստանի Հանրապետությունում դատական համակարգն ո՞ւմ է ներկայացնում։ Սա ամենակարեւոր հարցն է։ Չի ներկայացնում ժողովրդին, հետեւաբար, դատաիրավական բարեփոխումների պրոցեսի տրամաբանությունը պետք է լինի այն, որ դատական համակարգը ներկայացնի ժողովրդին։ Մեզ պետք է այնպիսի դատական համակարգ, որի կայացրած որոշումները ոչ վարչապետը, ոչ ընդդիմությունը, ոչ իշխանությունը, ոչ քաղաքացիները չքննարկեն, ասեն՝ դատարանը որոշել է։ Իհարկե, այդ որոշումը կարող է սահմանված կարգով բողոքարկվել, բայց մեզ պետք է այնպիսի դատական համակարգ, որի որեւէ որոշում հանրության մեջ ցնցումներ չառաջացնի։ Մեր խնդիրը հենց սա լուծելն է»,–ընդգծել է վարչապետը։
Նրա գնահատմամբ՝ վերջին շրջանում տեղի ունեցած իրադարձությունների արդյունքում արձանագրվեց, որ Հայաստանի Հանրապետության դատական համակարգում կա ճգնաժամ, քանի որ դատարանները իրար չեն վստահում, իրար մեղադրում են։
«Մեր խնդիրն է ունենալ ժողովրդի վստահությունը վայելող անկախ դատական համակարգ։ Ամենամեծ խնդիրը ինձ համար որպես վարչապետ հենց առաջին օրվանից գիտե՞ք որն է։ Ես ասել եմ, որ դատական իշխանության գործերին չեմ միջամտում եւ չեմ միջամտել։ Բայց ամբողջ խնդիրն այն է, որ մեկին բռնում են, ամբողջ մամուլն ու սոցիալական ցանցերը գրում են, թե ինչու վարչապետը որոշեց այս ինչ մարդուն բռնել։ Ինչ—որ մեկին բաց են թողնում, ամբողջ քննարկումն այն է, թե ինչու վարչապետը որոշեց այսինչին բաց թողնել»,–ասել է Փաշինյանը՝ արձանագրելով, որ այս վիճակի հանգուցալուծումը տեսնում է դատական համակարգի բարեփոխումներով։
Միաժամանակ, վարչապետը առանց դատավորների աշխատավարձի լրջորեն բարձրացման չի պատկերացնում դատական անկախ համակարգ ունենալը։
Նիկոլ Փաշինյանը նշել է, որ բյուջեի միջոցներով հնարավոր է բարձրացնել դատավորների աշխատավարձերը, սակայն «հանրությունը մեզ չի հասկանա, որովհետեւ կասեն՝ սոցիալական իրավիճակում փոխանակ այս ու այն խնդիրը լուծեք, դատավորների աշխատավարձն եք բարձրացնում։ Եթե մեր միջազգային գործընկերները մեզ աջակցեն, երեք տարվա ընթացքում մենք, օրինակ, հակակոռուպցիոն դատարան կստեղծենք, հակակոռուպցիոն դատարանում ինչ—որ ձեւ կգտնենք բարձր աշխատավարձերով, նոր, լուրջ մասնագետներ ներգրավելու, որոնց վստահելիությունը վեթթինգով, ունեցվածքով կլինի բարձր, եւ երեք տարի անց հանրությունն էլ կտեսնի, ընդդիմությունն էլ, իշխանությունն էլ, որ իրոք անկախ դատական համակարգ ունենալը լավ է, օգտակար է պետությանը, տնտեսությանը, երեք տարի հետո մենք կարող ենք մեր ժողովրդին համոզել»։
Խոսելով Մարտի 1—ի գործով սպանության կասկածանքով մեկ անձի ձերբակալման մասին՝ վարչապետն ասել է. «Սա նախ ցույց է տալիս Հատուկ քննչական ծառայության հետեւողական աշխատանքը։ Եվ բոլորս ենք հասկանում, որ վերջին 10 տարիների ընթացքում ոչ թե քննություն է տեղի ունեցել, այլ ամեն ինչ արվել է, որ բոլոր հնարավոր փաստերը կոծկվեն։ Եվ այն փաստը, որ պարկուճները փոխված են, նշանակում է՝ ամեն ինչ է փոխված՝ մարդիկ, դեպքերը, դեմքերը։ Եվ այս պայմաններում, եթե ՀՔԾ—ն կարողացել է հասնել նրան, որ կոնկրետ մարդ ձերբակալի, ես ուղղակի այդ լուրը իմանալուց հետո, բնականաբար, շատ նաեւ էմոցիոնալ պահեր եմ ապրել։ Բայց խոսքը դեռ ձերբակալության մասին է, դեռ չգիտենք մեղադրանք կառաջադրվի, չի առաջադրվի, ոնց կընթանա, բայց, որ մարտի 1—ի բոլոր սպանությունները պետք է բացահայտվեն, եւ այն, որ ակնհայտ է, որ քննությունը հենց 2008թ. մարտի 1—2—ից սկսած տարվել է կոծկելու ուղղությամբ, կարծում եմ՝ դա ակնհայտ է»։
Նիկոլ Փաշինյանը ՀՀ նախագահի կողմից ՍԴ անդամի պաշտոնում Վահե Գրիգորյանի առաջադրումը համարում է անարդարության վերացում, քանի որ նա նախորդ գումարման Ազգային ժողովին ներկայացվել է հանրապետության նախագահի կողմից, նրա կողմից հայտարարված մրցույթում հաղթելու արդյունքում։ Նրան մերժել է նախորդ խորհրդարանական մեծամասնությունը, ուստի «հանրապետության նախագահն առաջնորդվել է այն տրամաբանությամբ, որ պետք է այդ անարդարությունը վերացվի»։
Կառավարության ղեկավարը Ապրիլյան պատերազմի հանգամանքների ուսումնասիրման ԱԺ հանձնաժողովի նպատակը համարում է կրկնությունը կանխելու երաշխիքների ստեղծումը։
«Բոլոր փաստերը պետք է քննիչ հանձնաժողովում վեր հանվեն, եւ կարծում եմ, որ խորհրդարանական ֆորմատը այդ առումով ամենահարմարն է, որպեսզի ընդդիմությունն էլ ներգրավված լինի»,–ասել է նա։
Նիկոլ Փաշինյանն անդրադարձել է Արցախի հարցի բանակցային գործընթացի վերաբերյալ շահարկումներին։
«Ես Լեռնային Ղարաբաղի ռազմաքաղաքական ղեկավարության եւ ՀՀ ռազմաքաղաքական ղեկավարության հետ մի քանի անգամ հանդիպումներ եմ ունեցել եւ ներկայացրել եմ Արցախի հարցի լուծման վերաբերյալ իմ տեսլականը եւ հետաքրքրվել եմ՝ իմ առաջադրած տեսլականի հետ կապված համաձայն են, թե ոչ։ Պարզվել է, որ դրա հետ բոլորը համաձայն են։ Եվ երբ դրանից հետո այդ սեղանի շուրջ ներկա մարդիկ հրահրում են՝ ասելով, որ այս կառավարությունը հողեր է ծախում, իմ մոտ հարց է առաջանում՝ ես այս մարդու հետ գաղտնիության պայմաններում նստել խոսել եմ, թե ինչ պայմաններում պետք է գնանք առաջ, եթե այս մարդը դուրս է գալիս, իր օգնականին ասում է՝ «Ֆեյսբուք»—ում գրի, որ Փաշինյանը հողերը ծախում է, ինչի՞ համար է դա անում։ Ես եմ Լեռնային Ղարաբաղի հարցի բանակցային գործընթացի վերաբերյալ փաստաթղթերը փոխանցել Արցախի իշխանություններին։ Նրանք դրանից առաջ տեղյակ չեն եղել, թե ինչ է բանակցվել ինձնից առաջ»,–ասել է վարչապետը։

06-06-2019





22-10-2020
Պետությանն անհատույց ապրանքներ մատակարարողները կազատվեն հարկերից
Իսկ ռազմական գործողությունների հետեւանքով զոհվածների կամ հաշմանդամ դարձածների վարկերը ...


22-10-2020
Թուրքիան ձգտում է ճողոպրել անխուսափելի պատասխանատվությունից
Ներխուժելով տարածաշրջան եւ բնիկ ժողովուրդների տարածքներում հիմնադրելով սեփական պետությունը՝ ...


22-10-2020
Սարսափելի վատ է Թուրքիայի սոցիալ-տնտեսական վիճակը
Բանտարկված լրագրողների թվով այս երկիրն աշխարհում զբաղեցնում է առաջին ...


22-10-2020
Հայկական թեմատիկայի եւ խորհրդային ագիտացիայի համադրությունը
Կերամիկական արձանիկները կոլեկցիոներների ուշադրության կենտրոնում են

«Անահիտ», «Անուշ», ...


22-10-2020
Ազգային երգարվեստի վեհափառը
Կոմիտաս վարդապետը սկիզբ է, որ վախճան չունի

«Այն ...


22-10-2020
IPSE DIXIT
«Առատության հասարակությունը» ծնում է նաեւ ազատ ժամանակի առատու-թյուն, մի ...


22-10-2020
Եւ ասում էին սարերին եւ ժայռերին. «Վայր ընկէք մեզ վերայ եւ ծածկեցէք մեզ …»:
Երբ հանվի վեցերորդ կնիքը, լինելու է մեծ երկրաշարժը, արեւը ...



22-10-2020
Հաղթանակի կամքը մեզ պետք է ասի, որ մենք չենք նահանջի, չենք կոտրվի
Վարչապետ Փաշինյանի ուղերձը

ՀՀ վարչապետ ...

22-10-2020
Սա նախապես ծրագրված լայնամասշտաբ պատերազմ էր, որը սպառնալիք է ողջ տարածաշրջանին
Վարչապետ Նիկոլ Փաշինյանը հարցազրույց է տվել ...

22-10-2020
ՀՀ-ում կձեւավորվի արցախցի ընտանիքների սոցխնդիրներով զբաղվող շտաբ
ԱՀ նախագահը խորհրդակցություն է հրավիրել

22-10-2020
Հրադադարը բացարձակ անհրաժեշտություն է, Թուրքիան պետք է դուրս գա հակամարտությունից
Աշխատանքային այցով Բրյուսելում գտնվող Հայաստանի ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO