Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.06.2020
ԱԶԳԱՅԻՆ ԺՈՂՈՎ


Պետբյուջեի կատարողական-2019

Ներկայացվել են աշխատանքների ցուցանիշները

ՀՀ ԱԺ տարածաշրջանային եւ եվրասիական ինտեգրման հարցերի ու ֆինանսավարկային եւ բյուջետային հարցերի մշտական հանձնաժողովների hամատեղ նիստում Միքայել Մելքումյանի եւ Մանե Թանդիլյանի նախագահությամբ հունիսի 6—ին քննարկվել է «ՀՀ 2018 թ. պետական բյուջեի կատարման մասին» տարեկան հաշվետվությունը։
ՀՀ ֆինանսների նախարար Ատոմ Ջանջուղազյանի խոսքով՝ քանի որ Հայաստանը՝ որպես ԵԱՏՄ անդամ երկիր, ունի ընդհանուր մաքսային սահման, ուստի երրրորդ երկրներից ներմուծվող ապրանքների համար ընդհանուր կանոններով տեղի է ունենում մաքսատուրքի բաշխում։ Այս տեսանկյունից ՀՀ պետական բյուջեն լրացուցիչ համալրվել է շուրջ 18 մլրդ դրամով։
ՀՀ էկոնոմիկայի նախարար Տիգրան Խաչատրյանը, ներկայացնելով հաշվետու տարում ԵԱՏՄ շրջանակում Հայաստանի կողմից իրականացված աշխատանքները, նշել է, որ 2018 թվականին մեր երկրից ԵԱՏՄ անդամ երկրներ արտահանված ապրանքներն աճել են 20.7 տոկոսով, դրանց 98.9 տոկոսը եղել են ոչ լեռնահանքային ոլորտի արտադրության։
Նախարարի խոսքով՝ մեր երկրի տնտեսության զարգացման հեռանկարների տեսանկյունից ԵԱՏՄ միասնական տնտեսական տարածքը կենսական նշանակություն ունի։
ԱԳ նախարար Զոհրաբ Մնացականյանը ներկայացրել է ԵԱՏՄ—ում ԱԳՆ դերակատարությունը՝ ընդգծելով մասնակցությունը կառույցի նիստերին, իրավական փաստաթղթերի զննումը եւ դրանց համադրելիությունը մեր ներքին օրենսդրության հետ։
ՀՀ ԱԺ եվրոպական ինտեգրման հարցերի ու ֆինանսավարկային եւ բյուջետային հարցերի մշտական հանձնաժողովների hամատեղ նիստում Արման Եղոյանի եւ Մանե Թանդիլյանի նախագահությամբ քննարկվել է «ՀՀ 2018 թ. պետական բյուջեի կատարման մասին» տարեկան հաշվետվությունը։
ՀՀ ֆինանսների նախարար Ատոմ Ջանջուղազյանը նշել է, որ 2018 թվականին արտաքին աղբյուրներից տրամադրվել են ավելի քան 11.2 մլրդ դրամ պաշտոնական դրամաշնորհներ՝ կազմելով տարեկան ճշտված ծրագրի 29.1%ը։ Վարկային միջոցների հաշվին իրականացվել է 18 ծրագիր։
ՀՀ ԱԳ նախարար Զոհրաբ Մնացականյանի խոսքով՝ հաշվետու տարում ՀՀ—ԵՄ հարաբերություններում գրանցվել են մի շարք կարեւոր ձեռքբերումներ։
«ՀՀ 2018 թ. պետական բյուջեի կատարման մասին» տարեկան հաշվետվությունը քննարկվել է ՀՀ ԱԺ արտաքին հարաբերությունների ու ֆինանսավարկային եւ բյուջետային հարցերի մշտական հանձնաժողովների hամատեղ նիստում՝ Ռուբեն Ռուբինյանի եւ Մանե Թանդիլյանի նախագահությամբ։
ՀՀ ֆինանսների նախարար Ատոմ Ջանջուղազյանը նշել է, որ 2018 թ. բյուջեի ճշտված ծրագրով արտաքին գործերի նախարարության կողմից նախատեսված միջոցառումների իրականացման համար սահմանված 17 մլրդ 35 մլն դրամի դիմաց փաստացի օգտագործվել է 16.64 մլրդ դրամ՝ արձանագրելով 98 տոկոս կատարողական։ Ըստ նրա՝ բյուջետային դասակարգման «Արտաքին հարաբերություններ» բաժնում նախատեսված ծրագրերի իրականացման համար հատկացվել է 15 մլրդ 963 մլն դրամ։ Միջազգային կազմակերպություններին անդամակցության ծախսերի մասով ընդհանուր առմամբ 2018 թ. ճշտված ծրագրով նախատեսվել էր շուրջ 2 մլրդ 707 մլն դրամ. կատարողականը կազմել է շուրջ 94 տոկոս։ Անդամակցության վճարների գծով ԱԳՆ կողմից իրականացվող ծրագրերով օգտագործվել է շուրջ 2 մլրդ 340 մլն դրամ։ Երեւանում անցած տարի կազմակերպված ֆրանկոֆոն պետությունների ու կառավարությունների ղեկավարների գագաթնաժողովի համար հատկացվել է շուրջ 1 մլրդ 350 մլն դրամ։

ՀՀ արտաքին գործերի նախարար Զոհրաբ Մնացականյանն իր խոսքում ընդգծել է, որ միջազգային կազմակերպություններին Հայաստանի անդամակցության վճարների մասով ՀՀ ԱԳՆ—ն լիովին կատարել է ֆինանսական փոխանցումները։ Ամբողջությամբ կատարելով անդամակցության գծով միջազգային կազմակերպություններին ֆինանսական պարտավորությունները՝ մեր երկիրը հանդիսանում է լիարժեք անդամ եւ ձայնի իրավունք ունի Հայաստանի կողմից անդամակցվող բոլոր միջազգային կազմակերպություններում։
Նախարարը տեղեկացրել է, որ 2018 թ. Հայաստանը ներառվել է ՄԱԿ—ի պատվո ցանկում՝ կազմակերպության կանոնավոր բյուջեի՝ ժամանակին եւ ամբողջությամբ կատարված անդամավճարների համար։
ՀՀ ԱԺ մարդու իրավունքների պաշտպանության եւ հանրային հարցերի ու ֆինանսավարկային եւ բյուջետային հարցերի մշտական հանձնաժողովները Նաիրա Զոհրաբյանի եւ Մանե Թանդիլյանի նախագահությամբ համատեղ նիստում քննարկել են «ՀՀ 2018թ. պետական բյուջեի կատարման մասին» տարեկան հաշվետվությունը՝ անդրադառնալով մարդու իրավունքների պաշտպանի աշխատակազմի եկամուտների եւ ծախսերի կատարողականին։
ՀՀ ֆինանսների նախարար Ատոմ Ջանջուղազյանը, հիմնական ֆինանսական ցուցանիշները ներկայացնելով, նշել է, որ ՄԻՊ աշխատակազմի համար 2018 թ. պետական բյուջեով նախատեսված 440 մլն դրամի դիմաց փաստացի օգտագործվել է գրեթե 411.8 մլն դրամ կամ 6 տոկոսով պակաս ճշտված ծրագրով նախատեսվածից։ Իրականացվել է 10 ծրագիր։
ՀՀ մարդու իրավունքների պաշտպան Արման Թաթոյանը տեղեկացրել է, որ աշխատակազմն անցած տարի աշխատել է աննախադեպ ծանրաբեռնվածությամբ։

07-06-2019





05-06-2020
Սեւանա լիճն այս տարի եւս կկանաչի
Միայն համալիր միջոցառումները կփրկեն Սեւանի էկոհամակարգը

Սեւանի էկոհամակարգը ...


05-06-2020
Վարակը չպետք է ազգային սպառնալիք դառնա
Կմտցվեն մուտքի եւ ելքի լրացուցիչ սահմանափակումներ

Պաշտոնական տվյալների ...


05-06-2020
Հայաստանում հաստատվել է COVID-19-ի 596 նոր դեպք․ ապաքինվել է 45, մահացել 7 քաղաքացի
Հայաստանում հունիսի 5-ին, ժամը 11:00-ի դրությամբ հաստատվել է կորոնավիրուսային ...


05-06-2020
Սուտ
Միգուցե, յուրաքանչյուրը կմտածի այս մասին եւ իր համար ...


05-06-2020
345 հանրային ծառայողներ նորակառույց բնակարաններ կունենան
Գործադիրը հաստատեց այդ բնակարանների վաճառքի կարգը

Բնակարանային շինարարությունը ...


05-06-2020
Սուսերամարտ՝ բացասական եւ դրական հույզերի միջեւ
Մշակութային թերապիա եւ առողջություն

Կյանքը բոլոր ժամանակներում եղել ...


05-06-2020
Ճամփաբաժան
Կենսոլորտը պետք է պաշտպանվի, եւ նրա պաշտպանվելու հետեւանքները ...



05-06-2020
Խաչիկ Դաշտենցի կենսագրական ոչ հայտնի մանրամասները
Նորերս լույս տեսած «Կորուսյալ երկրի ...

05-06-2020
Երես առած երեխայի լուրջ քմահաճույքը
Թատրոնը նրա համար զուտ թամաշա չդարձավ, ...

05-06-2020
Հետահայաց վերլուծության փորձ
Թե ինչպես Կիեւում մայդանը դարձավ ...

05-06-2020
Սխալ հաշվարկի հետեւանքը
Արագ շախմատի Եվրոպայի անդրանիկ առցանց առաջնության ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO