Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.06.2019
ԱՇԽԱՐՀ


Սուդանում զարգացումները խորանալու միտում ունեն

Հունիսի 3-ին Սուդանի մայրաքաղաք Խարթումում ցուցարարների վրա հարձակվելու հետեւանքով հայտարարվել է նախ 35, ապա 60 զոհի մասին։ Իսկ հունիսի 5-ին Խարթումում եւս 40 դիակ դուրս է բերվել Նեղոսից։ Ինչպես հայտնում է Սուդանի բժիշկների կենտրոնական կոմիտեն, դիակները կառավարությանը կից «արագ արձագանքման ուժերը» տարել են անհայտ ուղղությամբ։ Այս ուժերը իրենց դաժանությամբ հայտնի են դարձել դեռեւս 2003թ. Դարֆուրի դեմ բախումների ընթացքում։ Ի դեպ, հունիսի 3—ի դեպքերի համար էլ խարթումցիները հենց այս ուժին են մեղադրում։ Ըստ միջազգային ԶԼՄ–ների՝ հունիսի 5—ին եւս մեկ մարդ իշխող զինվորական խորհրդի ուժերի գնդակի թիրախն է դարձել։ Եվ այսպիսով, ընդհանուր առմամբ, զոհվել է 101 մարդ, սակայն, ըստ հիշյալ կոմիտեի, զոհերի թիվն ավելի շատ է, ինչը հետո կպարզվի։ Իրավիճակը Սուդանում մնում է լարված ու բարդ։ Մայրաքաղաքի, ինչպես նաեւ 1—2 այլ քաղաքների փողոցներում ու հրապարակներում տեղակայվել են «արագ արձագանքման ուժերը»։ Զինվորական իշխանությունները չեղյալ են համարել ընդդիմության հետ ձեռք բերված բոլոր համաձայնությունները, հայտարարելով, որ 9 ամիս հետո երկրում անց են կացնելու ընտրություններ եւ իշխանությունը հանձնելու են ժողովրդի ընտրյալներին, ինչին դեմ են ցուցարարները, որոնք իշխանություններին անվստահելի են համարում եւ մտադիր են շարունակել քաղաքացիական անհնազանդության ակցիաները։ Այլ կերպ ասած՝ ինչպես դեռեւս ապրիլի 13—ին նշել էր «ՀՀ»—ն, Սուդանը գործնականում վերածվում է Միջին Արեւելքում ու Հյուսիսային Աֆրիկայում հյուծիչ բախումների նոր օջախի։ Տեղի ունեցածը դատապարտվել եւ արժանացել է միջազգային հանրության խիստ քննադատություններին։ Հունիսի 4—ին ԱՄՆ—ն, Նորվեգիան եւ Մեծ Բրիտանիան, դատապարտելով Խարթումի արյունալի դեպքերը, դեմ արտահայտվելով վաղաժամ ընտրություններին, զինվորական իշխանությանը կոչ են արել իշխանությունը փոխանցել քաղաքացիական կառավարությանը եւ հավատարիմ մնալ ձեռք բերված պայմանավորվածություններին։ Նույն օրը Գերմանիայի ու Մեծ Բրիտանիայի պահանջով ՄԱԿ—ի անվտանգության խորհուրդը Սուդանի հարցով արտահերթ նիստ է գումարել։ ՄԱԿ—ի գլխավոր քարտուղար Անտոնիու Գուտերեշը պահանջել է իրականացնել անկախ հետաքննություն։
Հիշեցնենք, որ բանակի գլխավոր տեսուչ, գեներալ Աբդուլ Ֆաթահ ալ Բուրհանին ընդդիմության հետ բանակցություններ սկսեց, ինչի արդյունքում կողմերը համաձայնության էին եկել 3—ամյա անցման շրջանի վերաբերյալ։ Սակայն, ինչպես նշվեց, Ալ Ֆուրհանին չեղյալ է հայտարարել համաձայնությունը, նշելով, որ ընտրությունները տեղի են ունենալու 9 ամիս հետո։ Միաժամանակ նշել է, թե հունիսի 3—ի գործողությունները ուղղված էին «Հանցագործներին ու խնդիրներ հարուցողներին», ինչի նպատակը քաղաքացիներին պաշտպանելն էր։ Իսկ հունիսի 5—ին Ալ Բոհրանին հանդես գալով հայտարարությամբ, պատրաստակամություն է հայտնել առանց որեւէ նախապայմանի բանակցություններ վարել ընդդիմության հետ։ Զինվորական իշխանության առաջարկներին կտրականապես դեմ են հանդես եկել ընդդիմադիր բոլոր ուժերը, S.P.I.—ի ղեկավարությունը կոչ է արել շարունակել քաղաքացիական անհնազանդությունը մինչեւ դավաճան զինվորական խորհրդի կործանումը։ Միաժամանակ պահանջել է, որ միջազգային անկախ հանձնաժողով հետաքննություն անցկացնի, նրա խոսքերով, ջարդերի վերաբերյալ։ Նման պահանջով է հանդես եկել նաեւ «Ազատություն ու փոփոխություն» դաշինքի առաջնորդ Աբբաս Մադանին։
Հաշվի առնելով զինվորական իշխանության ու ընդդիմության վերոհիշյալ դիրքորոշումները, ինչպես նաեւ արտաքին ուժերի շահերի հնարավոր բախումը, բացառված չէ, որ զարգացումները Լիբիայի ու Սիրիայի օրինակով կկրկնվեն այս երկրում։ Ահավասիկ, ինչպես նշում է «Radiofarda» ամերիկյան կայքը, ՄԱԿ—ի անվտանգության խորհրդում զինվորական իշխանությանը դատապարտելու հայտարարության դեմ հանդես են եկել Ռուսաստանն ու Չինաստանը։ Հավելենք նաեւ, որ Սաուդյան Արաբիան եւ Արաբական Միացյալ Էմիրությունները Սուդանում զինվորական իշխանություն հաստատվելուց հետո հայտարարեցին, որ հովանավորում են այդ իշխանությանը։
Ապա ապրիլի 20—ին հայտնեցին, որ համատեղությամբ 3 միլիարդ դոլար աջակցություն են տրամադրել Խարթումին, ինչը ոչ միայն նպաստել է սուդանյան ֆունտի սրընթաց արժեզրկումը կասեցնելուն, այլեւ գնաճ է արձանագրվել՝ եթե մեկ դոլարն արժեր 47,5 ֆունտ, ապա դարձավ 45։ Վերլուծաբանների կարծիքով Էր Ռիյադի քայլը սուդանցի գեներալների հետ հարաբերությունները Եգիպտոսի օրինակով սերտացնելն է։

Էմմա ԲԵԳԻՋԱՆՅԱՆ

08-06-2019





26-06-2019
Հայաստանը յուրաքանչյուր հայի հայրենիքը պիտի դառնա գործնականում
Հարցազրույց սփյուռքի գործերի գլխավոր հանձնակատար Զարեհ Սինանյանի հետ



26-06-2019
Պոլսո հայոց պատրիարքի ընտրություններին ընդառաջ
Թեկնածուն թուրքական իշխանությունների համար ընդունելի պետք է լինի

Թամարա ...


26-06-2019
Վիճակը նետված է վաղուց
Ողջ ազգը սեւեռվում է վիճակի վրա

Թադեւոս ԽԱՉԱՏՐՅԱՆ
t.khachatryan@hhpress.am

Մեկ-մեկ ...


26-06-2019
Այսուհետ գործելու ենք փոփոխված հարկային օրենսգրքով
Մինչեւ աշնանային նստաշրջան օրենսդիրը կներկայացնի նոր փոփոխություններ

Լուսինե ՄԽԻԹԱՐՅԱՆ
l.mkhitaryan@hhpress.am




26-06-2019
Դիվանագիտական խողովակներով կհստակեցվեն Մակրոնի՝ Հայաստան պետական այցի ժամկետները
Հարցազրույց Ֆրանսիայում ՀՀ դեսպան Հասմիկ Տոլմաջյանի հետ

Ֆրանսիայի ...


26-06-2019
Հենրիկ Բաբախանյան
Կար ժամանակ, երբ ես տարիքով կրտսեր էի իրենցից. հիմա ...


26-06-2019
Հայերը գնահատում են գիտությունն ու կրթությունը
Հանրապետության նախագահ Արմեն Սարգսյանն առաջարկել է գիտության ու ...



26-06-2019
«Խաղաղության ամենամեծ բրդուճը» կպատրաստվի Ենոքավանում
Տեղի կունենա ամենամյա «ՀայԲույս» ...

26-06-2019
Պարտադիր չէ՝ բոլորը երաժիշտ դառնան
Մայրաքաղաքի ու մարզերի երաժշտական ու ...

26-06-2019
Նոր սահմանափակումները՝ ընդդեմ կառավարման ողջ համակարգի
Էմմա ԲԵԳԻՋԱՆՅԱՆ
e.begijanyan@hhpress.am



26-06-2019
Հայաստանի ֆուտբոլի ընտրանու հաղթաթուղթը
Հարձակվող Գեւորգ Ղազարյանի կարծիքով, դա ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO