Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.02.2020
ԼՂՀ


Հանրահռչակելով հոգեւոր-մշակութային արժեքները

Հադրութում մեկնարկել է «Դիզակի գույները» միջազգային սիմպոզիումը

Դավիթ ՄԻՔԱՅԵԼՅԱՆ
d.miqayelyan@hhpress.am


Արդեն երրորդ տարին է, ինչ Հադրութում անցկացվում է «Դիզակի գույները» խորագրով միջազգային նկարչական սիմպոզիումը։ Ավանդական դարձած միջոցառման մեկնարկը տրվել է քաղաքի տեսարժան վայրերից մեկի հազարամյա հուշարձան—տնջրենու (սոսենու) շվաքի ներքո։ Նշանակալի իրադարձության առիթով սիմպոզիումի մասնակիցներին, որոնք ներկայացնում են 8 երկիր (Ռուսաստան, Ուկրաինա, Հնդկաստան, Բելառուս, Լիտվա, Վրաստան, Հայաստան եւ Արցախ), ողջունել եւ ստեղծագործական եռանդ ու ոգեւորություն է մաղթել մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը։
Հատկանշական է, որ միջոցառման մասնակից 15 նկարիչներ, ավանդույթի համաձայն, իրենց մտահղացումներն ու ընկալումները գույների համադրմամբ կտավների վրա կարտահայտեն ոչ միայն Հադրութում, այլեւ շրջանի սահմանամերձ ու սակավաբնակ բնակավայրերում։ «Նրանք բնության հրաշալիքները վայելելով, մասնավորապես իրենց գունային էտյուդները կստեղծեն Տող, Մեծ Թաղեր, Տյաք, Վարդաձոր բնակավայրերում՝ նպատակ հետապնդելով հանրահռչակել դարերի ընթացքում ժողովրդի կողմից ստեղծված հոգեւոր—մշակութային արժեքները եւ դրանք փրկել ամայացումից»,–ասում է Հադրութի վարչակազմի մշակույթի եւ զբոսաշրջության բաժնի պետ Երազիկ Հայրիյանը։
Սիմպոզիումը կտեւի մեկ շաբաթ, որը մասնակիցներին հնարավորություն կտա նորովի բացահայտելու Դիզակի անզուգական բնաշխարհի կախարդական գույները, ստեղծելու զանազան կտավներ եւ դիմանկարներ, յուրովի փառաբանելու համամարդկային արժեքները՝ շրջանում ապահովելով մշակութային աշխուժություն։ Իսկ արվեստագետներին սեփական մտահղացումներն իրագործելու համար աջակցում են ԱՀ մշակույթի, երիտասարդության հարցերի եւ զբոսաշրջության նախարարությունը, «Հայաստան» համահայկական հիմնադրամը, «Կատարո» գինու գործարանը եւ «Արարատ» հիմնադրամը։
Թե ինչպիսի ոգեւորությամբ եւ ներշնչանքով են ձեռնամուխ եղել ստեղծագործական աշխատանքին, ճեպազրույցի ժամանակ իրենց տպավորությունները կիսեցին սիմպոզիումի մասնակիցները՝ ամենատարբեր երկրներից։ «Ինքս բնության սիրահար եմ եւ ցնցված եմ Արցախի յուրօրինակ բնաշխարհով, երկրի պատմամշակութային հարուստ հուշարձաններով ու նաեւ անձեռակերտ քանդակներով, որոնց մեջ մեծ խորհուրդ եւ փիլիսոփայություն եմ տեսնում։ Կփորձեմ իմ ընկալումները գույների միջոցով կտավին հանձնել, վրձնել այն ամենը, ինչ այստեղ տեսել ու զգացել եմ»,–խոստովանում է Հնդկաստանը ներկայացնող գեղանկարչուհի Պունամ Չանդրիկան։
Ուկրաինայից ժամանած Նինա Բոնդարենկոն էլ հավաստիացնում է, որ դժվար է ընտրություն կատարել եւ նախապատվությունը տալ որեւէ թեմայի։ «Ես դեռ որոնումների մեջ եմ, կախարդված ու չգիտեմ, թե ստեղծվելիք կոմպոզիցիաներում որն է իմ հոգուն առավել հոգեհարազատ լինելու,–ասում է նա։–Այնուամենայնիվ, համոզված եմ, որ ինձ հաջողվելու է ներդաշնակ գույներ ընտրել եւ լիարժեք աշխատանք ապահովել։ Մանավանդ, որ բնությունը Դիզակում շռայլ ու բարի է իր տանտերերի պես»։
Արվեստագետ Գեւորգ Բաբախանյանի կարծիքով՝ «ձեռնարկվող քայլը քաղաքական է, իսկ գլխավոր նպատակը՝ սեփական արվեստը ցուցադրելու միջոցը։ Արվեստը չի սիրում դաժանություն ու պատերազմ, այն սեր է, նվիրում, եւ մենք փորձում ենք կտավների միջոցով սեր եւ խաղաղություն քարոզել։ Իսկ այդ սիրո պատվիրակները տարբեր երկրներից ժամանած ներկայացուցիչներն են, որոնք Արցախի մասին իրենց ընկալումները ցրելու են աշխարհով մեկ»։
Ստեփանակերտ
Լուսանկարը՝ Ռ. ՍԱՐԳՍՅԱՆԻ

13-06-2019





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO