Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.10.2019
ԱՇԽԱՐՀ


Մենիշխանությունն ավարտվել է

Ստամբուլում հաղթել է ընդդիմության թեկնածուն

Էմմա ԲԵԳԻՋԱՆՅԱՆ
e.begijanyan@hhpress.am

Հունիսի 23-ին Ստամբուլում տեղի են ունեցել տեղական կրկնակի ընտրություններ, որոնց արդյունքում ձայների շուրջ 54 տոկոսով դարձյալ հաղթել է ընդդիմության՝ «Միլեթ» (ազգ) դաշինքի թեկնածուն՝ քեմալիստական Ժողովրդահանրապետական կուսակցության (CHP) անդամ Էքրեմ Իմամօղլուն։ Նրա հիմնական մրցակիցը նախկին վարչապետ ու նախկին խորհրդարանի խոսնակ, նախագահ Էրդողանի մտերիմներից Բինալի Յըլդըրըմն էր։ Նշենք, որ մարտի 31—ի ընտրությունների արդյունքներով Թուրքիայի բոլոր խոշոր քաղաքներում, այդ թվում՝ Անկարայում եւ Ստամբուլում, հաջողության էին հասել ընդդիմության եւ մասնավորապես CHP—ի թեկնածուները։ Սակայն Էրդողանը դա չկարողացավ մարսել եւ, ճնշում գործադրելով ընտրությունների գերագույն խորհրդի վրա, հարկադրեց չեղյալ հայտարարել արդյունքներն ու նոր ընտրություններ նշանակել հունիսի 23—ին։ Փաստորեն Իմամօղլուն ընդամենը շուրջ 2 շաբաթ զբաղեցնելով քաղաքապետի պաշտոնը, հարկադրված եղավ կրկին մասնակցել ընտրություններին։ Եթե մարտի 31—ի ընտրություններին, որոնցում «Ջումհուրը» ձայների 51,7 տոկոսով հաղթել էր երկրի մակարդակով, Ստամբուլում 0,5 տոկոս տարբերությամբ պարտվել էր «Միլեթի» թեկնածուին, ապա վերջինս հունիսի 23—ին հաջողության հասավ ավելի քան 9 տոկոսի առավելությամբ։ Ընտրությունները, ինչպես գնահատել են վերլուծաբանները, թերեւս ճակատագրական են իշխող «Արդարություն ու զարգացում» կուսակցության համար։ Ստեղծված իրավիճակում խորհրդարանական հաջորդ ընտրությունների արդյունքներով հավանաբար վերջինս հեռանալու է իշխանությունից, եթե լուրջ քայլեր չկատարի երկրի տնտեսական իրավիճակը բարելավելու ուղղությամբ, մանավանդ որ դեռեւս շուրջ 4 տարի ժամանակ ունի։ Ավելին, թուրք քաղաքական մեկնաբան Մուրադ Յթքինի կարծիքով, պարտությունը նշանակում է իշխող կուսակցության անկում, քանի որ Էրդողանն ընտրությունները «հարատեւելու խնդիր» էր անվանել։ Նա, միաժամանակ չբացառելով նաեւ խորհրդարանական վաղաժամ ընտրությունները, որոնք տեղի են ունենալու 2023թ., հնարավոր է համարում նաեւ փոփոխություններ արտաքին քաղաքականությունում։ Այս առումով հատկանշական է, որ ընդդիմության իշխանության տակ հայտնված խոշոր քաղաքների ՀՆԱ—ն երկրի ՀՆԱ—ի 65 տոկոսն է կազմում, ինչը խիստ կարեւոր գործոն է։
Ինչպես նշում են վերլուծաբանները, AKP—ի պարտությունը խոշոր քաղաքներում հիմնականում պայմանավորված է տնտեսական անկումով՝ 20 տոկոս սղաճ, ազգային արժույթի շարունակական զգալի արժեզրկում, գործազրկության աճ եւ այլն։ 2018թ. համեմատությամբ սննդամթերքը՝ 30, հագուստը՝ 11, կահույքը՝ 15 եւ տրանսպորտը՝ 15 տոկոսով գնաճ են արձանագրել, մինչդեռ Էրդողանի եւ նրա գլխավորած կուսակցության քաղաքական հաջողությունները պայմանավորված են եղել տնտեսական ոլորտի լուրջ հաջողություններով։ Էրդողանն ստեղծված իրավիճակի համար մեղադրում է ԱՄՆ—ին, շեշտելով, որ վերջինս ձգտում է քայքայել Թուրքիան, եւ այս թեմայով ազգայնական ու իսլամական ոգով բոցաշունչ ճառեր է արտասանել, որոնք, ինչպես նշում են վելուծաբանները, որեւէ ազդեցություն չեն ունեցել խոշոր քաղաքների հարկատուների շրջանում, մինչդեռ գյուղական շրջաների ընտրողների վրա ազդեցություն ունեցել են։
Իմամօղլուն իրեն պաշտոնից զրկելը գնահատել էր որպես անարդարություն, բռնապետություն եւ ընտրողներին կոչ արել ավելի ակտիվ մասնակցել ընտրություններին եւ հզորացնել ժողովրդավարության հիմքերը։ CHP—ն ընտրությունների արդյունքների չեղարկումը որակել է որպես հեղաշրջում՝ ընդդեմ ժողովրդավարության։ Այսուհանդերձ, ինչպես նշել էր «ՀՀ»—ն, արդար ընտրությունների դեպքում կրկին հաջողության կհասներ ընդդիմության թեկնածուն, ինչը եւ տեղի ունեցավ։
Իսկ իշխանության թեկնածու Յըլդըրըմը, ընդունելով պարտությունը, շնորհավորել է Իմամօղլուին։ Իսկ վերջինս շեշտել է, որ հունիսի 23—ի ընտրությունների կարեւոր կողմերից մեկը նրա դերակատարությունն է Թուրքիայում ժողովրդավարության զարգացման հարցում։ Միաժամանակ շնորհակալություն է հայտնել ընտրողներին՝ իրեն վստահելու առնչությամբ։ Իսկ Էրդողանն իր «Թվիթերյան» էջում շնորհավորելով Իմամօղլուին, նշել է, թե «Ազգային կամքը իրականություն է դարձել…»։
Թուրքիայի մեջլիսի՝ Ժողովուրդների դեմոկրատական կուսակցության հայազգի պատգամավոր Գարո Փայլանը կոչ է արել Ստամբուլում տապալված մենիշխանության վրա ժողովրդավարություն կառուցել։
«ԺԴԿ—ի ընտրողները այս անգամ նախկինից ավելի վճռական էին։ Սակայն այս ընտրություններում ամենակարեւորն այն էր, որ տապալվեց մենիշխանությունը։ Այժմ ժողովրդավարության համար բոլորս միասին, ձեռք ձեռքի տված պետք է պայքարենք։ Պետք է մի կողմ թողնենք միջկուսակցական խնդիրները, քուրդ, թուրք, հայ լինելը եւ մենիշխանության տապալման վրա կրկին ժողովրդավարություն կառուցենք՝ հանուն Թուրքիայի բոլոր քաղաքացիների»,–նշել է Փայլանը։

25-06-2019





18-10-2019
Համապարփակ լուծում հին խնդիրներին
Հայագիտական առարկաների դասավանդումը դպրոցներում կուժեղացվի

Լուսինե ՄԽԻԹԱՐՅԱՆ
l.mkhitaryan@hhpress.am


Վերջին ...


18-10-2019
Սիրիայում բոցավառվող տեսակի արգելված զենք է կիրառվել
Ո՞ր կողմն է գործադրել՝ ապացուցելը դժվար է լինելու

Թամարա ...


18-10-2019
10 մլն եվրո՝ Արարատի եւ Արմավիրի մարզերին
Հումքի մթերումների սուբսիդավորման ծրագրում փոփոխություն եղավ

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը ...


18-10-2019
Գեղարվեստի կենարար ուժը
ՀՀ ԳԱԱ թղթակից անդամ, ՀՀ գիտության վաստակավոր գործիչ, տնտեսագիտության ...


18-10-2019
Բիբլիական լեռը ներկայանում է յուրովի
ՀԱՊ-ում բացվել է «Արարատ. սրբազան լեռը» խորագրով ցուցահանդեսը

Լիանա ...


18-10-2019
Պարտադիր, բայց առանց գնահատման
«Շախմատ» առարկայի դասավանդման շուրջ քննարկումներն ակտիվ փուլում են

Լուսինե ...


18-10-2019
«Ձեր խնդիրները մեր մշտական ուշադրության կենտրոնում են»
Վարչապետը հանդիպել է զոհված զինծառայողների մայրերի հետ

Վարչապետ ...



18-10-2019
Սոցցանցերը եւ մարդկային հարաբերությունների նոր մշակույթը
Հաշվարկված է, որ աշխարհի բնակչության 40 տոկոսը, ...

18-10-2019
Զբոսաշրջային ակտիվությունն ակնհայտ է
Բայց դրանից «գլուխներս չպետք է ...

18-10-2019
Վարչապետն ընդունել է Ճապոնիայի վարչապետի հատուկ խորհրդականին
Վարչապետ Նիկոլ Փաշինյանը երեկ ընդունել է Ճապոնիայի ...

18-10-2019
«Մեր գլխավոր նպատակն օլիմպիական ուղեգիր նվաճելն էր»
Գերմանիայում անցկացված սպորտային մարմնամարզության ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO