Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.01.2021
ՏՆՏԵՍՈՒԹՅՈՒՆ


Գազը կթանկանա թե ոչ՝ այս պահին պարզ չէ

Գնի շուրջ բանակցությունները շարունակվում են

Արմենուհի ՄԵԼՔՈՆՅԱՆ
a.melqonyan@hhpress.am


Հանրային ծառայությունները կարգավորող հանձնաժողովի նախագահ Գարեգին Բաղրամյանը այս պահին գազի գնի հետ կապված որեւէ նորություն չի կարող ասել։ Բանակցությունները դեռ ընթանում են։
Կառավարության երեկվա նիստից հետո լրագրողների հարցադրումներին ի պատասխան նկատեց, թե այսօր սահմանին Հայաստանի համար ՌԴ—ից մատակարարվող գազի գնի բարձրացման գումարի տարբերությունը վճարում է «Գազպրոմ Արմենիա» ընկերությունը։ Եվ կարեւորը՝ որ պետությունը այդ հարցում որեւիցե պարտք չի կուտակում։ Այժմ մշակվում է փաստաթուղթ առաջիկա հինգ տարիների համար սահմանին Հայաստանին մատակարարվող գազի գնի որոշակի մոդել ունենալու նպատակով։ «Երբ վերջնական որոշում կլինի, կներկայացվի քննարկման»,—երկրորդեց նա։
Իսկ թե երբ կավարտվեն բանակցությունները, դա էլ հստակ չէ։
Երբ բանակցությունները ձգձգվում են, ի՞նչ սպասել դրանից։
Գարեգին Բաղրամյանը նախ չհամաձայնեց այն մտքին, որ դրանք ձգձգվում են, ապա տեղեկացրեց, որ բանակցությունները իրականացվում են փոխվարչապետ Մհեր Գրիգորյանի նախագահությամբ, մասնակցում են էներգետիկայի նախարարությունը, «Գազպրոմ Արմենիան», ռուսական «Գազպրոմից» է մասնագետների խումբ եկել, քննարկել են գազամատակարարման սխեման, մինչեւ 2030—ը սպասվող ներդրումային ծրագրերը, ներքին գնի ձեւավորման մոտեցումները։
Այնուամենայնիվ, գնային մոդելից որեւէ բան հայտնի չէ՞։ «Բանակցությունները շարունակվում են երկարաժամկետ ժամանակահատվածի համար գնային մոդել ունենալու համար։ Հենց որոշակի արդյունք ունենանք, հանգիստ եղեք, հրապարակային կներկայացնենք»,–ի պատասխան համառոտեց Բաղրամյանը։
Իսկ հնարավո՞ր է, որ բանակցություններից հետո հանկարծ պարզվի, որ «Գազպրոմ Արմենիան» այլեւս չի վճարի գումարային տարբերությունը, այլ կերպ՝ դա կանի ժողովուրդը։ Հարցի պատասխանը կրկին հակիրճ էր. «Հնարավոր չէ»։
Նկատենք, որ նախորդ տարի, երբ Գարեգին Բաղրամյանը ղեկավարում էր էներգետիկայի ոլորտը, կրկին գազային բանակցություններ էին, եւ «ՀՀ»—ի հարցերին ի պատասխան մեկ անգամ չէ, որ ասել էր, թե ամեն ինչ անելու են, որ գազի գինը նվազի։ Բայց եղավ այնպես, որ գազի գինը չնվազեց։ Չբարձրացավ՝ բայց սպառողների համար։ Ի՞նչ սպասել հիմա։ Գարեգին Բաղրամյանը հստակ չասաց։
Իսկ գուցե բանակցություննե՞րն արդյունավետ չեն. շարունակեցին գործընկերներս։ «Ես չէի գնահատի, որ բանակցություններն արդյունավետ չեն, որովհետեւ եթե նայենք 2013թ. ստորագրված այն համաձայնագիրը ու այն բանաձեւը, որով պետք է ձեւավորվեր սահմանին գազի գինը, այն պետք է լիներ շատ ավելի բարձր, քան այսօր ունենք։ Այլ հարց է, որ ցանկացած կողմ, բնականաբար, բանակցում է առավելագույնս իր համար տնտեսապես ընդունելի գին ստանալու համար, հիմա որքանո՞վ է դա ստացվում… նորություն լինի, անպայման կտեղեկացնենք»,—եզրափակեց բանախոսը։

28-06-2019





23-01-2021
Առավել քան զգոն լինենք սննդամթերքի հարցում
Թուրքիայի տխրահռչակ համբավն այս ոլորտում նկատի ունենալով



23-01-2021
Թուրքիայի սանձահարումը բխում է մարդկության շահերից
Այս անգամ ո՞ւմ դեմ են ուղղված ադրբեջանաթուրքական զորավարժությունները



23-01-2021
Օրինագծի ընդունման արդյունքում հիմնադրամի մուտքերը կավելանան
ԱՀ Ազգային ժողովն արտահերթ նստաշրջան էր հրավիրել



23-01-2021
Անկարայի՝ հեռուն գնացող նպատակները
Մինչեւ Օսեթիայի պատերազմը տեղի էր ունեցել Թուրքիայի հետ սահմանը ...


23-01-2021
ՌԴ-ն կհեշտացնի աշխատանքային միգրանտների մուտքը երկիր
Առայժմ խոսքը նրանց մասին է, ովքեր պետք է աշխատեն ...


23-01-2021
Բանաստեղծի ծնունդը կամ Աստծու քարտուղարը
Աստծու հետ անձնական զրույց` բոլորի համար` հանուն բոլորի…



23-01-2021
Առակաց խորհուրդները
«Եւ ահա մի կին նորան դիմաւորեց, պոռնկի ծածկոցով եւ ...



23-01-2021
Վարչապետն ընդունել է Բելառուսի նորանշանակ դեսպանին
ՀՀ վարչապետ Նիկոլ Փաշինյանն ընդունել է Հայաստանում ...

23-01-2021
Արմեն Սարգսյանը շնորհավորական ուղերձ է հղել Ջո Բայդենին
Հայաստանի Հանրապետության նախագահ Արմեն Սարգսյանը ...

23-01-2021
«Պատերազմական հանցագործությունները չպետք է անպատիժ մնան»
Հայաստանը մեծապես կարեւորում է, որ Եվրոպական ...

22-01-2021
Տարին՝ «Անուշ» ներկայացմամբ
Ալ. Սպենդիարյանի անվան օպերայի եւ բալետի ազգային ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO