Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.10.2020
ՄՇԱԿՈՒՅԹ


Ցուցադրվեցին «Նռան գույնը» ֆիլմից փրկված կադրերը

Հայաստանում նույնպես ներկայացվեց «Կինոյի տաճար» նախագիծը

Լիանա ՍԱՐԳՍՅԱՆ
l.sargsyan@hhpress.am


Փարաջանովի արվեստի սիրահարները վարպետի ծննդյան 95-ամյակի առիթով «Ոսկե ծիրան» 16-րդ միջազգային կինոփառատոնի շրջանակում երեկ «Այրարատ» կինոթատրոնում հնարավորություն ունեցան դիտելու մոռացումից փրկված «Նռան գույնը» ֆիլմի վերականգնված կադրերը՝ «Կինոյի տաճար» խորագրով ինստալացիան։ Հայ դասական եւ ժամանակակից կինոյին նվիրված այս նախագիծն առաջին անգամ ներկայացվեց Ռոտերդամի 48—րդ միջազգային կինոփառատոնի հիմնական ցուցահանդեսային ծրագրերի մեկնարկին։
Հայաստանի ազգային կինոկենտրոնի տնօրեն Շուշանիկ Միրզախանյանը լրագրողների հետ զրույցում նշեց, որ «Կինոյի տաճար» նախագծի մտահղացման հեղինակը Դենիել Բըրդն է, որի հետ կինոկենտրոնի համագործակցությունը սկսվել է դեռեւս 2018 թվականին։ Համագործակցությունը սկսվեց «Հակոբ Հովնաթանյան» ֆիլմի վերականգնումով եւ թվայնացումով։ Այս ֆիլմը, Միրզախանյանի խոսքով, ցուցադրվեց մի շարք հեղինակավոր կինոփառատոներում եւ արժանանացավ բազմաթիվ կինոգործիչների ուշադրությանը։ «Ֆիլմն ավարտելուց հետո Դենիելի հետ սկսեցինք աշխատել «Նռան գույնը» կինոնկարի հիմնական մոնտաժից դուրս մնացած հատվածները վերականգնելու վրա։ Այս պահին կինոկենտրոնի արխիվում 103 տուփ ժապավեն է պահվում։ 2017 թվականին 27 տուփ ուղարկեցինք Լեհաստան եւ հենց այդ կադրերով էլ պատրաստեցինք Ռոտերդամի փառատոնում ներկայացվող ինստալացիան։ «Fixafilm» ընկերության փոխնախագահ Լուկաշ Սերանկայի եւ իր թիմի շնորհիվ կադրերը վերականգնվեցին եւ թվայնացվեցին Լեհաստանում։ «Կինոյի տաճար» ծրագրի կազմակերպմանը եւ իրականացմանը մեծապես աջակցեցին Ռոտերդամի միջազգային կինոփառատոնի նախագահ Բերո Բեյերը եւ ծրագրերի գլխավոր պատասխանատու Էդվին Կարելսը։ Ցուցահանդեսը տեղի ունեցավ «Արմենիուս» եկեղեցում եւ հենց այնտեղ էլ որոշվեց այն ցուցադրել նաեւ «Ոսկե ծիրանի» շրջանակներում»,—պատմեց Միրզախանյանը։
Ցուցադրության վայրն ընտրել էր Դենիելը։ Նա ասաց, որ երբ առաջին անգամ Երեւան էր եկել, շատ էր տպավորվել հատկապես «Ռոսիա» կինոթատրոնի շենքով. «Դա ճարտարապետական հրաշալի կառույց է, անգամ վախեցնող։ Երբ որոշվեց ինստալացիան ներկայացնել Երեւանում, առաջարկեցի այն ցուցադրել հենց այդ շենքում։ Կարծում եմ՝ տարածքը շատ կարեւոր է նման ցուցադրության համար»։ Անդրադառնալով նախագծի խորագրի ընտրությանը, ասաց, հաշվի են առել այն հանգամանքը, որ ֆրանսիացի ականավոր ռեժիսոր Ժան Լյուկ Գոդարը Փարաջանովի արվեստն ու կինոն նկարագրելիս օգտագործել է «կինոյի տաճար» արտահայտությունը։
Այս ցուցադրությանը զուգահեռ՝ կինոսրահում ներկայացվեց Ռուբեն Գեւորգյանցի «Աշխարհումս» վավերագրական ֆիլմը։ Փարաջանովի կյանքի եզակի դրվագներով, լուռ զրույցով ժապավենը անընդմեջ պտտվում էր էկրանին։ Վարպետի մասին պատմող այս վավերագրություն—էսսեն Ռուբեն Գեւորգյանցը նկարել է 1979թ., ապա՝ 1989 թվականին։ Արտադրության երկու թիվը ֆիլմի ակունքներում կանգնած արվեստագետները բացատրում են նրանով, որ Փարաջանովին վերաբերող ամեն մի շարժ այն տարիներին վերահսկվում էր պետական մարմինների կողմից, արգելված էր ցանկացած նախաձեռնություն։ Նկարահանումները կատարվել են գաղտնի եւ տեւել են շատ երկար։ Կինոէսսեն պատմում է Փարաջանովի բանտից ազատվելուց հետո թբիլիսյան առաջին օրերի մասին։
«Կինոյի տաճար» ծրագրի շրջանակներում արդեն այսօր «Մոսկվա» կինոթատրոնում կկայանա Սերգեյ Փարաջանովի երեք վերականգնված կաճամետրաժ ֆիլմերի՝ «Եռաֆիլմի» ցուցադրումը. «Հակոբ Հովնաթանյան», «Արաբանաշեր Փիրոսմանիի թեմաներով», «Կիեւյան որմնանկարներ»։

09-07-2019





17-10-2020
Անկարան օգտագործել եւ օգտագործում է Բաքվին
Ադրբեջանի հանդեպ Թուրքիայի տնտեսական ձեռքբերումները մեծապես կապելով հայկական լծակի ...


17-10-2020
Լավագույն հանգուցալուծումը հայկական կողմի ջախջախիչ հաղթանակն է
Այդ հաղթանակն Ադրբեջանին կստիպի զինադադար խնդրել

Հարցազրույց «Ակոս» ...


17-10-2020
ԵՄ դռներն ավելի ամուր են փակվում Թուրքիայի առջեւ
Ավստրիայի խորհրդարանն ընդունել է դատապարտող բանաձեւ

Ավստրիայի Ազգային ...


17-10-2020
Թուրքական իմպերիալիզմը խախտում է հայ ժողովրդի իրավունքը
Միջազգային ինչպիսի՞ արձագանք կառաջացներ գերմանացիների հարձակումն Իսրայելի վրա



17-10-2020
Այս պատերազմը միայն հայության խնդիրը չէ
Սա առավել մեծ՝ տարածաշրջանային, ինչպես նաեւ միջազգային ընդգրկում ունի


17-10-2020
Ֆրանսիական կինոյի լեգենդի մի մասնիկը
Ազգ ներկայացնող փառավոր անուն

«Ես կարդում, գրում եմ ...


17-10-2020
«Ես որոնց որ սիրում եմ յանդիմանում եմ, եւ խրատում եմ. ուրեմն ջանք արա եւ ապաշխարիր»
Աստվածաշնչում կարդում ենք «մեծ ողբի» մասին, երկրագնդի վրա մեծ ...



17-10-2020
Միջազգային հանրությունը պետք է ընդունի «անջատում հանուն փրկության» սկզբունքը
ՀՀ վարչապետ Նիկոլ Փաշինյանը հարցազրույց է տվել ...

17-10-2020
Ահաբեկիչներին կարող են ոչնչացնել նաեւ բուն Ադրբեջանի տարածքում
Թուրքիան արդեն մտել է Ադրբեջան եւ այնտեղից դուրս ...

17-10-2020
Ինքնորոշման իրավունքի ճանաչումն առաջնային է
ՀՀ արտաքին գործերի նախարար Զոհրաբ Մնացականյանն ...

17-10-2020
Մխիթարյանը շնորհակալություն է հայտնել իտալացի պատգամավորին
Հենրիխ Մխիթարյանը ֆեյսբուքյան գրառմամբ իր ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO