Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.10.2019
ՀԱՍԱՐԱԿՈՒԹՅՈՒՆ


Ճիշտ մարդը՝ ճիշտ տեղում

«.... Միշտ ամենալավն է՝ գործով զբաղվես»

Հուլիսի 2-ին 94 տարեկանում իր մահկանացուն կնքեց ամերիկացի նշանավոր գործարար եւ կառավարման տեսաբան Լի Յակոկկան։ Նրա գրքերը հանրաճանաչ են, իսկ «Ինքնակենսագրությունը» ամեն մի գործարարի համար անփոխարինելի դասագիրք է։ Սա աշխույժ, պատկերավոր լեզվով մի պատում է, թե ինչպես է իտալացի գաղթականների զավակը դարձել ամերիկյան ավտոշինության առաջնորդներից մեկը։
Յակոկկան աշխատանքային կենսագրությունն սկսել է «Ֆորդ»—ում որպես ինժեներ, նախագծել նոր մոդելներ (մասնավորապես՝ «Ֆորդ մուստանգը»), ապա անցել է վարչական աշխատանքի։ Սակայն անսպասելիորեն Հենրի Ֆորդ Երկրորդը նրան հեռացնում է աշխատանքից (ընդ որում՝ հենց Յակոկկայի ծննդյան օրը)։ Յակոկկան ծանր է տանում վիրավորանքը. 32 տարի աշխատել էր «Ֆորդ»—ում, վերջին 8 տարին՝ պրեզիդենտ, ուներ անվիճարկելի ներդրում ընկերության հաջողությունների մեջ, անառարկելի հեղինակություն եւ... չպատճառաբանված ու կոպիտ վերաբերմունք սեփականատիրոջից։
Կամային ջանքերով, ինքնաներշնչումով կարողանում է հաղթահարել ընկճվածությունը, մանավանդ հրավեր է ստանում գլխավորելու «Կրայսլեր» կորպորացիան եւ կարողանում է սնանկության եզրին գտնվող կազմակերպությունը ոտքի կանգնեցնել։ Յակոկկան տարիների հեռվից բնութագրում է իր հոգեվիճակը։ Ֆորդի արարքն անարդարացի էր եւ ստորացուցիչ. պարզապես նախանձել էր Յակոկկայի հեղինակությանը եւ իր կամքը պարտադրել տնօրենների խորհրդին։ «Այնքան նողկալի էր, որ իմ մեջ ցանկություն առաջացավ ինչ—որ մեկի կյանքին վերջ տալու, ընդ որում չգիտեի, թե ո՞ւմ հատկապես՝ Հենրի Ֆորդի՞, թե՞ հենց իմ»։
Յակոկկան նյութապես լիովին ապահովված էր, ուստի, ինչպես ինքն է գրում, կարող էր ամբողջ կյանքում հանգիստ գոլֆ խաղալ։ Սակայն իր վիճակը նա սկսում է գիտակցել եւ գնահատել որպես կենսական ընտրության պահ, երբ մարդն ինքն իրեն ճանաչելու հնարավորություն է ստանում։ Եվ հանգում է հետեւյալ եզրակացությանը. «Ամեն մարդու կյանքում լինում են պահեր, երբ դժբախտությունից ինչ—որ մի օգտակար բան է ծնվում։ Ժամանակներ են լինում, երբ ամեն ինչ այնքան մռայլ է թվում, որ ուզում ես բռնել բախտի վզակոթից ու մի լավ թափ տալ.... Ինձ խեղդում էր զայրույթը, եւ ես պետք է ընտրություն կատարեի. կա՛մ այդ զայրույթը շրջեի ինքս իմ դեմ՝ ամենաողբերգական հետեւանքներով հանդերձ, կա՛մ գործադրեի զայրույթի ծնած էներգիայի գոնե մի մասը՝ փորձելով բեղմնավոր մի բան անել.... Ծանր սթրեսի եւ դժբախտության ժամանակ միշտ ամենալավն է գործով զբաղվես, քո զայրույթն ու էներգիան կառուցողական դարձնես»։
Շատ ուսանելի է Յակոկկայի գործունեությունը «Կրայսլեր»—ում։ Հարկավոր էր ախտորոշել ձախողումների պատճառները։ Դրանք շատ էին, մասնավորապես, «այստեղ չկար միասնական թիմ, կար ընդամենն անհատ խաղացողների չկառավարվող մի խումբ, ընդ որում շատերը չէին տիրապետում դաշտի սեփական հատվածում խաղի կանոններին»։
Մյուս դիտարկումները նույնպես կարող են օգտակար լինել տնտեսավարողների եւ գործարարության առաջնորդների համար։ Եվ ուրեմն, ավտոշինական այդ հսկա կազմակերպության աշխատանքի հիմնական թերությունը համակարգված, միասնական աշխատանքի բացակայությունն էր. «Կազմակերպությունը մանր հերցոգությունների կուտակում էր, որտեղ ամեն մեկը ենթարկվում էր իր սյուզերենին, դա մինի—կայսրությունների մի կծիկ էր, ընդ որում ոչ մեկը ոչ մի ուշադրություն չէր դարձնում, թե ինչ են անում մյուսները»։ Դրանից բացի՝
p ուռճացած էր եւ տարանջատված ղեկավարությունը. կար 35 փոխնախագահ, եւ «ամեն մեկն իր վազքուղին ուներ»,
p չկար կազմակերպական կառուցվածքը ցեմենտող մի հիմք, բացակայում էր գործարար խորհրդակցությունների համակարգը, որտեղ աշխատակիցները կարծիքներ փոխանակեին,
p չկար ֆինանսական հսկողության հստակ եւ միասնական համակարգ, «ոչ ոք պատկերացում չուներ, թե ինչպես են կազմվում ֆինանսական պլանները»,
p փաստորեն գոյություն չուներ ռազմավարական կառավարում. ղեկավարները հազիվ էին հասցնում «անցքերը փակել», «իրենց ուշադրությունը կենտրոնացնում էին ոչ թե այն բանի վրա, ինչը տեղի է ունենալու հաջորդ տարի, այլ այն, ինչը լինելու է հաջորդ ամիս»,
p անիրազեկությունը բնորոշ էր կառավարման բոլոր մակարդակներին. «կազմակերպության մենեջերներն ավելի շատ հայտնի էին որպես գոլֆ խաղացողներ, քան թե ավտոշինության գործի մասնագետներ»,
p կատարվում էին կադրային անհիմն տեղափոխումներ, եւ «կազմակերպության ամեն մի աշխատակից կատարում էր այնպիսի աշխատանք, որին պատրաստ չէր», իսկ դա հատկապես կործանարար էր վերին մակարդակի համար. «տարիներ շարունակ «Կրայսլեր» կորպորացիան կառավարել են մարդիկ, որոնք իրականում չեն սիրել ավտոշինության բիզնեսը»,
p բացակայում էր արտադրության եւ արտադրանքի իրացման կապը, սխալ պլանավորման հետեւանքով կուտակվել էր վիթխարի «իրացման պահեստ»՝ չվաճառված մեքենաներ, փաստորեն մեռյալ կապիտալ, «ֆինանսական մղձավանջ»։
Այս դիտարկումներն էլ դառնում են «Կրայսլերի» վերածնության հիմնարար ծրագիրը, Յակոկկան՝ դրա իրականացման առաջնորդը. ստեղծվում է համախոհների հզոր թիմ, կատարվում են կադրային անհրաժեշտ կրճատումներ, պակասեցվում են կառավարման մակարդակները, իրականացվում հիմնարար շուկայավարություն եւ գովազդ եւ այլն, հակիրճ՝ իսկապես վերածնվում է սնանկության եզրին գտնվող կազմակերպությունը։ Իսկ երանելի նահապետի վերոբերյալ եւ մյուս դիտարկումները, անտարակույս, հարստացնում են կառավարման գիտությունը, դառնում տեսական հիմք գործնական բնույթի խնդիրների արդյունավետ լուծման համար։
Վալերի ՄԻՐԶՈՅԱՆ
Փ.գ.դ., պրոֆեսոր

10-07-2019





18-10-2019
Համապարփակ լուծում հին խնդիրներին
Հայագիտական առարկաների դասավանդումը դպրոցներում կուժեղացվի

Լուսինե ՄԽԻԹԱՐՅԱՆ
l.mkhitaryan@hhpress.am


Վերջին ...


18-10-2019
Սիրիայում բոցավառվող տեսակի արգելված զենք է կիրառվել
Ո՞ր կողմն է գործադրել՝ ապացուցելը դժվար է լինելու

Թամարա ...


18-10-2019
10 մլն եվրո՝ Արարատի եւ Արմավիրի մարզերին
Հումքի մթերումների սուբսիդավորման ծրագրում փոփոխություն եղավ

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը ...


18-10-2019
Գեղարվեստի կենարար ուժը
ՀՀ ԳԱԱ թղթակից անդամ, ՀՀ գիտության վաստակավոր գործիչ, տնտեսագիտության ...


18-10-2019
Բիբլիական լեռը ներկայանում է յուրովի
ՀԱՊ-ում բացվել է «Արարատ. սրբազան լեռը» խորագրով ցուցահանդեսը

Լիանա ...


18-10-2019
Պարտադիր, բայց առանց գնահատման
«Շախմատ» առարկայի դասավանդման շուրջ քննարկումներն ակտիվ փուլում են

Լուսինե ...


18-10-2019
«Ձեր խնդիրները մեր մշտական ուշադրության կենտրոնում են»
Վարչապետը հանդիպել է զոհված զինծառայողների մայրերի հետ

Վարչապետ ...



18-10-2019
Սոցցանցերը եւ մարդկային հարաբերությունների նոր մշակույթը
Հաշվարկված է, որ աշխարհի բնակչության 40 տոկոսը, ...

18-10-2019
Զբոսաշրջային ակտիվությունն ակնհայտ է
Բայց դրանից «գլուխներս չպետք է ...

18-10-2019
Վարչապետն ընդունել է Ճապոնիայի վարչապետի հատուկ խորհրդականին
Վարչապետ Նիկոլ Փաշինյանը երեկ ընդունել է Ճապոնիայի ...

18-10-2019
«Մեր գլխավոր նպատակն օլիմպիական ուղեգիր նվաճելն էր»
Գերմանիայում անցկացված սպորտային մարմնամարզության ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO