Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.02.2020
ԼՂՀ


Հայության ուշադրությունը վերստին սեւեռվում է Արցախի վրա

Համահայկական 7-րդ ամառային խաղերի մեկնարկին քիչ ժամանակ է մնում

Դավիթ ՄԻՔԱՅԵԼՅԱՆ
d.miqayelyan@hhpress.am


Ընդամենը մեկ ամիս առաջ Արցախի մայրաքաղաքում Չճանաչված երկրների ֆուտբոլի ասոցիացիաների կոնֆեդերացիայի հովանու ներքո տեղի ունեցավ ֆուտբոլի Եվրոպայի առաջնությունը՝ մարզիկների ու հանդիսատեսների վրա թողնելով անմոռանալի տպավորություններ։ Եվ ահա Արցախում վերստին մարզական մեծածավալ միջոցառման են սպասում։
Շուտով Ստեփանակերտի Ս. Շահումյանի անվան բազմահազարանոց կենտրոնական մարզադաշտում տրվելու է Համահայկական 7—րդ ամառային խաղերի մեկնարկը։ Իսկ որպեսզի արձագանքները նախորդի պես լինեն բացառապես դրական ու տպավորիչ, անակնկալներով լի, թե կազմակերպիչները եւ թե տանտերերն ամիսներ առաջ են ձեռնամուխ եղել նախապատրաստական աշխատանքներին՝ տեսադաշտից դուրս չթողնելով վճռորոշ եւ ոչ մի հանգամանք։
Այդ նպատակով Համահայկական խաղերի համաշխարհային կոմիտեի նախագահ Իշխան Զաքարյանի գլխավորած պատվիրակությունը մի քանի անգամ այցելել է Ստեփանակերտ եւ հանդիպել ԱՀ նախագահ Բակո Սահակյանին եւ պետնախարար Գրիգորի Մարտիրոսյանին, որը, որպես կազմկոմիտեի ղեկավար, համակարգում է մարզական մեծ տոնի կազմակերպչական աշխատանքները։
Գ. Մարտիրոսյանը, շեշտելով Համահայկական 7—րդ ամառային խաղերի կարեւորությունը Արցախի մարզամշակութային եւ սոցիալ—տնտեսական կյանքում, գտնում է, որ բոլոր ջանքերը պիտի գործադրվեն «հյուրերին ավանդապահ արցախցուն վայել պատշաճ մակարդակով ընդունելու եւ ոգեշնչելու համար»։ Խոստանալով միջոցառման բացման հանդիսավոր արարողությունը կազմակերպել միջազգային բոլոր չափանիշներին համապատասխան, պետնախարարը կազմկոմիտեի անդամներին, բոլոր գերատեսչությունների պատասխանատուներին հանձնարարել է ավելի մեծ ուշադրություն հրավիրել նախապատրաստական աշխատանքներին եւ ամեն ինչ անել կազմակերպված ու համակարգված։ Նա դրական է որակել ոչ միայն հանրապետական, այլեւ Ասկերանի, Մարտունու, Մարտակերտի քաղաքային մարզադաշտերում իրականացված վերակառուցման ու բարեկարգման աշխատանքները, «որոնք այսօր պահանջված են միջազգային նման խաղերի եւ մրցաշարերի անցկացման համար»։ Բարելավվել են բոլոր ենթակառուցվածքները, նորոգվել երկրի տարանցիկ ճանապարհները։ Այդ տեսանկյունից հատկապես աչք են շոյում մայրաքաղաք Ստեփանակերտում ու հանրապետության մյուս քաղաքներում՝ խորհրդանշական մարզական տոնին նվիրված ցուցապաստառներն ու մեծադիր նկարները, որոնք ազդարարում են խաղերի մասին։ Ժամանակին հոգ է տարվել նաեւ հյուրանոցների, գիշերավարձի հետ կապված խնդիրների, մեծ թվով կամավորների ընդգրկման ուղղությամբ։
Արդեն մի քանի օր է, ինչ Ստեփանակերտի կենտրոնական մարզադաշտում Համահայկական խաղերի հանդիսավոր բացման ու մշակութային ծավալուն միջոցառման փորձեր են ընթանում, որոնց մասնակցում են շուրջ 1500 արհեստավարժ պարողներ, դերասաններ, մարզիկներ եւ կամավորներ։ «Առավոտից մինչ երեկո ընդարձակ հրապարակում ստեղծագործական տքնաջան աշխատանքները չեն դադարում, եւ փորձերի ժամանակ նոր մտահղացումներ եւ գաղափարներ են ծնունդ առնում։ Յուրաքանչյուրը ձգտում է արժանապատվորեն ներկայանալ հանդիսականներին ու հաճելի տպավորություններ թողնել,–ասում է մարզամշակութային մեծ միջոցառման գլխավոր ռեժիսոր Ռուբեն Հովհաննիսյանը, որը շատ է կարեւորում մարզատոնի մեկնարկին պատշաՃ նախապատրաստվելու հանգամանքը։–Ամեն ինչ պիտի լինի գեղեցիկ ու ներդաշնակ, գեղարվեստական դրվագներով, ուշագրավ տեսարաններով ու արարներով, երաժշտական ձեւավորումներով հագեցած»։ Հատկանշական է, որ գլխավոր փորձերին պետնախարար Գ. Մարտիրոսյանի եւ Ի. Զաքարյանի ուղեկցությամբ հետեւել է նաեւ Բակո Սահակյանը։
Մարզասերներին ու երաժշտասերներին մեծ անակնկալներ է խոստանում Համահայկական խաղերի համաշխարհային կոմիտեի նախագահը՝ չշտապելով մանրակրկիտ բացել փակագծերը։ «Վստահեցնում եմ, որ հանդիսավոր բացման արարողությունը լինելու է բոլորի համար շատ սպասված եւ տպավորիչ,–ճեպազրույցի ժամանակ նշեց նա։–Իմ մտահոգությունը հյուրերի եւ միջոցառման մասնակիցների ընդհանուր թվի հետ է կապված, միայն Համահայկական խաղերի ներկայացուցիչների թիվն անցնում է 5 հազարից։ Ու եթե հաշվի առնենք մարզասերների պահանջը, ակնհայտ է դառնում, որ շքերթի արարողությանը կենտրոնական մարզադաշտը բոլորին չի տեղավորի»… Եվ որպես խնդրի համակարգման «ընդունելի տարբերակ», Ի. Զաքարյանը առաջարկում է հանդիսատեսի մեծ հատվածի համար բացման արարողությունը ուղիղ միացմամբ մեծ էկրանների վրա ցուցադրել Ստեփանակերտի Վերածննդի հրապարակում։
Ամառային խաղերի մասնակիցներն իրենց ուժերը կչափեն 17 մարզաձեւերում, որոնցից 6—ի մեկնարկը (շախմատ, ֆուտբոլ, բազմամարտ, վոլեյբոլ, սպորտային պարեր, հեծանավազք) կտրվի Արցախում։ Ընդ որում, գլխավոր մրցավար Դերենիկ Գաբրիելյանն ընդգծեց. «Մրցումները չեն կենտրոնանալու միայն մայրաքաղաք Ստեփանակերտում ու դրանց մի մասը կանցկացվեն Մարտունի, Մարտակերտ եւ Ասկերան շրջկենտրոններում, որտեղ վերակառուցված մարզադաշտերը լիովին համապատասխանում են ժամանակի պահանջներին»։
Երեկ հրավիրված կառավարության նիստում, որ վարում էր նախագահ Բակո Սահակյանը, երկրի ղեկավարը գերատեսչությունների ղեկավարների ուշադրությունը նորից հրավիրել է Համահայկական խաղերն Արցախում բարձր մակարդակով անցկացնելու խնդրին, կարեւորել մարզական միջոցառման ռազմավարական նշանակությունը։
Հավելենք, որ Համահայկական մարզական խոշոր տոնակատարության մեկնարկը կտրվի օգոստոսի 6—ին։
Ստեփանակերտ

17-07-2019





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO