Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԱՇԽԱՐՀ


Թեհրան—Լոնդոն փոխհարաբերություններում լարվածությունը պահպանվում է

Էմմա ԲԵԳԻՋԱՆՅԱՆ
e.begijanyan@hhpress.am


Հուլիսի 4-ից հետո Մեծ Բրիտանիա-Իրան փոխհարաբերություններում եւս լարվածություն է առաջացել, երբ Ջիբրալթարում բրիտանական ծովուժի աջակցությամբ կալանավորվեց իրանական «Գրեյս-1» գերնավթատարը, եւ ձերբակալվեց անձնակազմի 4 անդամ, որոնք արդեն ազատ են արձակվել։ Քայլ, որը պատճառաբանվեց նավթատարի՝ Սիրիա նավթ տեղափոխելով, ինչի դեմ Եվրամիությունը սահմանափակումներ է կիրառել։
Այս առնչությամբ բացատրություն ներկայացնելու համար Թեհրանում Մեծ Բրիտանիայի դեսպանը քանիցս հրավիրվել է Իրանի ԱԳ նախարարություն։ Իրանը Ջիբրալթար—Մեծ Բրիտանիա համատեղ գործողությունը գնահատել է ծովագնացության ոլորտում միջազգային ընդունված նորմերի խախտում եւ պահանջել է անհապաղ ազատ արձակել նավթատարը։ Երբեմն էլ շեշտվում է, որ դա տեղի է ունեցել ԱՄՆ—ի ճնշման ներքո։ Այսուհանդերձ, Իրանի ռազմաքաղաքական առաջին դեմքի՝ հեղափոխության առաջնորդի արձագանքը տեղի ունեցածին խիստ էր։ Նա, այդ քայլը ծովահենություն գնահատելով, նշել է, որ չարանենգ Անգլիան հանցագործություն է կատարում ու դրան օրինական տեսք տալիս՝ նախազգուշացնելով, որ այդ չարանենգությունը ժամանակին համարժեք պատասխան կստանա։
Թեհրանը վկայակոչում է 1982թ. ծովագնացության մասին ընդունված կոնվենցիան, որտեղ հստակ նշված է, թե ինչ դեպքերում երկրներն իրենց առափնյա ջրերում ու ազատ ծովում կարող են կալանավորել օտարերկրյա նավերը, սակայն դրանցում սահմանափակումները ներառված չեն, եւ դրանք կարող են միջազգային ծովագնացության մեջ կիրառվել միայն ՄԱԿ—ի որոշմամբ։ Հետեւաբար, Եվրամիության սահմանափակումները այլ երկրների համար պարտադիր չեն, իսկ Իրանը Սիրիայի դեմ սահմանափակում չի կիրառել եւ ընդունելի չի համարել ԵՄ—ի սահմանափակումները։ Միաժամանակ Իրանը բազմից հերքել է, որ նավթատարի բեռը Սիրիայի համար է նախատեսված եղել։ Ըստ նշյալ աղբյուրի, նավթատարը պատկանում է Ռուսաստանին, սակայն Պանամայի դրոշի ներքո տեղափոխել է իրանական նավթ։
Իսկ թե ինչո՞ւ հենց Պանամայի դրոշի ներքո, հետեւյալ բացատրություններն են ներկայացվում. նախ՝ վերահսկողության, անվտանգության օրենքների եւ ստանդարտների մակարդակով անհամեմատ պարզ են, ապա այդ երկրի դրոշի ներքո նավարկության համար անձնակազմի այդ երկրի հպատակությունը պարտադիր չէ, ինչն Իրանի համար նպատակահարմար է սահմանափակումների մեջ լինելու պայմաններում։ Մյուս կողմից՝ այս հարցում նշանակալից դեր կարող է խաղալ Պանաման՝ պահանջելով ազատ արձակել նավթատարը։
Թեհրան—Լոնդոն փոխհարաբերություններում առաջացած լարվածությանը նպաստեց հուլիսի 10—ին Մեծ Բրիտանիայի հնչեցրած մեղադրանքը Իրանի հասցեին, որ Պարսից ծոցում Իրանը փորձել է այդ երկրի նավթատար նավը կանգնեցնել, ինչը չի հաջողվել, քանի որ միջամտել է բրիտանական ռազմանավը։ Իսկ Իրանը խստիվ հերքում է այդ մեղադրանքը։ Լարվածությունը թերեւս իր գագաթնակետին հասավ հուլիսի 12—ին, երբ հայտնի դարձավ, որ Մեծ Բրիտանիան «H.M.S—Դաքըն» էսկադրային ականակիրը գործուղել է Պարսից ծոց, որի նպատակը ծովագնացության երթուղին ապահովելու գործառույթ ունի եւ ըստ օրակարգի նախատեսված էր, սակայն դեպքերի նման զարգացման պատճառով արագացել է այդ գործընթացը։
2 օր անց Լոնդոնը հայտնեց Պարսից ծոց գործուղված 3—րդ էսկադրային ականակիրի մասին, ինչը էլ ավելի էր բարդացնում իրավիճակը։
Սակայն հաջորդ օրը Թեհրանում Մեծ Բրիտանիայի դեսպանը Պարսից ծոց գործուղված նավերի առնչությամբ մեղադրելով ԶԼՄ—ներին՝ ճշմարտությունը խեղաթյուրված ներկայացնելու համար, վերահրապարակել է այդ երկրի ՊՆ—ի հայտարարությունը այդ առնչությամբ, որտեղ շեշտվում է, թե գործուղումները բնավ չեն նշանակում Պարսից ծոցում բիրտանական ուժերի ավելացում, այլ դրանք փոխարինում են այստեղ առկա այլ նավերի, ինչը նախապես պլանավորված է եւ պարբերաբար տեղի է ունենում։
Ինչեւ է Բրիտանիան հայտարարել, որ նավն ազատ կարձակվի, եթե Իրանը երաշխիք ներկայացնի առ այն, որ նավթը Սիրիա չի տեղափոխելու։ Մեծ Բրիտանիայի ԱԳ նախարար Ջերոմի Հանթը Իրանի ԱԳ նախարար Մոհամեդ Ջավադ Զարիֆի հետ հեռախոսազրույցում նշել է, որ եթե համոզված լինեն, թե «Գրայս—1» նավթատարը Սիրիա չի գնալու, ազատ կարձակեն։ Բացի այդ, ըստ միջազգային ԶԼՄ—ների, հարցի շուրջ վարչապետ Թերեզա Մեյը բանակցություններ է վարել Ջիբրալթարի նախագահի հետ։
Այլ կերպ ասած՝ թեեւ Լոնդոնը մի կողմից՝ ջանքեր է գործադրում շուտափույթ կերպով լուծելու Իրանի նավթատարի խնդիրը, ինչը մեծ հավանականությամբ դրական լուծում կստանա, մյուս կողմից նաեւ խիստ մտահոգություն է հայտնել Հորմուզի նեղուցով ու Պարսից ծոցով բեռնատար նավերի անվտանգ երթեւեկության առնչությամբ։ Իսկ դա նշանակում է, որ դրական է արձագանքելու ԱՄՆ պետքարտուղարության նախագծին, ինչի մասին հայտարարել է նախօրեին։ Ըստ այդ նախագծի՝ Հորմուզի նեղուցում նավագնացութան անվտանգությունը ապահովելու նպատակով անհրաժեշտ է ձեւավորել բազմազգ ուժ, որին խիստ դեմ է Իրանը։

20-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO