Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԱՇԽԱՐՀ


Իրան-4+1-ի Վիեննայի նիստը կառուցողական է եղել

Էմմա ԲԵԳԻՋԱՆՅԱՆ
e.begijanyan@hhpress.am


Նախօրեին Վիեննայում տեղի է ունեցել Իրան-4+1-ի (Մեծ Բրիտանիա, Ֆրանսիա, Ռուսաստան, Չինաստան եւ Գերմանիա) Իրանի միջուկային գործունեության վերաբերյալ համաձայնության (Joint Comprehensive Plan of Action, JCPOA) համատեղ հանձնաժողովի արտահերթ նիստը Եվրամիության գերագույն փոխհանձնակատար Հելգա Շմիդտի նախագահությամբ, JCPOA անդամ երկրների ԱԳ փոխնախարարների մակարդակով։
Հանձնաժողովի նիստի ավարտից ժամեր անց Շմիդտը ԵՄ—ի անունից հանդես է եկել հայտարարությամբ, որտեղ շեշտել է, որ արտահերթ նիստը տեղի է ունեցել բոլոր մասնակիցների պահանջով, որոնք նշել են կողմերի ստանձնած պարտականություններին հավատարիմ մնալու անհրաժեշտությունը։ Հստակեցրել են նաեւ JCPOA—ի երկու հիմնարար հիմքերը՝ Իրանի ստանձնած պարտավորությունները իր միջուկային ծրագրերի առնչությամբ եւ այդ երկրի դեմ սահմանափակումների վերացումը։ Բացի այդ, կարեւորվել է նաեւ փորձագետների մակարդակով բանակցությունների շարունակումը։ Հայտարարությունում նշվել է, որ առաջիկայում տեղի է ունենալու համատեղ հանձնաժողովի նիստ ԱԳ նախարարների մակարդակով։ Արտահերթ նիստը թերեւս պայմանավորված է նաեւ տարածաշրջանի վերջին զարգացումներով, մասնավորապես Մեծ Բրիտանիա—Իրան փոխհարաբերությունների լարվածությամբ՝ Ջիբրալթարում իրանական նավթատարի, իսկ Հորմուզի նեղուցում բրիտանական նավթատարի կալանավորման պատճառով ու դրանից բխող հետեւանքներով, նաեւ Բրիտանիայում նոր վարչապետի իշխանության գալով, որի տեսակետները միջազգային շատ հարցերում, այդ թվում Իրանի առնչությամբ, համընկնում են ԱՄՆ նախագահ Թրամփի տեսակետներին, ինչի պատճառով էլ վերջինս իր լոնդոնյան այցի ընթացքում բրիտանացիներին խորհուրդ էր տվել ընտրել Բորիս Ջոնսոնին։ Ահավասիկ, Ջոնսոնը հայտարարել է, որ թեեւ շտապողականություն չի դրսեւորելու JCPOA—ից դուրս գալու հարցում, սակայն դա եւս իր օրակարգում է։ Բացի այդ, եթե Թերեզա Մեյի կառավարությունը չէր պատրաստվում, որ Հորմուզի նեղուցում նավթատարները ուղեկցվեն ռազմանավերով, փաստորեն դեմ հանդես գալով Թրամփի՝ այդ նպատակով միջազգային ուժ ձեւավորելուն, ապա Ջոնսոնն ինքն է հանդես եկել նման նախաձեռնությամբ, ինչին միացել են նաեւ Իտալիան, Ֆրանսիան ու Դանիան։ Սա այն դեպքում, երբ Իրանը խիստ դեմ է այդ քայլին՝ պատճառաբանելով, որ միայն ԱՄՆ ուժերի ներկայությունը սպառնալիք է Իրանի անվտանգության համար։ Ավելին, Իրանի բանագնաց Էրաղչին համատեղ հանձնաժողովի նիստից հետո, մասնակցելով մամուլի ասուլիսին, հայտարարել է, որ նիստն անցել է «կառուցողական» մթնոլորտում, քննարկվել են կարեւոր խնդիրներ, սակայն չլուծած շատ հարցեր կան։ Հատկանշական է, որ չլուծված հարցերի թվում է նաեւ Ջիբարլթարում իրանական նավթատարի կալանավորման հարցը։ Էրաղչին նշել է, որ իրանական նավթատարի կալանավորումը լիովին հակասում է JCPOA—ին, քանի որ անդամ երկրները չպետք է արգելակեն Իրանի նավթի արտահանությունը։
Թեհրանը խիստ դժգոհ է JCPOA անդամ եվրոպական երկրներից՝ նրանց մեղադրելով ստաձնած պարտականությունները չկատարելու համար։ Խոսքը վերաբերում է ԱՄՆ—ի՝ համաձայնությունից հեռանալուն եւ Իրանի դեմ վերականգնված եւ նորերը կիրառված սահմանափակումների հետեւանքները որոշ չափով չեզոքացնելուն, ինչի պատասխանատվությունը ստանձնել էին Մեծ Բրիտանիան, Ֆրանսիան ու Գերմանիան։
Ռուս բարձրաստիճան դիվանագետ Միխայիլ Ուլյանովի կարծիքով էլ նախօրեի համատեղ հանձնաժողովի նիստը երեք ձեռքբերում է արձանագրել՝ սահմանափակումների հարցը լուծելու ուղղությամբ քննարկումները շարունակելը, Իրանի միջուկային նախագծերի համատեղ իրականացումը՝ Արաքում Չինաստանի եւ Մեծ Բրիտանիայի, իսկ Ֆորդում՝ Ռուսաստանի աջակցությամբ եւ մոտ ապագայում համաձայնության անդամների ԱԳ նախարարների նիստ հրավիրելը։ Հավելենք նաեւ, որ Ռուսաստանի ԱԳ փոխնախարարը նշել է, որ նիստի մասնակիցներն Իրանից պահանջել են, որ իր հայտարարած «ավելի քիչը ավելի քչի դիմաց» քաղաքականության շրջանակներում հրաժարվի սեպտեմբերին նախատեսված հաջորդ քայլից՝ JCPOA—ից եւս մի քայլով հեռանալու ծրագրից։

30-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO