Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.06.2020
ԿՐԹՈՒԹՅՈՒՆ


48 անուն դասագիրք կլինի երկու հատորով

Դպրոցական պայուսակները կթեթեւանան նոր ուսումնական տարում

Դպրոցական պայուսակների թեթեւացման հայտարարված քաղաքականության շրջանակում նոր ուսումնական տարում մի շարք դասագրքեր լինելու են երկու հատորով։ Ինչպես մեզ տեղեկացրեց ՀՀ կրթության, գիտության, մշակույթի եւ սպորտի նախարարության հանրակրթության վարչության պետ Աշոտ Արշակյանը, սեպտեմբերի 1—ից 48 անուն դասագիրք կունենա երկու հատոր. մասնավորապես, Մայրենի լեզու՝ երկրորդ դասարան, Մաթեմատիկա՝ երկրորդ դասարան, Ռուսաց լեզու՝ երրորդ դասարան, Մայրենի լեզու՝ չորրորդ դասարան, Անգլերեն, Ֆրանսերեն, Գերմաներեն՝ չորրորդ դասարան եւ այլն։ Բոլոր դասարաններում կան վերանայված դասագրքեր։
«Այն դասագրքերը, որոնց վերահրատարակման ժամկետը լրացել է, որոշում կայացվեց բաժանել երկու մասի։ Արդյունքում՝ դասագրքերի քաշը կթեթեւանա, եւ երեխաները ստիպված չեն լինի ծանր դասագրքեր տանել դպրոց։ Նախկինում այդ առումով շատ բողոքներ ենք ստացել, եւ հիմա խնդիրը փուլ առ փուլ լուծում է ստանում»,–ասաց Աշոտ Արշակյանը։
Նախարարության ներկայացուցիչը տեղեկացրեց, որ դասագրքերը երկու մասի բաժանելը մեխանիկական բնույթ չի կրում։ Բաժանելուց առաջ հարցը քննարկվել է հրատարակիչների, հեղինակների հետ։ Դասագրքի վերջում առկա ցանկը, պատասխանները, հավելվածները պահպանվելու են երկու հատորի դեպքում։ Բուն դասագրքերի բովանդակության մեջ փոփոխություններ չեն եղել, դրանք որակական առումով չեն տուժել։
Աշոտ Արշակյանը նշեց, որ այդ 48 անունը ոչ բոլոր դասագրքերն են։ Կան դասագրքեր, որոնց վերահրատարակման ժամկետները դեռ չեն լրացել։ Տարրական դպրոցում դրանց գործածությունը 3 տարի է, իսկ 5—ից բարձր դասարաններում հինգ տարի է։
«Նշեմ, որ կան նաեւ դասագրքեր, որոնց վերահրատարակման ժամկետը լրացել է, սակայն երկու մասին չի բաժանվելու։ Այն դասագրքերը, որոնք ունեն քիչ էջեր, դրանք տեխնիկապես հնարավոր չէ կիսել։ Հիմնականում կիսվել են այն դասագրքերը, որոնց վերահրատարակության ժամկետն ավարտվել է, եւ էջերի քանակը շատ մեծ է»,–ասաց նա։
Անդրադառնալով դասագրքերի խնդրին՝ Աշոտ Արշակյանը նշեց, որ ներկայում նախարարությունում դասագրքերի բովանդակային փոփոխությունների մեծ ծրագիր է իրականացվում։ Վերանայվում են առարկայական ծրագրերն ու չափորոշիչները, դրանցից ելնելով կփոխվեն նաեւ դասագրքերը։
«Դասագրքերը ժամանակի պահանջներին չեն համապատասխանում, երկար տարիներ չեն փոխվել, շատ ակադեմիական են, կան խնդիրներ նախադասությունների բարդությունների, երեխաների առանձնահատկությունների հետ կապված, տարբեր հարցեր կան, դրանք վերանայվում են»,–ասաց Աշոտ Արշակյանը։
Այդ ամբողջ գործընթացը ներառում է նաեւ ուսուցիչների վերապատրաստման գործընթացի վերանայում։ Ներկայում նախարարությունը կառավարություն է ուղարկել օրենքի նախագիծ, որով ներկա փուլում կասեցվում են ուսուցիչների վերապատրաստումները։ Խնդիրն այն է, որ չափորոշիչների եւ ծրագրի փոփոխություններից հետո վերապատրաստման այլ մակարդակ է սահմանվելու՝ նոր մոտեցումներով ու նոր բովանդակությամբ։ Դրա շնորհիվ ուսուցիչներն իրենց վերապատրաստման արդյունքներին համարժեք գնահատված կլինեն, կսահմանվեն ուսուցիչների առաջխաղացման, նրանց աշխատանքի գնահատման մեխանիզմներ։
Աննա ԳԶԻՐՅԱՆ

30-07-2019





03-06-2020
Բնակարանների շուկայական արժեքի եւ գույքահարկի հավասարակշռումն անհրաժեշտ է
Օրերս կառավարությունն ընդունել է որոշում, որով նախատեսվում է 2021 ...


03-06-2020
ԱԺ-ի դերը սահմանադրական փոփոխությունների հարցում
Ինչ խնդիրներ կան խորհրդարանական կառավարման համակարգի կայացման ճանապարհին



03-06-2020
Հայաստանում հաստատվել է COVID-19-ի 515, մահվան 12 նոր դեպք
Հայաստանում հունիսի 3-ին, ժամը 11:00-ի դրությամբ հաստատվել է կորոնավիրուսային ...


03-06-2020
Մայրությունը չի կարող լինել առօրյա
«Եւ մոռցաք այն մխիթարութիւնն որ ձեզ հետ ինչպէս որդիների ...


03-06-2020
Դիմակ կրելն անհրաժեշտ է, բարեկամնե՛ր
Մի քիչ մարդասեր ու կարգապահ լինելը մեզ չի ...


03-06-2020
Որտե՞ղ է ընկել արտասովոր երկնաքարը
Պարզաբանում է Բյուրականի աստղադիտարանի տնօրենը

«Առհասարակ, եթե ...


03-06-2020
Մտքում՝ Աստված, ձեռքին՝ գրիչ
Հայ անվանի գրող Պերճ Պռոշյանի ծննդյան օրվա առթիվ

Սիրում ...



03-06-2020
Միջնադարյան խազերի վերծանման թեման այսօր էլ է օրակարգում
Հայ երաժշտական մտածողության հիմնական ...

03-06-2020
Ուխտագնացություն Բերդաձոր
Մայիսի 30-ին Քաշաթաղի շրջանի մի խումբ ...

03-06-2020
Լիբիայում հակամարտությունները նոր փուլ են մտնում
Լիբիայում շարունակվում են հակամարտությունները, ...

03-06-2020
Լեւոն Արոնյանի հերթական մեկնարկը
Լեւոն Արոնյանը պատրաստվում է մասնակցել շախմատի ...
USD
EURO
RUR
GEL
Եղանակը Երևանում
գիշերը +12... +14
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO