Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ՊՆ


ՀՀ զինված ուժերում զինակոչիկների թվի աճ է նկատվում

Պայմանագրային զինծառայության նկատմամբ եւս հետաքրքրությունն աճել է

Ռազմական տեխնիկայի ոլորտում անակնկալներ են սպասվում, որոնք կլինեն տարբեր ուղղություններով՝ ե՛ւ գնման, ե՛ւ ձեռքբերման, ե՛ւ տեղում արտադրության տեսքով։
Լրագրողների հետ ճեպազրույցում այս մասին ասաց ՀՀ պաշտպանության փոխնախարար Գաբրիել Բալայանը՝ մեկնաբանելով ՀՀ ՊՆ նախարար Դավիթ Տոնոյանի հայտարարությունը, նոր զինտեխնիկայի ձեռքբերման հետ կապված։
«Առայժմ, կարծում եմ, պետք է սահմանափակվենք նախարարի հայտարարածով, սակայն արդեն շուտով հնարավորություն կունենանք դրանց մասին բարձրաձայնելու հրապարակայնորեն»,– նշեց Բալայանը։
Ըստ փոխնախարարի՝ հայ—ադրբեջանական սահմանին վերջին օրերի լարվածությունը կապված է երկու կողմերում իրականացվող ինժեներական աշխատանքների հետ։
«Վերջին օրերին լարվածություն է նկատվում հայաստանյան սահմաններում, եւ, ցավոք, ունենք զոհ եւ վիրավոր, սակայն հակառակորդի գործողություններին մեր զինված ուժերը համարժեք պատասխան են տվել»,–նշեց Բալայանը եւ հավելեց, որ մանրամասներին չի կարող անդրադառնալ, քանի որ քրեական գործ է հարուցվել։
«Մենք հայտարարել ենք, որ հիմա շատ թափով երկու կողմերում էլ ինժեներական աշխատանքներ են իրականացվում, այսինքն՝ մենք մեր դիրքերն ենք ամրապնդում, հակառակորդն էլ իրենը։ Մենք կասեցնում ենք ցանկացած առաջխաղացման փորձ»,– ասաց Բալայանը։
Նրա խոսքով՝ հայկական կողմը ծառայությունն իրականացնում է այնպես, որպեսզի հակառակորդը չկարողանա դիրքային առավելություն ձեռք բերել։
Խոսելով պայմանագրային զինծառայության մասին՝ նա նշեց. «Պայմանագրային զինծառայողների մոտ հետաքրքրության աճ է նկատվում, ինչը, գուցե, կապված է նրանց աշխատավարձերի բարձրացման հետ։ Այս ամենի հետ մեկտեղ գոյություն ունեն որոշակի չափորոշիչներ, որոնց պայմանագրային ծառայության անցնել ցանկացողը պետք է համապատասխանի»։
Նրա խոսքով՝ սահմանամերձ շրջաններում ծառայել ցանկացողների թիվն ավելի շատ է, քան չցանկացողների։
Անդրադառնալով սահմանին լիովին պայմանագրային ծառայությանն անցնելու հարցին՝ Բալայանն ընդգծեց, որ հարցը դեռ չի քննարկվում։ Նրա պնդմամբ՝ քանի դեռ ԶՈւ—ն է պետական սահմանի պահպանությունն իրականացնում, այլ ոչ սահմանապահ զորքերը, այդ քայլին հնարավոր չէ գնալ։
Ինչ վերաբերում է զորակոչին, ապա «այս տարի զորակոչի թվից գոհ եմ, ընթացքը բավականին լավն էր։ Ե՛վ անցած, ե՛ւ այս զորակոչերին բավականին ավելացում ունենք»։
Նա շեշտեց, որ աննախադեպ իրավակարգավորմամբ 2019 թվականի զորակոչի ժամանակ օրենքով տարկետում են տվել միջին մասնագիտական հաստատություններում սովորողներին։ Բալայանն ընդգծեց, որ նրանք շատ են, սակայն անգամ այդ պայմաններում զորակոչիկների թվի ավելացման միտում կա։
ՀՀ ՊՆ մարդու իրավունքների եւ բարեվարքության կենտրոնի պետ Ալիկ Ավետիսյանը անդրադարձավ Մեղրու զորամասերից մեկում տեղի ունեցած միջադեպին։
«Այդ հարցի վերաբերյալ քրեական գործը դեռեւս շարունակվում է։ Առաջին հերթին զորամասի հրամանատարության կողմից լուրջ թերացում կար, ինչի արդյունքում եղան համապատասխան «վիրահատական» միջամտություններ»,– նշեց Ավետիսյանը եւ հավելեց, որ դեպքի մասնակից զինծառայողները զորամասից տեղափոխվել են այլ ստորաբաժանումներ։
Ալիկ Ավետիսյանը դեպքերը որակեց որպես արդյունավետ կառավարման սկզբունքի խախտում, հատկապես զինվորական կանոնադրությունների շրջանակում։
Զորակոչի կազմակերպմամբ պայմանավորված՝ ապրիլի 1—ից սկսած, ՀՀ պաշտպանության նախարարության թեժ գծին (1—28.–հեղ.) ստացվել է մոտ 90 բողոք։
«Զանգերը հիմնականում եղել են «Պատիվ ունեմ», «Ես եմ» ծրագրերի, ինչպես նաեւ բժշկական փորձաքննության կարգի վերաբերյալ։ Նախորդ տարի զորակոչի կազմակերպման բողոքների թիվը գերազանցում էր 200—ը։ Այս տարի զգալի փոփոխություն կա՝ թիվը բավականին նվազել է՝ մոտ 90 բողոք»,–նշեց Ավետիսյանը։
Նրա խոսքով՝ յուրաքանչյուր բողոքի մեջ որոշակի անհանգստություն պարունակող հարցեր կան, սակայն լինում են նաեւ այնպիսիները, որ ավելի շատ ծնողական մտահոգության արդյունք են։
«Բժշկական փորձաքննությունների մասով նշեմ, որ 33 դիմում ունենք, որ վերաբերում էին բժշկական հոդվածներին, թե ինչ սահմանափակումներով է գնալու, կամ նշում էին, որ իրենց ընկալմամբ հիվանդությունն ավելի ծանր է, քան ֆիքսվել է»,–ասաց Ալիկ Ավետիսյանը։
ՀՀ ՊՆ մարդու իրավունքների եւ բարեվարքության կենտրոնի պետն ընդգծեց, որ եթե տեսնում են, որ հապճեպ է կայացվել որոշումը, պատշաճ ուշադրություն չի դարձվել մեկ այլ բժշկական ակտի, ապա նման դեպքերում, որպես կանոն, միջամտում են։
Ավետիսյանի պնդմամբ՝ իրենք բազմաթիվ այցեր են իրականացնում զորամասեր եւ փորձում են ամեն կերպ խնդիրներին լուծում տալ։
Լ. Ս.

30-07-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO