Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

31.05.2020
ՀԱՍԱՐԱԿՈՒԹՅՈՒՆ


Արեւայրուք ստանալ բակում «բուրդ չփխելո՞վ», թե՞ լողափին

Հանգստի ամեն տեսակ էլ կարող է լավագույնը լինել

Թամարա ՄՈՒՐԱԴՅԱՆ
t.muradyan@hhpress.am


Այսօրվանից «ՀՀ»-ի անձնակազմի սրճասեր ներկայացուցիչներն առավոտյան սուրճը կվայելեն սրճասերին վայել՝ հանգիստ, անշտապ. մենք արձակուրդ ենք գնում։
Տարածված կարծիք է, որ արձակուրդի գնալուց առաջ պետք է ավարտին հասցնել բոլոր կիսատ գործերը։ Ոչինչ չպետք է թողնել արձակուրդին հաջորդող ժամանակահատվածի համար։ Ասում են՝ այդպես ավելի հեշտ է աշխատանքի անցնելը՝ ամեն ինչ «նոր» սկզբից եք սկսում։ Ի դեպ՝ չմոռանաք արձակուրդից առաջ մի քանի րոպե տրամադրել ու կարգի բերել աշխատասենյակն ու աշխատասեղանը։ Դա եւս ձեր շահերից է բխում՝ հետարձակուդային շրջանում աշխատանքային միջավայրին ավելի հեշտությամբ ինտեգրվելու տեսանկյունից։ Բայց եւ կարծում ենք, որ հանգստյան օրերին հարկավոր չէ ամբողջությամբ կտրվել աշխատանքային մտքերից։ Մեր մտքում դրանք շատ փոքրիկ տեղ, ամեն դեպքում, պետք է զբաղեցնեն։ Այդ կերպ եւս աշխատանքի անցնելը ինչ—որ չափով սահուն կստացվի։
Իսկ արձակուրդի գնալիս աշխատասենյակի դուռը փակելուց, ասել է թե՝ ժամանակդ ազատ տնօրինելու «իրավունքը» ստանալուց հետո, եթե որոշել եք մնալ տանը, ապա ձեզ ուղղված հարցերին ի պատասխան պետք չէ ասել՝ հանգստանալու չեք գնում։ Չէ՞ որ եթե աշխատանքի չեք գնում, դուք արդեն իսկ հանգստանում եք։ Այլ հարց է հայ կնոջ մտածելակերպը։ Մեր իրականության մեջ կանանց հատուկ խումբ կա, որի համար արձակուրդը նախատեսված է տնային խորացված մաքրության, պահածոներ պատրաստելու եւ կենցաղային մնացած հարցերը կարգավորելու համար։ Ի տարբերություն մյուսների՝ նրանց արձակուրդային հանդերձանքը գոգնոցն է։ Արեւայրուքն էլ ստանում են բակում, խոսակցականով ասած, ընդամենը «բուրդ չփխելով»՝ առանց հատուկ քսուքների ու միջոցների վրա գումար վատնելու։
Այդ ամենը մի կողմ թողնելով, պետք է նշենք նաեւ, որ տնային հանգիստը շատերի համար լավագույն տարբերակներից է։ Այն զերծ է պահում սթրեսներից ու լարվածությունից։ Շտապելու, ճամպրուկ դասավորելու, ինչ—որ բան մոռանալու, ցուցակ կազմելու ու տնից հեռու հանգստանալու հանգամանքով պայմանավորված մյուս հարցերը կարգավորելու լարվածությունն ու, ինչ—որ իմաստով, սթրես ապրելու ռիսկը փոքրանում է։ Էլ չենք խոսում հետադարձ ճանապարհի համար նախապատրաստվելու ապրումների մասին։ Թեկուզ հանգիստը լավագույն տարբերակով կազմակերպել եք լավագույն լողափին կամ մեկ այլ վայրում, միեւնույն է, ուզեք թե ոչ, վերադառնալու եւ այդ օրերը անցյալում թողնելու մտքերն ու ապրումները դրական լիցքերի վրա որոշակի ազդեցություն թողնում են։ Ահա թե ինչու՝ խորհուրդ չի տրվում հանգստից անմիջապես հետո աշխատանքի անցնել։ Հոգեբանները հավատացնում են, որ աշխատանքային օրվանից մի քանի օր առաջ արդեն պետք է վերադառնալ տուն ու ճամպրուկների պարունակությունը հետ դնել ու տրամադրվել աշխատանքի գնալու։
Մինչաշխատանքային այդ մի քանի օրն էլ կարող ես ինքդ քեզ զբոսաշրջիկ զգալ հարազատ բնակավայրում ու այցելել բոլոր այն վայրերը, որոնց կողքով աշխատանքային օրերին ուղղակի անցել ես, կամ որոնք հասցրել ես քիչ թե շատ աչքի անցկացնել խցանումների մեջ՝ հասարակական տրանսպորտի, մեքենայի միջից։
Այս ամենին զուգահեռ, պետք է նաեւ հաշվի առնել, որ սա կյանքի միակ ու վերջին հանգիստն ու արձակուրդը չէ։ Եվ բոլորովին պարտադիր չէ փորձել ամեն ինչ տեղավորել արձակուրդային այս ժամանակահատվածում։ Առջեւում դեռ շատ տոներ ու արձակուրդներ կլինեն։

01-08-2019





30-05-2020
Հայաստանում ներդրվում է համայնքային միասնական էլեկտրոնային կառավարման հարթակ
Կբարձրացվեն ՏԻՄ-երի աշխատանքների արդյունավետությունը եւ թափանցիկությունը

Ֆիզիկական եւ ...


30-05-2020
«Հայը լինի իր երկրին մեջ տերը, Հայը լինի իր ազատության տերը»
Դրոն հայոց պատմության էջերը հարստացրել է հաղթանակներով

Հայ ...


30-05-2020
Հայաստանում հաստատվել է COVID-19-ի 251 նոր դեպք, առողջացել է ևս 20 պացիենտ
Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային ...


30-05-2020
Ո՞րն է ճշմարտությունը։ Աստծո խոսքը
Ի՞նչը կարող է մեզ ազատագրել։ Աստծո խոսքը։ Ե՞րբ է ...


30-05-2020
Առանց կուսակցությունների զարգացման չկա ժողովրդավարություն
Ի՞նչ փոփոխություններ են նախատեսվում ՏԻՄ ընտրություններում

4000 եւ ...


30-05-2020
Թանգարանի գիտական բաժինն անցել է աշխատանքի
Չի գործելու միայն ցուցադրության հատվածը

ԿԳՄՍ նախարարի հրամանով, ...


30-05-2020
Երեխաներին գնահատել է պետք գիտելիքով
Անցումը նոր համակարգին կնպաստի ինքնակրթության զարգացմանը

ՀՀ կրթության, ...



30-05-2020
«Մենք միակ ժողովուրդն ենք, որի գիրն ու կրոնը զուտ ազգային երեւույթներ են»
Ֆրանսահայ պատմաբան Կլոդ Մութաֆյանի հետ «ՀՀ»—ն ...

30-05-2020
Կարմիր գիրքը՝ բնական սահմանների խախտման ուղղակի ցուցիչ
Եվ համավարակի այս օրերին՝ բնության հետ ...

30-05-2020
Նորընտիր խորհրդարան-կառավարություն համագործակցությո՞ւն, թե՞…
2020 թ. փետրվարի 21-ին Իրանում տեղի ունեցան խորհրդարանի ...

30-05-2020
Չեմպիոնների չեմպիոնը կարող է որոշվել միասնական մրցաշարում
ՈւԵՖԱ-ն շարունակում է ուսումնասիրել եվրագավաթների ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO