Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.10.2020
ԿՐԹՈՒԹՅՈՒՆ


Ուղենիշը՝ տիեզերական մասշտաբի նպատակներ

Վարչապետը Գիտելիքի եւ դպրության օրվա առթիվ այցելել է Վահան գյուղի միջնակարգ դպրոց

Հանրապետությունում մեկնարկեց նոր ուսումնական տարին։ Այս անգամ առաջին դասարաններ հաճախող մանուկների թիվը հասավ 42 հազարի։
Գիտելիքի եւ դպրության օրվա առթիվ վարչապետ Նիկոլ Փաշինյանն ու տիկին Աննա Հակոբյանն այցելել են Գեղարքունիքի մարզի սահմանամերձ Վահան գյուղի միջնակարգ դպրոց։
Վարչապետը շնորհավորել է աշակերտներին, մանկավարժներին եւ ծնողներին Գիտելիքի եւ դպրության օրվա առթիվ ու մասնակցել առաջին դասարանցիների նորամուտին նվիրված հանդիսավոր միջոցառմանը։
«Ես ուզում եմ, որ Հայաստանի Հանրապետության բոլոր աշակերտները, բոլոր երեխաները, բոլոր պատանիները լայնացնեն իրենց մտահորիզոնը, մտածեն մեծ մասշտաբով, փոքր խնդիրների եւ փոքր նպատակների վրա չկենտրոնանան, այլ իրենց առաջ դնեն մեծ նպատակներ։ Իրենց առաջ դնեն ոչ թե իրենց փողոցի, իրենց թաղամասի, նույնիսկ իրենց քաղաքի, մարզի կամ հայրենիքի մասշտաբով նպատակներ, այլ իրենք իրենց առաջադրեն այնպիսի նպատակներ, որոնք համապատասխան են աշխարհի մասշտաբներին, աշխարհի մակարդակին, եթե ավելի հեռուն գնանք՝ տիեզերական մասշտաբի նպատակներ։ Եվ ես ուզում եմ, որ ձեզնից յուրաքանչյուրը մտածի ու երազի ոչ թե մեքենա ունենալու մասին, ես ուզում եմ, որ ձեզնից յուրաքանչյուրը մտածի եւ երազի նոր փոխադրամիջոց ստեղծելու մասին։ Ես ուզում եմ, որ ձեզնից յուրաքանչյուրը մտածի եւ երազի ոչ թե փողի մասին, ես ուզում եմ, որ ձեզնից յուրաքանչյուրը մտածի եւ երազի Նոբելյան մրցանակի մասին։ Ես ուզում եմ, որ ձեզնից յուրաքանչյուրը մտածի ոչ թե ոսկյա զարդեր ունենալու մասին, ես ուզում եմ, որ ձեզնից յուրաքանչյուրը մտածի օլիմպիական խաղերի չեմպիոնի ոսկե մեդալ ունենալու մասին»,–մասնավորապես ասել է վարչապետը։
Վարչապետը դպրոցի առաջին դասարանցիներին, որոնց թիվը 15 է, նվիրել է համակարգիչներ։ Նիկոլ Փաշինյանը եւ Աննա Հակոբյանը շրջել են դպրոցում, ծանոթացել առկա պայմաններին եւ խնդիրներին։ Մասնավորապես, ուսումնական հաստատության տնօրենը բարձրացրել է դպրոցը համակարգիչներով եւ խմելու ջրով ապահովելու խնդիրը։ Վարչապետը խոստացել է հարցին լուծում տալ առաջիկայում։
Այնուհետեւ Նիկոլ Փաշինյանը եւ Աննա Հակոբյանը ծաղիկներ են խոնարհել Վահան գյուղի զոհված ազատամարտիկների շիրիմներին եւ նրանց հիշատակը հավերժացնող հուշահամալիրին։
Գիտելիքի եւ դպրության օրվա առթիվ շնորհավորական ուղերձներ են հղել նաեւ նախագահ Արմեն Սարգսյանը եւ Ամենայն հայոց կաթողիկոս Գարեգին Երկրորդը. «Միտքը մեր բնական ռեսուրսն է, որը դպրոցում կամ բուհում վերածում ենք գիտելիքի կամ համադրում գիտելիքի հետ, եւ որքան շատ զարգացնենք մեր միտքը, որքան շատ գիտելիք ձեռք բերենք ու արտահանենք արդյունքը, այնքան կզարգանանք մենք եւ մեր երկիրը։ Կհզորանանք բոլորս միասին՝ յուրաքանչյուրիս ջանքի, գիտելիքի, աշխատանքի ու նվիրումի միջոցով, նրանց շնորհիվ, ովքեր աշակերտ եւ ուսանող են, ովքեր մանկավարժ են՝ հավատարիմ Ուսուցչի բարձր կոչմանը, ովքեր չեն զլանում սովորել ու սովորեցնել, ովքեր գիտեն գիտելիքի արժեքը, գիտելիքի ուժը։
Մաղթում եմ ձեզ հաջողություն եւ ձեր բոլոր իղձերի ու երազանքների իրականացում»,–մասնավորապես ասել է ՀՀ նախագահը։
«Սիրելի աշակերտներ եւ ուսանողներ, մեր ժողովուրդը մեծ սպասումներ ունի ձեզանից։ Մեր հորդորն ենք բերում ձեզ, որ քաջեռանդ ու հետեւողական լինեք ուսման մեջ՝ ձեր միտքն ու հոգին բացելով իմացության լույսի առջեւ, որպեսզի հասակ առնեք իբրեւ հավատավոր, լուսավոր անձեր՝ զորավոր՝ ձեր հոգով, ամուր՝ ձեր գիտելիքներով եւ նախանձախնդիր՝ հայոց աշխարհի ապահով ու երջանիկ հարագնա ընթացքի կերտման սրբազան առաքելության մեջ»,–նշված է Վեհափառ հայրապետի խոսքում։

03-09-2019





20-10-2020
Թշնամին մեկն է, եւ մեզ համար հաղթանակն այլընտրանք չունի
Թուրքիայի կողմից Ադրբեջանի «գաղութացման» գործընթացը կշարունակվի

Մենք առիթով ...


20-10-2020
Թիկունք հայոց բանակին
«Մի տեղ պատրաստվում էին թաղել եկեղեցում մեռած երիտասարդին։ Նրա ...


20-10-2020
Իսրայելա-թուրքական սպառնալիք Արցախում՝ ընդդեմ Իրանի
Թեհրանն արդեն զինված ուժեր է տեղակայել Ադրբեջանի հետ սահմանի ...


20-10-2020
ՊԲ-ն ռազմի բոլոր կանոններով հաջող ռազմագործողություններ է վարում ագրեսոր եռյակի դեմ
Պետք է միշտ հիշել, որ մեր դիմաց քաղաքակրթությունից 100 ...


20-10-2020
Անվտանգային հարցն այս պահին տնտեսականից առաջնահերթ է
Կանխարգելվում է թշնամական երկրից վերջնական սպառման ապրանքների ներմուծման միջոցով ...


20-10-2020
Էրդողանի մյուս երեսը
Գիրք, որը բացահայտում է ճշմարտությունը ձմերուկ վաճառողի մասին



20-10-2020
Գազանը պատերազմ է վարելու սրբերի դեմ
Հայտնության գրքի տասներեքերորդ գլխում գրված է, որ «գազանը» համաշխարհային ...



20-10-2020
Առաջինը Թուրքիան է խոչընդոտում հումանիտար զինադադարի հաստատմանը
ՀՀ վարչապետ Նիկոլ Փաշինյանը վստահ է, որ առաջինը ...

20-10-2020
Հյուրընկալվել է Տավուշի թեմի առաջնորդը
Արցախի Հանրապետության նախագահ Արայիկ ...

20-10-2020
Հայաստանի եւ Ադրբեջանի ղեկավարները հայտնել են, որ պատրաստ են հանդիպել
Հայաստանի Հանրապետության վարչապետ Նիկոլ Փաշինյանը ...

20-10-2020
Մխիթարյանի հարվածային խաղը
«Իմ երկիրն իմ սրտում է». սոցիալական ցանցում այդպիսի ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO