Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.09.2019
ՄՇԱԿՈՒՅԹ


Գեորգի Գարանյան–75

Սաքսոֆոնի ու փայտիկի անզուգական համադրողը

Օգոստոսի 15–ին լրացավ խորհրդային սաքսոֆոնահար, կոմպոզիտոր, ՌԴ ժողովրդական արտիստ (1993), ԽՍՀՄ կինեմատոգրաֆիստնրի միության անդամ (1975), ՌԴ կինեմատոգրաֆիստնրի միության անդամ (1996), ՌԴ պետական մրցանակի դափնեկիր (2000) Գեորգի Գարանյանի ծննդյան 75–ամյակը։
Գեորգի Գարանյանը ծնվել է Մոսկվայում։ Երաժշտական գործունեությունն սկսել է Յուրի Սաուլսկիի եւ Օլեգ Լունդստրեմի նվագախմբում։
1957 թվականին ավարտել է Մոսկվայի պետական տեխնոլոգիական համալսարանը։
1958 թվականից, որպես մենակատար եւ նվագակցող, հանդես է եկել ջազային եւ էստրադային նվագախմբերում, նվագել ալտ եւ սաքսոֆոն։
1966—1973 թվականներին աշխատել է Վադիմ Լյուդվիգովսկու երաժշտական էստրադային նվագախմբում։
1973—1982 թվականներին ղեկավարել է «Մելոդիա» նվագախումբը։ Նվագախմբի առաջին ձայնասկավառակը վաճառվել է 4 միլիոն օրինակով։ Նրա ղեկավարած տարիներին ձայնագրվել են 16 անհատական եւ 9 նվագախմբի ձայնասկավառակներ։
1973—1976 թվականներին եղել է ԽՍՀՄ կինեմատոգրաֆիայի սիմֆոնիկ նվագախմբի ղեկավար։ Վարել է «Գեորգի Գարանյանի ջազ—ակումբը» հաղորդումը։ Ստացել է բազմաթիվ մրցանակներ ջազային փառատոներում՝ Պրահա, Բոմբեյ, Հավանա, Վարշավա, Իսրայել, Ֆինլանդիա։ Գրել է նաեւ թատերական ներկայացումների երաժշտություններ։
1991 թվականին Մոսկվայում, 1998 թվականին Կրասնոդարում հիմնել է ջազային նվագախմբեր։
2003—2006 թվականներին ղեկավարել է Մոսկվայի Օլեգ Լունդստրեմի անվան պետական կամերային ջազ նվագախումբը։ Եղել է Մոսկվայի կրկեսի գլխավոր դիրիժորը։
Սաքսոֆոնով գործեր է նվագել հանրահայտ խորհրդային ֆիլմերում՝ «Ադամանդե ձեռքը», «Մենք ջազից ենք», «Աշնանային բլյուզ» եւ «Դե սպասիր» մուլտֆիլմում։ Գրել է կինոերաժշտություն՝ «Իրիկնային լաբիրինթոս», 1981, «Նրա երիտասարդության դեղատոմսը», 1984 (երկուսն էլ՝ Մոսֆիլմ)։
Համերգներով բազմիցս հանդես է եկել Երեւանում։
*
Նրան մտերիմներն անվանում էին կամ պարզապես Ժորա կամ՝ Արամիչ։ Կրթությամբ ճարտարագետ ինքնուսույց տաղանդը այնպես էր նվագում սաքսոֆոն, ինչպես չեն նվագում կոնսերվատորիաներ ավարտածները։ Միշտ եւ ամեն ինչում ձգտում էր լինել առաջինը, եւ դա նրան հաջողվում էր։ Գործիքավորման բացառիկ տաղանդ ուներ. նրա նվագախմբում յուրաքանչյուր գործիք դառնում էր գլխավոր։ Իսկ ինքը նվագում էր բոլոր զգայարաններով։ Շատ արագ էր վերծանում ցանկացած երաժշտություն։ Փորձերը նշանակում էր միայն հանգստյան օրերին, որովհետեւ նվագախմբի երաժիշտները բոլորն աշխատում էին տարբեր տեղեր։ «Ես չեմ կարող խմբավարել քաղցած երաժիշտների»,–ասում էր նա։ Խմբավարելու իր մեթոդն ուներ. ցանկանում էր, որ հանդիսատեսին էլ հասկանալի լիներ, թե ինչ է կատարվում նվագախմբում։ Ուներ հրաշալի ճկունություն, ռիթմ, զուտ գարանյանական ժեստեր։ Կարողանում էր խմբավարել ձեռքերով, ոտքերով, աչքերով…
Գարանյանն ապրում էր երաժշտության հետ համահունչ ու ներդաշնակ, հետը շփվում որպես կենդանի էակի։ Նա կարող էր համերգի հենց սկզբում նվագախմբի սխալ մուտքից հետո «ստոպ» տալ եւ նորից սկսել, կարող էր առաջին գործողությունից հետո հեռանալ թատրոնից, եթե նվագախումբը չէր գոհացրել իրեն։
Որպես քաղաքացի նա ծայրահեղության հասնող օրինապաշտ ու կարգապահ էր, երբեք մեքենան արգելված վայրում չէր կայանի եւ կենցաղային վճարները մեկ օր չէր ուշացնի։ Մարդամոտ էր, շփման մեջ թեթեւ, հումորով ու սրամիտ։ Բայց մասնագիտության մեջ անզիջում խստապահանջ էր։ Մի անգամ նույնիսկ դաշնակահարին ազատել էր աշխատանքից համերգի ընդմիջմանը ննջելու համար։
Ամեն անգամ համերգից առաջ հուզվում էր այնպես, կարծես առաջին անգամ էր բեմ բարձրանալու։ Մի անգամ, երբ հիվանդ վիճակով բարձրացել էր բեմ, դիմելով հանդիսատեսին, ասել էր. «Արտիստին մի բան կարող է խանգարել բեմ բարձրանալ՝ մահը»։
Գեորգի Գարանյանը, Արամիչը… Ժորան 75 տարեկան է…
Ռուդիկ ԳԵՎՈՐԳՅԱՆ

04-09-2019





21-09-2019
Ինքնիշխան պետության ձեռքբերումներն ու մարտահրավերները
Ինչ է սովորեցնում մեզ անկախության արդեն 28 տարվա ...


21-09-2019
Անկախության բանաձեւը
Ո՞րն է պետություն կառուցելու մեր տեսլականը

Լուսինե ՄԽԻԹԱՐՅԱՆ
l.mkhitaryan@hhpress.am


1988-90 ...


 
21-09-2019
IPSE DIXIT
Ամբոխի հոգեբանության ուսումնասիրությունը ցանկալի է դիտվում գործնական առումով, բայց ...


21-09-2019
Տղամարդկանց հագուստ
Սմոքինգ
Բարձրաշխարհիկ պաշտոնական միջոցառումների ժամանակ (օրինակ՝ երեկոյան ընդունելությունների) նախընտրությունը ...


21-09-2019
Պատմության նոր էջ
Ժամանակին Մոսկվայում մի հայ ուսանողի քննությանը հարցրել էին. «Ի՞նչն ...


21-09-2019
Անկախության խորհուրդը պետության համար
Եվ անկախության՝ քաղաքացու ընկալումը

Յուրաքանչյուր դպրոցական գիտի, թե ...


21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե միաձայն քվեով

Թամարա ՄՈՒՐԱԴՅԱՆ
t.muradyan@hhpress.am


«Անկախության ...



21-09-2019
Տնտեսական հեղափոխության ընկալումներն ու իրագործումը
Որքանով է այն պահանջված, եւ որոնք են դրա ...

21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե ...

21-09-2019
Իմ թանձրացական անկախությունը
Այն ինձ համար եթերային երազանք ...

21-09-2019
Անկախության սպորտը. անմոռանալի ապրումների պահեր
Հայաստանի անկախության 28 տարիներին ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO