Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ՀԱՍԱՐԱԿՈՒԹՅՈՒՆ


Անհրաժեշտ անդրադարձ

Ի պատասխան ՀՀ առողջապահության նախարարության տարածած պարզաբանման

Թամարա ՄՈՒՐԱԴՅԱՆ
t.muradyan@hhpress.am


«ՀՀ»-ի՝ «Նվերներ պապիլոմավիրուսի հետազոտության համար» վերտառությամբ հրապարակման վերաբերյալ երեկ ՀՀ առողջապահության նախարարությունը պարզաբանում է տարածել, որում մասնավորապես նշված է. «Ի պատասխան «Ինչո՞ւ են պապիլոմավիրուսի հետազոտության ժամանակ նվերներ տվել» վերտառությամբ հոդվածի, որտեղ նշվում է, թե «ՀՀ նախարարությունից բանավոր զրույցում նվերի հանգամանքը հերքել են, իսկ գրավոր հարցմանը չեն պատասխանել», տեղեկացնում ենք, որ հարցմանը գրավոր պատասխանվել է դեռեւս սույն թվականի սեպտեմբերի 2—ին թիվ ՎՀ/12805—19 գրությամբ թղթային առաքմամբ, որտեղ մասնավորապես նշվել է, որ առողջապահության նախարարության եւ ՖԱՅԴԵՔ կորպորացիայի միջեւ 2018 թվականի օգոստոսի 20—ին ստորագրվել է «Փոխըմբռնման հուշագիր», եւ նշված հետազոտություններն իրականացվում են «ՖԱՅԴԵՔ» Արմենիայի կողմից։ Պարզաբանում ստանալու համար անհրաժեշտ է դիմել «ՖԱՅԴԵՔ» Արմենիա կազմակերպությանը»։
Արձագանքելով պարզաբանմանը՝ նշենք, որ հոդվածը վերնագրված էր «Նվերներ պապիլոմավիրուսի հետազոտության համար», այլ ոչ թե «Ինչո՞ւ են պապիլոմավիրուսի հետազոտության ժամանակ նվերներ տվել»։ Պարզաբանման մեջ նշված վերնագիրը ոչ թե թերթում հրապարակված հոդվածի, այլ կայքերի տարածած նյութի անոնսի վերնագիրն է։ Սա հիմք է տալիս եզրահանգելու, որ նախարարության ներկայացուցիչները կարդացել եւ պարզաբանում են տարածել ոչ թե թերթում նյութի ամբողջական տարբերակը կարդալով, որտեղ մեր ուղարկած հարցման վերաբերյալ մանրամասներ կան նշված, այլ ընդամենը որեւէ կայքում տեղադրված հոդվածից առանձնացված փոքրիկ մակերեսային տեղեկատվություն աչքի անցկացնելով։
Իսկ ինչ վերաբերում է պարզաբանման մեջ ընդգծված՝ սեպտեմբերի 2—ին թիվ ՎՀ/12805—19 գրությամբ թղթային առաքմամբ մեզ ուղարկված գրավոր պատասխանին՝ թերթի խմբագրությունը 10.09.2019թ. դրությամբ, որեւէ նման թղթային առաքում չի ստացել։ Բայց թղթային առաքմամբ պայմանավորված մեկ այլ ուշագրավ հանգամանք էլ կա։ Մենք ՀՀ առողջապահության նախարարություն գրավոր հարցումն արել ենք էլեկտրոնային տարբերակով։ Եվ այս դեպքում առողջապահության նախարարությունից պատասխանները պետք է ստանայինք նույն տարբերակով, այն է՝ էլեկտրոնային, այլ ոչ թե թղթային առաքմամբ։ Ինֆորմացիայի ազատության կենտրոնի հիմնադիր նախագահ Շուշան Դոյդոյանը մեր խնդրանքով պարզաբանելով իրավիճակը՝ հղում անելով ՀՀ կառավարության 1204 որոշմանն ու «Տեղեկատվության ազատության մասին» ՀՀ օրենքին՝ նշեց. «Եթե ձեր կողմից չի նշվել, որ ձեզ թղթային տարբերակն է պետք՝ իրենք պարտավոր էին ձեզ պատասխանել այն տարբերակով, որով իրենց դիմել եք։ Դիմողն ինքն է որոշում՝ իրեն որ տարբերակն է հարմար։ Եթե չի նշվել, թե էլեկտրոնային ենք դիմում, բայց մեզ պատասխանեք թղթային, ուրեմն՝ իրենք չեն կարող որոշել ու այդ տարբերակով պատասխանել։ Մինչեւ այդ տարբերակով պատասխաններն ուղարկելը պետք է լրատվամիջոցից ճշտեին՝ հարմա՞ր է այդ տարբերակը, հետո միայն ուղարկեին»։
«ՀՀ»—ի հետ ոչ միայն պատասխաններն ուղարկելու տարբերակը չի համաձայնեցվել, այլեւ հավուր պատշաճի պատասխան չի տրվել գրավոր հարցման պատասխանները ստանալու մասին մեր պարբերաբար արվող հարցումներին։
Այսպես, առաջին անգամ գրավոր հարցերն ուղարկվել են նախարարության էլեկտրոնային փոստին հուլիսի 30—ին, որից հետո նույն տարբերակով մեզ պատասխանել են, որ պատասխանները տրամադրելու համար անհրաժեշտ է 30 օր ժամանակ։ Այնուհետեւ նախարարության ներկայացուցիչը հեռախոսազրույցում, օրինակ, պապիլոմավիրուսի ստուգման ժամանակ նվեր տալու հանգամանքը հերքել է։ Եվ զրույցի արդյունքում բանավոր համաձայնության ենք եկել առավել փաստարկված հարցեր ուղարկելու։ Բայց ի պատասխան մեր գրավոր խնդրանքին՝ նախորդ գրավոր հարցումն անվավեր համարելու մասին, նախարարությունից տեղեկացրին. «Հարգելի «ՀՀ»—ի թղթակից Թամարա Մուրադյան, տեղեկացնում ենք, որ Ձեր հուլիսի 30—ի հարցմանն արդեն իսկ պատասխանվել է թիվ ՎՀ/12805—19 ելից համարով 05.08.19թ., ուստի այն անվավեր համարել չենք կարող։ Իսկ եթե ունեք այլ հարցում, ապա առաջարկում ենք այն ուղարկել ՀՀ առողջապահության նախարարի անունով եւ ստորագրված տարբերակով»։ Ուղարկված պատասխանում, սակայն, խոսվում էր միայն մինչեւ 30 օր ժամկետում տեղեկատվություն տրամադրելու մասին։ Որոշ ժամանակ անց՝ սեպտեմբերի 4—ին, ճշտելու համար, պե՞տք է նոր հարցում անել, թե՞ արդեն ուղարկվածի պատասխանին սպասենք՝ սեպտեմբերի 5—ին դարձյալ նույն պատասխանը ստացանք, որ պատասխաններն արդեն ուղարկվել են։ Մեկ այլ՝ «Կրկնակի» վերնագրված հաղորդագրությամբ էլ, նորից տեղեկացնում էին 30—օրյա ժամկետի անհրաժեշտության մասին։ Այստեղ պետք է ուշադրություն դարձնել, որ երեկվա պարզաբանման մեջ նշվում է պատասխանները սեպտեմբերի 2—ին ուղարկած լինելու հանգամանքի մասին, մինչդեռ սեպտեմբերի 5—ին գրում են, որ պատասխանելու համար լրացուցիչ ժամանակ է պետք։
Նյութը հրապարակելուց մեկ օր առաջ եւս զանգահարեցինք՝ փորձելով կապ հաստատել գործը կատարողի հետ՝ մեկ անգամ եւս պարզաբանում ստանալու համար։ Կատարողը տեղում չէր։ Եվ մեր փոխանցած համարին մինչեւ տվյալ աշխատանքային օրվա ավարտը որեւէ զանգ չեղավ։
Հետաքրքիր է, որ պարզաբանման մեջ նշված փոքրիկ տեղեկատվությունը մեզ տրամադրելու եւ նշված կազմակերպություն ուղղորդելու համար կառույցի աշխատակիցներից պահանջվել է 30 օր ժամանակ։
Մի բան էլ՝ ծրագրի տեղայնացման վայր դարձած, պետական հաստատություն համարվող, ասենք, «Սուրբ Գրիգոր Լուսավորիչ» բժշկական կենտրոնում տեղի ունեցածի մասին տեղեկատվություն ստանալու համար ինչո՞ւ պետք է դիմել մասնավոր կամ միջազգային կազմակերպության, այլ ոչ թե պետական կառույցի, այս դեպքում՝ Հայաստանի Հանրապետության առողջապահության նախարարությանը։

11-09-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO