Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.02.2020
ՍՈՑԻՈՒՄ


Ի՞նչ պայմաններում են պահվում դատապարտյալները

Խաղամոլության «դեմն առնելու» լավագույն տարբերակն աշխատանքն է

Լիանա ՍԱՐԳՍՅԱՆ
l.sargsyan@hhpress.am


Քրեակատարողական համակարգի բարելավման եւ շարունակական զարգացման նպատակով դեռեւս 2017 թ. ՀՀ արդարադատության նախարարության կողմից մշակվել եւ իրավական ակտերի նախագծերի հրապարակման միասնական կայքում հանրային քննարկման է դրվել «Հայաստանի Հանրապետության քրեակատարողական համակարգում իրավիճակի բարելավման նպատակով 2018—2038 թվականների ռազմավարությունը եւ դրա իրականացման 2018—2038 թվականների միջոցառումների ծրագիրը հաստատելու մասին» ՀՀ կառավարության որոշման նախագիծը (այսուհետեւ՝ նախագիծ), որտեղ մի շարք առանցքային հարցերի կողքին շեշտադրվում է նաեւ պատժի կատարման վայրերի, շենք—շինությունների պայմանների բարելավման հարցը՝ դատապարտյալների եւ կալանավորված անձանց պահման համար անհրաժեշտ պատշաճ պայմանների ապահովման նպատակով։ Նախագծում որպես մտահոգիչ փաստ է արձանագրվում նաեւ ազատազրկման դատապարտված անձանց հասարակության մեջ վերաինտեգրվելու հնարավորությունների եւ երաշխիքների ապահովման արդյունավետ մեխանիզմների բացակայությունը։ Հայաստանում քրեակատարողական համակարգի հաջորդ օրակարգային հարցը բանտարկյալների զբաղվածության, մասնավորապես աշխատանքով ապահովելու խնդիրն է, որի լուծված չլինելը շատ դեպքերում հանգեցնում է խաղամոլության։
ԱԺ «Լուսավոր Հայաստան» խմբակցության անդամ, իրավաբան Տարոն Սիմոնյանը գտնում է, որ քրեակատարողական հիմնարկների բանտարկյալներին եթե պետությունը կարողանա ապահովել աշխատանքով, զբաղվածության հարցը կլուծվի։ «Անձը չի կարող օրվա 24 ժամից 8—ը քնել, մնացած ժամերը պարապ մնալ։ Պետք է զբաղմունք ունենա։ Եթե աշխատանքով չապահովենք, բանտարկվածները ազատ ժամանակը կսպառեն գրազով խաղերի վրա, ինչն իր հետ «կծնի» այլ հետեւանքներ։ Ոչ թե արգելենք կոնկրետ գործողությունների կատարումը, այլ ստեղծենք նրանց համար աշխատանք, որպեսզի այլ բանով զբաղվելու ժամանակ չունենան»,—«ՀՀ»—ի հետ զրույցում նման կարծիք հայտնեց պատգամավորը՝ նշելով, որ Հայաստանի միայն մի քանի քրեակատարողական հիմնարկներում է, որ զբաղվածության հարցը քիչ թե շատ լուծված է։ Աշխարհի փորձը մեջբերելիս Սիմոնյանն ասաց, որ, օրինակ, կանանց ուղղիչ հիմնարկներում հագուստ են կարում, հաց են թխում եւ այլն։
«ՀՀ»—ի հետ զրույցում Մարդու իրավունքների պաշտպան Արման Թաթոյանն ասաց, որ ազատությունից զրկված անձանց վերաբերմունքի փոփոխության հիմքում ընկած է նրանց զբաղվածության հարցը։ «Խոսքը վերաբերում է աշխատանք ունենալուն։ Ընդ որում՝ այնպիսի աշխատանք, որի համար վարձատրություն կստանան։ Բայց նաեւ այնպիսի աշխատանք, որը նրանց մոտ հմտություններ կձեւավորի, որպեսզի հետագայում ազատ արձակվելուց հետո կարողանան հեշտ ինտեգրվել հասարակությանը։ Օրինակ՝ արհեստագործական, փայտամշակման հմտություններ եւ այլն։ Սակայն, ցավոք, այսօր մեր քրեակատարողական համակարգը նման հնարավորություններ չի ապահովում։ Շատ դեպքեր ունենք, երբ ազատությունից զրկված անձը, պատիժը կրելուց հետո վերադառնալով հասարակություն՝ դժվարությամբ է ինտեգրվում»,—նկատեց Թաթոյանը։ Մարդու իրավունքների պաշտպանը շեշտում է՝ այս ամենից զատ, Հայաստանի քրեակատարողական համակարգը դատապարտյալների հետ պատշաճ կերպով սոցիալ—հոգեբանական աշխատանքներ չի տանում. «Այնպես է ստացվում, որ դատապարտյալը օրվա մեծ մասն անցկացնում է խցում, եւ հետագայում պատրաստ չի լինում ազատ արձակման։ Սակայն ստեղծված իրավիճակում մեղավորը ոչ թե նա է, այլ պետությունը։ Դրա հետեւանքով է, որ պայմանական վաղաժամկետ ազատման համակարգը արդյունավետ չի գործում»։ Անդրադառնալով պատժի կրման վայրերի, շենք—շինությունների պայմանների բարելավման հարցին՝ Թաթոյանը նշեց, որ դատապարտյալների եւ կալանավորված անձանց պահման պայմանները վատն են։ Առանձնացրեց միայն «Արմավիր» քրեակատարողական հիմնարկը։ «Արմավիրում ապրելու պայմանները պատշաճ մակարդակի են։ Մնացած հիմնարկներում ունենք մասնակի վերանորոգումներ։ Օրինակ՝ Սեւանում բավականին տարածքներ կան վերանորոգված, մինչդեռ Նուբարաշենում պայմանները բացարձակ չեն համապատասխանում սահմանվող առաջադեմ պահանջներին»,—նկատեց մարդու իրավունքների պաշտպանը։

17-09-2019





26-02-2020
Բնապահպանական բաղադրիչը հաշվի չառնելով՝ ավելի մեծ վնասներ ենք կրելու
Հայտնի է ռեկուլտիվացիայի ենթակա 10 առաջնային տարածքների ցանկը

Արմենուհի ...


26-02-2020
Մարզային իշխանությունը չի միջամտում իրավապահ համակարգի գործերին
Ուստի անիմաստ է նրանից նման ծառայություն կամ «օգնություն» ...


26-02-2020
Հայաստանի ազգային հերոս
Էդուարդո Էռնեկյան

Արգենտինահայ գործարար Էդուարդո Էռնեկյանը համարվում է ...


26-02-2020
Բաքվի հայությունը թողել է ավելի քան 92.000 տուն եւ բնակարան
Բռնագաղթածների գերակշռող մասը բարձրագույն կրթությամբ անձինք են եղել

Լիանա ...


26-02-2020
Դեմ ըլլալով՝ կողմ երեւալու արվեստը կամ՝ Ժողովո՛ւրդ, դու հաղթող ես
Սահմանադրական նախատեսվող հանրաքվեն փաստացի բնական լյուստրացիայի ճանապարհ է, ...


26-02-2020
Մարտավարական առումով կարող են տարբեր կարծիքներ լինել
Սակայն հիմնական հարցերում Հայ դատի մոտեցումները համընկնում են



26-02-2020
Կոմիտասն իր ժողովրդի ապագան կապում էր Ռուսաստանի հետ
Վարդապետը՝ Արշակ Չոպանյանին հասցեագրած նամակների հայելիում

Լիանա ՍԱՐԳՍՅԱՆ
l.sargsyan@hhpress.am





26-02-2020
Այսօր Արցախում մեկնարկում է նախընտրական քարոզարշավը
Կենտրոնական ընտրական հանձնաժողովը նիստ ...

26-02-2020
Աղդամում մեսխեթցի թուրքերը Ադրբեջանի ժողովրդական ճակատի դավադրության զոհն են
Փետրվարի 26-ին արցախցիները պետք է հիշատակեն այդ ...

26-02-2020
Ղազարոս Աղայանը շատ էր սիրում ճաշացուցակ կազմել
Դրանք երգիծական, հումորային ...

26-02-2020
Բռնցքամարտիկների պատրաստականությունը լավատեսություն է ներշնչում
Հայաստանի հավաքականի բռնցքամարտիկները ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO