Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.10.2019
ՍՈՑԻՈՒՄ


Երեխայի զարգացումն ու ժամանակակից մուլտֆիլմերը

Ծնողները մտահոգվելու պատճառ ունե՞ն

Թամարա ՄՈՒՐԱԴՅԱՆ
t.muradyan@hhpress.am


Մի քանի րոպե լուռ նստելու եւ զբաղվելու հետեւանքը երեխայի՝ ժամանակից ավելի երկար «լռությունն» է լինում։ Մեր օրերում երեխաների հիմնական զբաղմունք հանդիսացող մուլտֆիլմերը նրանց զարգացման, այդ թվում խոսքի հապաղման խնդիր են առաջացնում։
Ժամանակից ուշ խոսելը մեր իրականության մեջ փոքր խնդիր չէ։ Այն բավականին տարածված է։ Միայն թե երբեմն ծնողները համեմատություն անցկացնելով իրենց եւ մեկ այլ հասակակից երեխայի միջեւ, արձանագրելով, որ երկու դեպքում էլ խոսք դեռ չկա՝ երեւույթը նորմալ ու բնական են դիտարկում՝ համոզվելով ու հանգստանալով՝ միայն իրենց երեխան չէ։ Մինչդեռ երեւույթը անհանգստացնող է, այնպես, ինչպես հայալեզու միջավայրում ապրող, բայց մայրենիի փոխարեն օտար լեզվով խոսքեր արտասանող երեխաների խնդիրը։
Իրավիճակի վերաբերյալ Հանրապետական մանկական վերականգնողական կենտրոնի հոգեբան Լիլյա Անթառանյանը մեզ հետ զրույցում ասաց. «Երբ երեխայի խոսքը ձեւավորված չի լինում, ու նրա վրա տարբեր լեզուների ազդեցություն է լինում՝ երեխան չի կողմնորոշվում՝ որ լեզվով ընկալի ու արտաբերի խոսքը, եւ իր ուղեղում «քաոս» է ստեղծվում։ Խոսքի ձեւավորման փուլը բարդ փուլ է»։
Մասնագետը նկատում է նաեւ, որ, բացի այդ, մուլտֆիլմերը շրջապատի հետ շփման խնդիրներ են առաջացնում, որովհետեւ շփման միջոցը դառնում է էկրանը, իսկ մարդկային էմոցիաները, կոնտակտը բացակայում են, ինչը հանգեցնում է շփման խանգարումների։ Ընդ որում, անկարեւոր չէ այն, որ այդ էկրանը հեռախոսի կամ դյուրակիր համակարգչի վրա է, եւ երեխան դիտում է շատ մոտ տարածությունից. «Ստացվում է՝ մուլտֆիլմերի դիտման հետեւանքով շփումը պակասում է, խոսքն էլ ուշ է ձեւավորվում»։
Խոսքից ու կոնտակտից զատ, շատ դեպքերում զբաղմունքի հիմնական միջոց հանդիսացող մուլտֆիլմերը երեխայի ագրեսիվ կամ մեկ այլ վատ երեւույթի դրսեւորման պատճառ են դառնում։ «Պայմանավորված մուլտֆիլմի սցենարով՝ նաեւ վարքի կրկնօրինակում է տեղի ունենում։ Այն, ինչ երեխան տեսնում է մուլտֆիլմում, որպես օրինակ է ընդունում, հերոսները դառնում են նրա համար, այսպես ասած, հեղինակություն, ու իր տեսածն առօրյայում սկսում է վերարտադրել»,—նկատեց հոգեբանը։
Նա խորհուրդ է տալիս ծնողներին երեխաներին առաջարկել տարիքին համապատասխան եւ անպայմանորեն ագրեսիա չպարունակող մուլտեր։ Ասում է՝ նախընտրելի է, որ խոսքի ձեւավորման փուլում գտնվող երեխան դիտի իր միջավայրին համապատասխան լեզվով մուլտֆիլմեր, որի մեջ ավելի շատ խոսք, այլ ոչ թե անընդհատ կրկնվող գործողություն լինի։ Ընդ որում՝ Լիլյան ընդգծում է, որ դրանք պետք է լինեն սահմանափակ տեւողությամբ։ Իսկ դիտման ընթացքում, կարեւոր է, որ ծնողը ընկերակցի երեխային՝ բացատրի, մեկնաբանի։ «Այդ կերպ երեխան կոնտակտից չի կտրվում։ Եթե շփում լինում է՝ մուլտֆիլմերը խնդիր շատ չեն առաջացնում»,–նշեց մեր զրուցակիցն ու ավելացրեց, որ եթե հայերեն խոսքեր կան երեխայի բառապաշարում ձեւավորված, ապա երկրորդ լեզվով արտահայտվող բառերը ուրախանալու առիթ կարող են տալ, բայց եթե ոչ՝ ապա դա արդեն անհանգստացնող է։ Ուրեմն՝ երեխայի աշխարհը մուլտերի աշխարհն է, որտեղ նա ապրում է կոնտակտից կտրված։
Լիլյա Անթառանյանը խնդրո առարկա հանդիսացող հարցը համարում է դարի խնդիր։ Ասում է՝ երեխայի՝ խոսքի զարգացման հապաղման գանգատով իրեն դիմող ծնողների թիվը զգալի է, ինչը նորմալ չէ։

20-09-2019





18-10-2019
Համապարփակ լուծում հին խնդիրներին
Հայագիտական առարկաների դասավանդումը դպրոցներում կուժեղացվի

Լուսինե ՄԽԻԹԱՐՅԱՆ
l.mkhitaryan@hhpress.am


Վերջին ...


18-10-2019
Սիրիայում բոցավառվող տեսակի արգելված զենք է կիրառվել
Ո՞ր կողմն է գործադրել՝ ապացուցելը դժվար է լինելու

Թամարա ...


18-10-2019
10 մլն եվրո՝ Արարատի եւ Արմավիրի մարզերին
Հումքի մթերումների սուբսիդավորման ծրագրում փոփոխություն եղավ

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը ...


18-10-2019
Գեղարվեստի կենարար ուժը
ՀՀ ԳԱԱ թղթակից անդամ, ՀՀ գիտության վաստակավոր գործիչ, տնտեսագիտության ...


18-10-2019
Բիբլիական լեռը ներկայանում է յուրովի
ՀԱՊ-ում բացվել է «Արարատ. սրբազան լեռը» խորագրով ցուցահանդեսը

Լիանա ...


18-10-2019
Պարտադիր, բայց առանց գնահատման
«Շախմատ» առարկայի դասավանդման շուրջ քննարկումներն ակտիվ փուլում են

Լուսինե ...


18-10-2019
«Ձեր խնդիրները մեր մշտական ուշադրության կենտրոնում են»
Վարչապետը հանդիպել է զոհված զինծառայողների մայրերի հետ

Վարչապետ ...



18-10-2019
Սոցցանցերը եւ մարդկային հարաբերությունների նոր մշակույթը
Հաշվարկված է, որ աշխարհի բնակչության 40 տոկոսը, ...

18-10-2019
Զբոսաշրջային ակտիվությունն ակնհայտ է
Բայց դրանից «գլուխներս չպետք է ...

18-10-2019
Վարչապետն ընդունել է Ճապոնիայի վարչապետի հատուկ խորհրդականին
Վարչապետ Նիկոլ Փաշինյանը երեկ ընդունել է Ճապոնիայի ...

18-10-2019
«Մեր գլխավոր նպատակն օլիմպիական ուղեգիր նվաճելն էր»
Գերմանիայում անցկացված սպորտային մարմնամարզության ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO