Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.02.2020
ԿՐԹՈՒԹՅՈՒՆ


Բարձրագույն կրթությունը եւ նորարարությունը

Միջազգային խորհրդաժողով ԵՊՀ-ում

ԵՊՀ գիտխորհրդի նիստերի դահլիճում տեղի է ունեցել «Բարձրագույն կրթությունը, հետազոտությունը եւ նորարարությունը 21-րդ դարում» խորագրով միջազգային խորհրդաժողով՝ նվիրված ԵՊՀ 100—ամյակին։
Նախքան խորհրդաժողովի մեկնարկը ԵՊՀ—ի եւ գործընկեր 5 կառույցների միջեւ կնքվեցին համագործակցության պայմանագրեր։ Գիտակրթական եւ գործնական ոլորտներում ԵՊՀ—ի հետագա համագործակցությունն ամրագրվեց Բրազիլիայի Սան Պաուլոյի, Մեքսիկայի ազգային ինքնավար համալսարանների, Ռուսաստանի ԳԱԱ Եվրոպայի ինստիտուտի, Մեքսիկայի քոլեջի ասիական եւ աֆրիկյան հետազոտությունների կենտրոնի հետ, ինչպես նաեւ վերակնքվեց Թբիլիսիի պետական համալսարանի հետ ունեցած համագործակցության հուշագիրը։
Կնքված պայմանագրերի համաձայն՝ կողմերն իրականացնելու են երկկողմանի հետաքրքրություն ներկայացնող գիտակրթական բնույթի, համատեղ նորարարական, դրամաշնորհային եւ փոխանակման ծրագրեր, կազմակերպելու են գիտաժողովներ, սեմինարներ, խորհրդակցություններ, փոխանակելու են գիտական, մասնագիտական գրականություն, մեթոդական ձեռնարկներ, աշխատություններ, պարբերականներ եւ այլ նյութեր։
Մեզ հետ զրույցում ԵՊՀ միջազգային համագործակցության վարչության պետ Ալեքսանդր Մարգարովն ասաց, որ յուրաքանչյուր համագործակցություն ունենալու է կոնկրետ ուղղվածություն եւ միտված է լինելու կրթության միջազգայնացմանն ու որակի բարելավմանը։
Բրազիլիայի Սան Պաուլոյի համալսարանի ռեկտոր Վահան Հակոբյանի հավաստմամբ, յուրաքանչյուր համալսարանի զարգացման համար շատ կարեւոր է միջազգային համագործակցությունը. «Ինձ շատ հաճելի է գտնվել Երեւանում եւ մասնակցել համալսարանի հիմնադրման 100—ամյակին նվիրված միջոցառումներին, միեւնույն ժամանակ ստորագրել համաձայնագիր ԵՊՀ—ի եւ Սան Պաուլոյի համալսարանի միջեւ»։
Այսօր տեղի ունեցած խորհրդաժողովը նպատակ ուներ ներկայացնելու բարձրագույն կրթության ոլորտում առկա խնդիրները եւ փնտրելու դրանց լուծման եղանակները։ Խորհրդաժողովին զեկուցումներով հանդես եկան միջազգային ճանաչում ունեցող բուհերի ռեկտորներ եւ ներկայացուցիչներ՝ քննարկման առարկա դարձնելով թեմաներ, որոնք այսօր արդիական են։
Ալեքսանդր Մարգարովի տեղեկացմամբ, ներկայացված թեմաները ԵՊՀ—ի համար շատ կարեւոր են, քանի որ այժմ նախապատրաստվում է ԵՊՀ զարգացման ռազմավարական նոր ծրագիրը, այդ տեսանկյունից եւս շատ կարեւոր է գաղափարների եւ մտքերի փոխանակումը գործընկերների հետ։
ԵՊՀ բնական եւ ճշգրիտ մասնագիտությունների գծով պրոռեկտոր Ռաֆայել Բարխուդարյանն ասաց, որ այսօր կրթության բնագավառում բազմաթիվ խնդիրներ կան. «Համընդհանուր խնդիրներից մեկը, որն ուզում եմ առանձնացնել, կրթության վերաիմաստավորումն է։ Տեղեկատվական տեխնոլոգիաների շնորհիվ կրթություն ստանալու հնարավորություններն այսօր շատ են, եւ այդ պայմաններում պետք է նոր բովանդակություն տալ համալսարանական կրթությանը»։
«Այսօր փոխվել է նաեւ գիտելիքի քանակի հետ կապված հարցը։ Եթե նախկինում պետք էր մեծ քանակի գիտելիք ունենալ, ապա այսօր համացանցի միջոցով կարելի է շատ արագ գտնել անհրաժեշտ տեղեկատվությունը, սակայն պետք է հիմնական տեղեկություններ ունենալ՝ չմոլորվելու եւ չխճճվելու համար»,–ասաց Ռաֆայել Բարխուդարյանը։
Նովգորոդի պետական համալսարանի պրոռեկտոր Դանիիլ Կրապչունովն ասաց, որ արդի մարտահրավերներին զուգընթաց՝ այժմ իրենց համալսարանում սկսել են իրականացնել կրթական համակարգի համընդհանուր բարեփոխումներ. «Մեր համալսարանում գործում են տարբեր ուղղություններ ունեցող ինստիտուտներ՝ բժշկական, փիլիսոփայական, հոգեբանական եւ այլն։ Այժմ մենք ընդհանուր դասախոսությունները կազմակերպում ենք այնպես, որ տարբեր ինստիտուտների ուսանողները լինեն նույն լսարանում»։
«Բացի դրանից՝ մենք առաջին կուրսեցիների շրջանում շուտով ստեղծելու ենք խմբեր, որոնց կազմում լինելու են ուսանողներ տարբեր ինստիտուտներից։ Նրանք լուծելու են կոնկրետ առաջադրանքներ՝ բարելավելով ուսանողների եւ քաղաքի կյանքը։ Մենք սկսել ենք հատուկ նախագիծ՝ քաղաք—համալսարան։ Այսինքն՝ քաղաքը համալսարան է, իսկ համալսարանը՝ քաղաք։ Հետեւաբար խմբերի անդամները՝ որպես քաղաքացիներ, պետք է գտնեն լուծումներ, որոնք կհեշտացնեն իրենց կյանքը»,–ասաց Դանիիլ Կրապչունովը։
Քնար ՄԻՍԱԿՅԱՆ

28-09-2019





27-02-2020
Հայրենի բնաշխարհին վնաս հասցնողը չի կարող հայրենասեր լինել
Բնությունը սիրել սովորում են տանը, դպրոցում, բակում, բնության ...


27-02-2020
Բոլորը հասկացել են, որ վատ աշխատանքը չի ընդունվելու
Արարատի մարզպետը՝ ասֆալտապատող ընկերությունների մասին

Արարատի մարզում առկա ...


27-02-2020
Հայաստանի ազգային հերոս
Հովհաննես Չեքիջյան

«Եթե ես մոտենում եմ խմբին, խմբի ...


27-02-2020
Արցախը գլոբալ քաղաքական գործոն է
Բանակցությունների ձեւաչափը եռակողմ է

«ՀՀ»-ի հարցազրույցը քաղաքագետ, պրոֆեսոր ...


27-02-2020
Որտեղից ինչքան բենզին ու դիզվառելիք ենք ներկրում
Եվ ովքեր են շուկայի «խաղացողները»

Արմենուհի ՄԵԼՔՈՆՅԱՆ
a.melqonyan@hhpress.am


2017 թ. ...


27-02-2020
Տերյանը եւ քրիստոնեությունը
«Անդարձ կորել է սրտիս խնդումը...»

Թադեւոս ԽԱՉԱՏՐՅԱՆ
t.khachatryan@hhpress.am


Երեք դեպքում ...


27-02-2020
Դպրոցներում միայն «թուղթ են ստուգել»
Որքանո՞վ է վստահելի տեսչական մարմնի գործունեությունը

Լիանա ՍԱՐԳՍՅԱՆ
l.sargsyan@hhpress.am


Կրթության ...



27-02-2020
«Ուզում էինք ավելի լավ արդյունք, բայց ստացվեց ինչպես միշտ»
Պոլիկլինիկաներում էլեկտրոնային ...

27-02-2020
Բաքուն չի կարող խուսափել պատասխանատվությունից
Ադրբեջանում հայերի ցեղասպանությունն ...

27-02-2020
Իրանը կրկին հայտնվել է FATF-ի «սեւ ցուցակում»
Էմմա ԲԵԳԻՋԱՆՅԱՆ
e.begijanyan@hhpress.am



27-02-2020
Դեբեդի կիրճը
Զբոսաշրջության ամենագրավիչ վայրերից ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO