Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.02.2020
ԱՅԼՔ...


Փաստաբանի անկյուն

Մեր առօրյա կյանքում հաճախ, անկախ յուրաքանչյուրիս կամքից ու ցանկությունից, հանդիպում ենք այնպիսի խնդիրների, որոնց օրենքի շրջանակում լուծումը իրավական որոշակի իմացություն կամ պարզաբանում է պահանջում։ Պատահում է, որ այդ առումով երբեմն հայտնվում ենք անելանելի թվացող իրավիճակներում, երբ չգիտենք ինչպես վարվել կամ ինչպիսի որոշում ընդունել։
«Հայաստանի Հանրապետություն» օրաթերթը, հաշվի առնելով այս կարեւոր հանգամանքը եւ ելնելով հանրության շրջանում իրավագիտակցությունը բարձրացնելու անհրաժեշտությունից, ՀՀ փաստաբանների պալատի հանրային պաշտպանի գրասենյակի հետ համատեղ սկսում է «Փաստաբանի անկյուն» խորագրով հրապարակումների շարքը, ինչը, կարծում ենք, օգտակար ու հետաքրքիր կլինի մեր ընթերցողների համար։ Ընդ որում, դա կարող է լինել ինչպես հարց—պատասխանի տեսքով, այնպես էլ զուտ որպես տվյալ խնդրի հետ կապված պարզաբանում, մասնագիտական խորհրդատվություն կամ մեկնաբանում։

Երեխայի շահերից ելնելով

Ինչպես է կատարվում ամուսնալուծությունը դատարանի միջոցով այն դեպքերում, եթե կողմերից մեկը հրաժարվում է ստորագրել ամուսնալուծության վերաբերյալ որեւէ փաստաթուղթ, եւ ինչպես է որոշվում անչափահաս երեխայի՝ որ ծնողի հետ մնալու հարցը։
Հարցին պատասխանում է հանրային պաշտպանի գրասենյակի փաստաբան Տաթեւ Շալջյանը։
Ինչպես ամուսնությունը, այնպես էլ ամուսնալուծությունը ենթակա են պետական գրանցման քաղաքացիական կացության ակտերի գրանցում իրականացնող մարմիններում։ Ամուսնալուծության համար ամուսինները պետք է ՔԿԱԳ մարմնում ներկայացնեն համատեղ դիմում, սակայն լինում են դեպքեր, երբ ամուսիններից մեկը հրաժարվում է համատեղ դիմում ներկայացնելուց կամ առհասարակ հրաժարվում է ստորագրել ամուսնալուծության վերաբերյալ ցանկացած փաստաթուղթ։
Նման դեպքերի համար ՀՀ ընտանեկան օրենսգիրքը սահմանել է, որ ամուսնալուծությունն իրականացվում է դատական կարգով, ընդ որում, պետք է նկատի ունենալ, որ ամուսնալուծվելու մասին դատարան ներկայացվող դիմումը ենթակա է վերադարձման, եթե դիմումը ներկայացրել է ամուսինը կնոջ հղիության ժամանակ կամ երեխան ծնվելուց հետո՝ մեկ տարվա ընթացքում, առանց կնոջ համաձայնության։
Ամուսիններից մեկի դիմումով ամուսնալուծության գործեր քննելիս դատարանը իրավունք ունի միջոցներ ձեռնարկել ամուսիններին հաշտեցնելու համար եւ իրավունք ունի գործի քննությունը հետաձգելու՝ հաշտվելու համար ամուսիններին տրամադրելով մինչեւ երեքամսյա ժամկետ։ Այս դեպքում ամուսնալուծությունը կատարվում է, եթե ամուսինները (նրանցից մեկը) պնդում են ամուսնալուծվելու պահանջը։
Դատական կարգով ամուսնալուծվելիս ամուսինները կարող են դատարան ներկայացնել համաձայնություն այն մասին, թե նրանցից ում հետ են ապրելու երեխաները։ Նման համաձայնության բացակայության դեպքում դատարանը պարտավոր է որոշել, թե ամուսնալուծությունից հետո ծնողներից ում հետ պետք է ապրեն երեխաները։
Նշված հարցի լուծման համար դատարանը գործում ներգրավում է համապատասխան խնամակալության եւ հոգաբարձության մարմնին, որն ուսումնասիրության արդյունքում տալիս է խորհրդատվական բնույթի եզրակացություն։ Դատարանը հարցի քննարկման ժամանակ հաշվի է առնում նաեւ տասը տարին լրացած երեխայի կարծիքը։ Ամեն դեպքում, դատարանը պարտավոր է հարցը լուծել՝ ելնելով երեխայի լավագույն շահերից։
Դատական կարգով լուծվող ամուսնության դադարման պահը դատարանի կայացրած վճռի օրինական ուժի մեջ մտնելու պահն է։
Դատարանն ամուսնալուծության մասին դատարանի վճիռն օրինական ուժի մեջ մտնելու պահից երեք օրվա ընթացքում պարտավոր է այդ վճռի քաղվածքն ուղարկել ամուսնության պետական գրանցման վայրի քաղաքացիական կացության ակտերի պետական գրանցում իրականացնող մարմին։
Պատրաստեց Վ. ՍԱՐԳՍՅԱՆԸ
v.sargsyan@hhpress.am

02-10-2019





26-02-2020
Բնապահպանական բաղադրիչը հաշվի չառնելով՝ ավելի մեծ վնասներ ենք կրելու
Հայտնի է ռեկուլտիվացիայի ենթակա 10 առաջնային տարածքների ցանկը

Արմենուհի ...


26-02-2020
Մարզային իշխանությունը չի միջամտում իրավապահ համակարգի գործերին
Ուստի անիմաստ է նրանից նման ծառայություն կամ «օգնություն» ...


26-02-2020
Հայաստանի ազգային հերոս
Էդուարդո Էռնեկյան

Արգենտինահայ գործարար Էդուարդո Էռնեկյանը համարվում է ...


26-02-2020
Բաքվի հայությունը թողել է ավելի քան 92.000 տուն եւ բնակարան
Բռնագաղթածների գերակշռող մասը բարձրագույն կրթությամբ անձինք են եղել

Լիանա ...


26-02-2020
Դեմ ըլլալով՝ կողմ երեւալու արվեստը կամ՝ Ժողովո՛ւրդ, դու հաղթող ես
Սահմանադրական նախատեսվող հանրաքվեն փաստացի բնական լյուստրացիայի ճանապարհ է, ...


26-02-2020
Մարտավարական առումով կարող են տարբեր կարծիքներ լինել
Սակայն հիմնական հարցերում Հայ դատի մոտեցումները համընկնում են



26-02-2020
Կոմիտասն իր ժողովրդի ապագան կապում էր Ռուսաստանի հետ
Վարդապետը՝ Արշակ Չոպանյանին հասցեագրած նամակների հայելիում

Լիանա ՍԱՐԳՍՅԱՆ
l.sargsyan@hhpress.am





26-02-2020
Այսօր Արցախում մեկնարկում է նախընտրական քարոզարշավը
Կենտրոնական ընտրական հանձնաժողովը նիստ ...

26-02-2020
Աղդամում մեսխեթցի թուրքերը Ադրբեջանի ժողովրդական ճակատի դավադրության զոհն են
Փետրվարի 26-ին արցախցիները պետք է հիշատակեն այդ ...

26-02-2020
Ղազարոս Աղայանը շատ էր սիրում ճաշացուցակ կազմել
Դրանք երգիծական, հումորային ...

26-02-2020
Բռնցքամարտիկների պատրաստականությունը լավատեսություն է ներշնչում
Հայաստանի հավաքականի բռնցքամարտիկները ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO