Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.10.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Հայաստանի շահերը հետապնդենք նաեւ ԵԱՏՄ—ի ծավալումներում

Երեւանում կայացել է Բարձրագույն եվրասիական տնտեսական խորհրդի նիստը

Արմենուհի ՄԵԼՔՈՆՅԱՆ
a.melqonyan@hhpress.am


Անդրադառնալով Եվրասիական տնտեսական միության բարձրագույն խորհրդի նիստին՝ կարեւորել ենք այս եւ նմանատիպ միջազգային բարձր մակարդակի միջոցառումները, քանի որ դրանք իրապես վերարժեւորում են Հայաստանի տեղն ու դերը տարածաշրջանում եւ, առհասարակ, միջազգային ասպարեզում։ Վարչապետ Նիկոլ Փաշինյանը եւս սա նշանակալից միջոցառում որակեց՝ ողջունելով ԵԱՏՄ պետությունների ղեկավարներին եւ հյուրերին։
Հայաստանի վարչապետի խոսքով, ինչպես նախկինում, այսօր էլ մեր երկիրը ձգտում է առավելագույն չափով արդյունավետ մասնակցություն ունենալ ԵԱՏՄ—ում, միաժամանակ ջանքեր է գործադրում համագործակցության մեխանիզմների կատարելագործման ու ինտեգրացիոն միջավայրի արդյունավետ համգործակցության համար։ Նա կարեւորեց, որ մասնակցում են նաեւ Իրանի եւ Սինգապուրի ղեկավարները, որոնց հետ ազատ առեւտրի ռեժիմ սահմանելու ուղղությամբ աշխատանքներ են տարվում։ «Սերտ համագործակցության արդյունքում մեզ հաջողվեց առավել ընդլայնել միության աշխարհագրությունը, ինչի շնորհիվ այսօրվա հանդիպումը ձեռք է բերում առանձնահատուկ նշանակություն»,– ընդգծեց Նիկոլ Փաշինյանը։
Դիտարկում է արել նաեւ ռուսաստանյան «ՌԻԱ նովոստին»՝ ընդգծելով, որ Երեւանում ԵԱՏՄ գագաթնաժողովը կմտնի պատմության մեջ։ «Սինգապուրի հետ եզակի համաձայնագիր, Իրանի համար պատմական իրադարձություն եւ Արեւմուտքի ցավոտ արձագանքը Սերբիայի կողմից իր արեւելյան գործընկերների հետ պայմանագրերին։ ԵԱՏՄ բարձրագույն տնտեսական խորհրդի նիստի բացումն արդեն իսկ շատ նորություններ է բերում։ Երեւանում կայանալիք գագաթնաժողովին ուշադրությունը սեւեռվել է եւս մեկ պատճառով՝ ԵԱՏՄ—ն շուտով կդառնա 5 տարեկան»։
Արտերկրի լրատվամիջոցները եւս անդրադարձել են ԵԱՏՄ—ի գործունեությանը՝ նշելով, որ այս տարի Հայաստանի մայրաքաղաքում հավաքվել են ոչ միայն միության անդամ երկրները, այլեւ Մոլդովայի նախագահը, որի երկիրը նախորդ տարի ստացավ դիտորդի կարգավիճակ ԵԱՏՄ—ում, Սինգապուրի վարչապետն ու Իրանի նախագահը։
Ընդգծվել է Վլադիմիր Պուտինի այցը, քանի որ Հայաստանի դաշնակից երկրի նախագահի նախորդ ուղեւորությունը Երեւան տեղի է ունեցել գրեթե 3 տարի առաջ՝ 2016թ.՝ ՀԱՊԿ գագաթնաժողովին։ Ռուսական ԶԼՄ—ներն ընդգծել են նաեւ Եվրասիական բարձրագույն տնտեսական խորհրդի աշխատանքներին մասնակցելու ընթացքում Պուտինի՝ Հայաստանի վարչապետի ու Իրանի նախագահի հետ երկկողմ հանդիպումների փաստը։
Երեկ կայացած ԵԱՏՄ բարձրագույն խորհրդի նիստի օրակարգում ընդգրկված էր 19 հարց, որոնցից 3—ը քննարկվեց նեղ, իսկ 16—ը՝ ընդլայնված կազմով։ Նեղ կազմով նիստի ընթացքում քննարկվեցին Եվրասիական տնտեսական ֆորումին, Եվրասիական տնտեսական հանձնաժողովի նախագահությանն ու անձնակազմին, ԵԱՏՄ անդամ երկրներ ներկրվող ապրանքների մաքսատուրքերին առնչվող հարցերը։ Ընդլայնված կազմով նիստում քննարկվեցին ԵԱՏՄ 2018թ. բյուջեի կատարողականը, ԵԱՏՄ 2020թ. բյուջեն եւ տրանսպորտի ու էներգետիկայի ոլորտում օրենքների հարաբերակցությունը, ԵԱՏՄ միասնական ֆինանսական շուկայի կազմավորման հայեցակարգը, ԵԱՏՄ ներքին մի շարք փոփոխություններ եւ Բարձրագույն խորհրդի հաջորդ նիստի անցկացման վայրը։
Կարեւոր իրադարձություններից էր ԵԱՏՄ—Իրան ազատ առեւտրի մասին ժամանակավոր համաձայնագրի ստորագրումը։ Ղազախստանի մայրաքաղաքում երկարատեւ բանակցություններից հետո Երեւանում կնքվեց այդ համաձայնագիրը։
Նշենք, որ առաջիկայում Աստանայում կկայանան աշխատանքային հանդիպումներ ԵԱՏՄ անդամ պետությունների եւ Իրանի միջեւ ժամանակավոր ազատ առեւտրի գոտու ստեղծման մասին, ինչպես նաեւ ԵԱՏՄ եւ Չինաստանի միջեւ առեւտրատնտեսական համագործակցության մասին համաձայնագրերի տեքստերի վերջնական տեխնիկական շտկման վերաբերյալ։ Կարեւորվում է նաեւ ազատ առեւտրի համաձայնագրի ստորագրումը Սինգապուրի ու ԵԱՏՄ—ի միջեւ։
Տեղեկացնենք, որ արդեն հոկտեմբերին ուժի մեջ կմտնի նաեւ Չինաստանի հետ համաձայնագիրը։ Փաստաթուղթը կհեշտացնի առեւտրի ընթացակարգերը եւ կխթանի այլ նախագծերի իրականացումը, մասնավորապես, չինական «Մեկ գոտի, մեկ ճանապարհը»։
Նկատի ունենանք. ԵԱՏՄ—ն ընդլայնում է իր գործունեությունը։ Սերբիայի հետ ազատ առեւտրի մասին համաձայնագիրը նախատեսվում է ստորագրել հոկտեմբերի վերջին։ 2019թ. նախատեսվում է նաեւ ԵԱՏՄ—ի ու Եգիպտոսի միջեւ ազատ առեւտրի մասին համաձայնագրի ստորագրումը, որի բանակցությունները սկսվել են 2018—ից, բայց երբ կսկսվի իրական աշխատանքը, դեռեւս պարզ չէ։ Իսրայելի հետ եւս համաձայնեցվում են ազատ առեւտրի ռեժիմի ստեղծման վերաբերյալ համաձայնագրերը։ Իսրայելի վարչապետի հետ հանդիպման ժամանակ Ռուսաստանի նախագահը նշել է, որ գործընթացը պետք է արագացվի։ Ակնկալվում է, որ համաձայնագիրը կնպաստի առեւտրի խոչընդոտների վերացմանը, էլեկտրոնային առեւտրի զարգացմանը։
Հաշվի առնենք նաեւ, որ եթե ԵՄ—ն իր տարածքային գործունեությամբ առավելապես եվրոպական կառույց է (Արեւմուտքից միայն ԱՄՆ—ն ու Կանադան են համագործակցում), ապա ԵԱՏՄ—ն, լինելով եվրասիական կառույց, ավելի մեծ ծավալներ է վերցնում՝ դուրս գալով Եվրոպայի ու Ասիայի սահմաններից։ ԵԱՏՄ—ի հետ ցանկություն ունեն համագործակցելու Հարավային Ամերիկայի ու Աֆրիկայի երկրներ։ Եվ այս առումով է, որ մենք կարեւորում ենք Հայաստանի դերը ԵԱՏՄ կառույցում, որտեղ մեր երկիրը պետք է նաեւ նախաձեռնություններով հանդես գա՝ արժեւորելու համար այն դերը, որն ունի կառույցում։
Հասկանալի է, որ ԵԱՏՄ ծավալումը քաղաքական խնդիրներ է հետապնդելու։ Ուստի Հայաստանը պետք է կարողանա ճիշտ գործել՝ փոխլրացնող արտաքին քաղաքականությունը օգտագործելով։ Որպեսզի խորացնի հարաբերությունները տարբեր քաղաքական, տնտեսական եւ հոգեւոր ու մշակութային արժեքների կրող երկրների հետ՝ դրանք ի նպաստ Հայաստանի շահերի օգտագործելով։ Երեկ ասածիս նմանօրինակ դեպքն արձանագրվել է. Հայաստանի վարչապետը Սինգապուրի, Իրանի եւ Մոլդովայի նախագահների հետ քննարկել է երկկողմ շահերին առնչվող տարաբնույթ հարցեր։ Մոլդովայի ղեկավարի հետ անդրադարձ է եղել Լեռնային Ղարաբաղի հակամարտությանը, ինչպես նաեւ Մերձդնեստրի հետ կապված իրավիճակին։ Կողմերն ընդգծել են հակամարտությունների խաղաղ կարգավորման կարեւորությունը՝ տարածաշրջանային կայունության, անվտանգության եւ զարգացման համատեքստում եւ փոխադարձ աջակցություն հայտնել այդ գործընթացում։
Պետք է շեշտենք, որ ԵԱՏՄ գագաթնաժողովի ընթացքում Պուտին—Ռոհանի երկկողմ հանդիպումը Երեւանում նույնպես կարեւոր է՝ հաշվի առնելով երկու երկրների ազդեցությունը միջազգային ասպարեզում։
Վերջում փակագծերում կարեւոր մի հավելում անենք. ԵԱՏՄ խորհրդի նիստում հայկական կողմը բարձրացրել է Լարսում առկա խնդիրը։ Փոխվարչապետ Մհեր Գրիգորյանի կողմից մինչեւ նիստի օրակարգով նախատեսված հարցերի քննարկումն արտահերթ հարց է բարձրացվել՝ կապված «Վերին Լարս» անցակետում հերթերի ու տրանսպորտային միջոցների կուտակման խնդրի հետ։ Նշվել է, որ այս խնդիրը խոչընդոտ է Եվրասիական տնտեսական միության շրջանակներում ներքին շուկայի զարգացման ու խթանման համար, եւ անհրաժեշտ է համապատասխան միջոցառումներ ձեռնարկել դրանք վերացնելու ուղղությամբ։
Իբրեւ ամփոփում այս կարգի միջոցառումների. Երեւանը ամեն ինչ պետք է անի, որ հանդես գա ոչ միայն որպես ԵՄ—ԵԱՏՄ կապող օղակ (ինչը թույլ է տալիս մեր երկրի աշխարհագրական դիրքը), այլեւ հանդես գա աշխարհաքաղաքական նախաձեռնություններով՝ Հայաստանի մայրաքաղաքը դարձնելով ԵՄ—ԵԱՏՄ բանակցությունների միջնորդ կենտրոնատեղի։

02-10-2019





18-10-2019
Համապարփակ լուծում հին խնդիրներին
Հայագիտական առարկաների դասավանդումը դպրոցներում կուժեղացվի

Լուսինե ՄԽԻԹԱՐՅԱՆ
l.mkhitaryan@hhpress.am


Վերջին ...


18-10-2019
Սիրիայում բոցավառվող տեսակի արգելված զենք է կիրառվել
Ո՞ր կողմն է գործադրել՝ ապացուցելը դժվար է լինելու

Թամարա ...


18-10-2019
10 մլն եվրո՝ Արարատի եւ Արմավիրի մարզերին
Հումքի մթերումների սուբսիդավորման ծրագրում փոփոխություն եղավ

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը ...


18-10-2019
Գեղարվեստի կենարար ուժը
ՀՀ ԳԱԱ թղթակից անդամ, ՀՀ գիտության վաստակավոր գործիչ, տնտեսագիտության ...


18-10-2019
Բիբլիական լեռը ներկայանում է յուրովի
ՀԱՊ-ում բացվել է «Արարատ. սրբազան լեռը» խորագրով ցուցահանդեսը

Լիանա ...


18-10-2019
Պարտադիր, բայց առանց գնահատման
«Շախմատ» առարկայի դասավանդման շուրջ քննարկումներն ակտիվ փուլում են

Լուսինե ...


18-10-2019
«Ձեր խնդիրները մեր մշտական ուշադրության կենտրոնում են»
Վարչապետը հանդիպել է զոհված զինծառայողների մայրերի հետ

Վարչապետ ...



18-10-2019
Սոցցանցերը եւ մարդկային հարաբերությունների նոր մշակույթը
Հաշվարկված է, որ աշխարհի բնակչության 40 տոկոսը, ...

18-10-2019
Զբոսաշրջային ակտիվությունն ակնհայտ է
Բայց դրանից «գլուխներս չպետք է ...

18-10-2019
Վարչապետն ընդունել է Ճապոնիայի վարչապետի հատուկ խորհրդականին
Վարչապետ Նիկոլ Փաշինյանը երեկ ընդունել է Ճապոնիայի ...

18-10-2019
«Մեր գլխավոր նպատակն օլիմպիական ուղեգիր նվաճելն էր»
Գերմանիայում անցկացված սպորտային մարմնամարզության ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO