Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.02.2020
ԶԱՆԱԶԱՆ


Հավաքականը կադրային խնդիրներով է պատրաստվում որոշիչ խաղերին

Ֆուտբոլի Հայաստանի ազգային հավաքականը առանց Հենրիխ Մխիթարյանի երեկ սկսեց նախապատրաստությունը Լիխտենշտայնի եւ Ֆինլանդիայի թիմերի հետ Եվրոպայի 2020 թ. առաջնության ընտրական հանդիպումներին։ Մեր ընտրանու ավագը հոկտեմբերի 12—ին եւ 15—ին նախատեսված արտագնա այդ պատասխանատու խաղերը բաց կթողնի «Ռոմայի» կազմում ստացած ազդրի վնասվածքի պատճառով։ Այս անգամ թիմակիցներին չի օգնի նաեւ հենակետային կիսապաշտպան Կառլեն Մկրտչյանը, որն, ինչպես նշվում է, բացակայում է հիվանդության պատճառով։
Հայրենի հավաքականը մայրաքաղաքի Ավան համայնքում գործող ֆուտբոլի ակադեմիայում մեկնարկած ուսումնամարզական հավաքը սկսեց հրավիրված 25 ֆուտբոլիստներից 20—ի մասնակցությամբ։ ՀՖՖ մամլո ծառայության հաղորդմամբ, պաշտպաններ Վարազդատ Հարոյանը («Ուրալ», Ռուսաստան) եւ Արարատ Մոնրոն («Բոյակա Չիկո», Կոլումբիա), կիսապաշտպան Ռումյան Հովսեփյանը («Արդա», Բուլղարիա), հարձակվողներ Սարգիս Ադամյանը («Հոֆենհայմ», Գերմանիա) ու Տիգրան Բարսեղյանը («Կայսար», Ղազախստան) մարզումներին կներգրավվեն այսօրվանից։ Հավաքականի մարզիչների տրամադրության տակ են նաեւ դարպասապահներ Արամ Հայրապետյանը եւ Անատոլի Այվազովը (երկուսն էլ՝ «Ուրարտու»), Հենրի Ավագյանը («Ալաշկերտ») ու Արսեն Բեգլարյանը («Դնեպր», Բելառուս), պաշտպաններ Տարոն Ոսկանյանը եւ Հայկ Իշխանյանը (երկուսն էլ՝ «Ալաշկերտ»), Արման Հովհաննիսյանը («Գանձասար Կապան»), Հովհաննես Համբարձումյանը («Էնոսիս Պարալիմնի», Կիպրոս), Կամո Հովհաննիսյանը («Ժետիսու», Ղազախստան) ու Անդրե Չալըշըրը («Գյոթեբորգ», Շվեդիա), կիսապաշտպաններ Պետրոս Ավետիսյանը («Արարատ Արմենիա»), Արտակ Եդիգարյանը, Արազ Օզբիլիսը եւ Էրիկ Վարդանյանը (երեքն էլ՝ «Փյունիկ»), Արտակ Գրիգորյանը («Ալաշկերտ»), Մարկոս Պիզելին («Ակտոբե», Ղազախստան), Գեւորգ Ղազարյանը (ԱԵԼ, Կիպրոս) եւ Էդգար Բաբայանը («Հոբրո», Դանիա), հարձակվողներ Արթուր Միրանյանը («Փյունիկ») եւ Ալեքսանդր Կարապետյանը («Սոչի», Ռուսաստան)։ Երեւանում մեր ֆուտբոլիստները կմարզվեն մինչեւ հոկտեմբերի 10—ը։
Առաջիկա հանդիպումները հույժ կարեւոր են Հայաստանի հավաքականի համար, քանզի կարող են որոշել մեր թիմի հեռանկարներն ընտրական մրցաշարում։ Իսկ այդ հեռանկարներն առայժմ խիստ հուսադրող են. մեր երկրի գլխավոր թիմը 3—րդ տեղն է զբաղեցնում «J» խմբում՝ 3 միավոր զիջելով ֆիններին։ Ինքնին հասկանալի է, որ հյուսիսցիների նկատմամբ հաղթանակը մեզ կմոտեցնի «Եվրոյի» եզրափակիչ փուլին առաջին անգամ մասնակցելու բաղձալի երազանքի իրականացմանը։ Ընդ որում՝ ցանկալի է, որ այդ հաղթանակը լինի երկու եւ ավելի գոլի առավելությամբ։ Խնդիրն այն է, որ Երեւանում հայ ֆուտբոլիստները Ֆինլանդիայի մարզիկներին զիջել են 0։2 արդյունքով եւ հետագայում՝ միավորների հնարավոր հավասարության դեպքում հաշվի է առնվելու թեկնածուների միջեւ անձնական հանդիպումների ցուցանիշը։ Սակայն մինչ այդ կարեւոր է չսայթաքել խմբի հետնապահ Լիխտենշտայնի հետ մրցավեճում։ Ի դեպ, արդեն իսկ վստահաբար կարելի է ասել, որ վերջինիս հետ խաղին գլխավոր մարզիչ Արմեն Գյուլբուդաղյանցը ներկայացնելու է նախորդ հանդիպումներից որոշակիորեն տարբերվող կազմ։ Ճիշտ է, կադրային խնդիրներն առնչվում են կիսապաշտպանության գծին, բայց Մխիթարյանը եւ Մկրտչյանը թիմի առանցքային խաղացողներն են, որոնց շուրջ կառուցվում էր խաղային ընդհանուր մարտավարությունն ու ծրագիրը։ Ամեն դեպքում, մեր մարզիչներն ունեն դաշտի կենտրոնում առաջացած բացը լրացնելու հնարավորություն, որն ընձեռում է նաեւ տեւական ընդմիջումից հետո Պիզելիի վերադարձը Հայաստանի հավաքական։
Ուրախացնում է, թերեւս, այն հանգամանքը, որ սպասվող պատասխանատու հանդիպումներին բարձր տրամադրությամբ է մոտենում հարձակվող Սարգիս Ադամյանը, որը դարձավ գերմանական բունդեսլիգայի առաջնության 7—րդ տուրի գլխավոր հերոսը։ 26—ամյա երեւանցին երկու անգամ գրավելով հանրահայտ Մանուել Նոյերի պաշտպանած դարպասը՝ Մյունխենի «Բավարիայի» հետ արտագնա խաղում 2։1 հաշվով հաղթանակ ապահովեց «Հոֆենհայմին»։ Դրա շնորհիվ արտասահմանյան հեղինակավոր շատ լրատվամիջոցներ մեր հայրենակցին ճանաչեցին ոչ միայն հանդիպման, այլեւ ընդհանրապես մրցափուլի լավագույն խաղացող՝ նրան ընդգրկելով նաեւ տուրի խորհրդանշական հավաքականում։ Նշվում է նույնիսկ, որ «Ալյանց Արենայում» հայ հարձակվողի բենեֆիսը կմնա Զիսհայմ քաղաքը ներկայացնող ակումբի պատմությունում։ Սակայն պետք է հաշվի առնել, որ Ադամյանը լուրջ կախվածություն ունի թիմակիցների գործողություններից եւ, այսպես կոչված, վերջին հարվածի հարձակվող է։ Այդ առումով շատ կարեւոր է, որ Հայաստանի հավաքականում նրա խաղընկերները նկատի ունենան այդ հանգամանքը եւ կարողանան հարվածային դիրք դուրս բերել Սարգսին։ Եթե դա հաջողվի, ապա ամենեւին էլ զարմանալի չի լինի, որ Ադամյանը հավաքականում զարգացնի ակումբի կազմում սկսած գոլային շարքն ու այդքան սպասված ուրախություն պարգեւի բոլորիս։ Այդ դեպքում կկարողանանք արձանագրել նաեւ, որ առաջատարի բացակայությունն այլեւս լուրջ խնդիր չէ Հայաստանի հավաքականի համար։

Հրայր ՆԱԶԱՐՅԱՆ

08-10-2019





22-02-2020
Կառավարության խնդիրը հնարավորություններ ստեղծելն է
Մարդու խնդիրը՝ դրանք օգտագործելը

Տարբեր ժամանակաշրջաններում հասարակության մեջ ...


22-02-2020
Մանրամասներ՝ աղդամցիների «խաղաղ արշավի» մասին
Ադրբեջանցի խառնամբոխն ինչպես շարժվեց դեպի Ստեփանակերտ

1988-ի փետրվարի ...


22-02-2020
Հիշողության հայտնի ու անհայտ բավիղներում
Առանց դրա գոյություն չունի ժամանակ, պատմություն, կյանքի հանրագումար ...


22-02-2020
Հայերը՝ Քյոլնում
Հայ առաքելական եկեղեցու Գերմանիայի թեմ

Հայերի հետքերը Գերմանիայում ...


22-02-2020
Ինչքանով են միջնորդ կազմակերպություններն ազդում բենզինի իրացման գնի ձեւավորման վրա
Եվ ինչ խնդիրներ են բացահայտել շուկայի ուսումնասիրությունները

Արմենուհի ՄԵԼՔՈՆՅԱՆ
a.melqonyan@hhpress.am ...


22-02-2020
Հանրությունն է տալու վերջնական գնահատականը
Եվ նրա ցանկությամբ է որոշվելու՝ կատարե՞լ փոփոխություն Սահմանադրության ...


22-02-2020
Որոշ քաղաքական ուժեր փորձում են
Հանրաքվեի գործընթացում ընտրախախտումների ֆոն ձեւավորել

Թե՛ իշխանությունը, թե՛ ...



22-02-2020
«Մենք Արցախի անկախության մասին ենք խոսում, ոչ թե ինքնորոշման» Արցախը «ipso facto» պետություն է
«ՀՀ»-ի հարցազրույցը մարդու իրավունքների ...

22-02-2020
Փոփոխություններ են նախատեսվում պետական գնումների գործընթացում
Օրենսդիրն ու գործադիրն աշխատում են ...

22-02-2020
Լիբիայի խնդրի կարգավորման ջանքերը ձախողվում են
Էմմա ԲԵԳԻՋԱՆՅԱՆ
e.begijanyan@hhpress.am



22-02-2020
Յուրչենկոն կմիանա Հայաստանի հավաքականին
Ռուսաստանցի դարպասապահ Դավիթ Յուրչենկոն վերջապես ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO