Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ԱՌՈՂՋԱՊԱՀՈՒԹՅՈՒՆ


Անպտղությամբ տառապող զույգերը կօգտվեն աջակցությունից

Ինչո՞վ է պետությունը նրանց ձեռք մեկնում

Լուսինե ՆԱԶԱՐՅԱՆ
l.nazaryan@hhpress.am


Ինչպես «ՀՀ»-ն նախորդ համարներից մեկում նշել էր, վերարտադրողական առողջության բարելավման նպատակով ՀՀ առողջապահության նախարարությունն այս տարվանից միջոցառումներ է նախատեսել։
ՀՀ կառավարության որոշմամբ, առաջին անգամ ընդունվել եւ հաստատվել է մի նախագիծ, որով նախատեսվում են վերարտադրողական օժանդակ տեխնոլոգիաների կիրառմամբ բժշկական միջոցառումներ իրականացնել անպտղությամբ տառապող զույգերի համար։ Ի՞նչ է ենթադրում ծրագիրը, որքանո՞վ է այն իրատեսական՝ օգնելու կանանց մայրանալու հարցում, ովքե՞ր իրավունք ունեն օգտվելու պետության աջակցությունից։
ՀՀ առողջապահության նախարարության աշխատակազմի մոր եւ մանկան առողջության պահպանման վարչության մայրական եւ վերարտադրողական առողջության պահպանման բաժնի պետ Գայանե Ավագյանը «ՀՀ»—ի հետ զրույցում տեղեկացրեց, որ ծրագրի ներդրման նպատակով այս տարվա համար արդեն բյուջից հատկացվել է շուրջ 210 մլն դրամ։
Հայաստանում այս պահին կա վերարտադրողական տարիքի շուրջ 483 հազար 300 կին, որոնցից 14,9 տոկոսը անպտուղ են։ Նրանց մեծ մասը անզավակ են եւ երբեւէ հղիություն չեն ունեցել։ Այս տարվա տվյալներով, անպտուղ կանանց նախատեսվող թիվը 71 հազար է, որից ժամանակակից հետազոտությունների եւ բուժման կարիք ունեն 42 հազարը, իսկ վերարտադրողական օժանդակ տեխնոլոգիաների կարիք՝ 28 հազարը։ Սերմնավորման կարիք ունեն կանանցից 15 736—ը, իսկ արտամարմնային բեղմնավորման՝ 12 825 կին։
Նախկինում այս ցուցանիշներում ընդգրկված զույգերը կարողացել են օգտվել վերարտադրողական օժանդակ տեխնոլոգիաներից կամ սեփական միջոցներով, կամ որոշ կազմակերպությունների («Հայ մանուկ», «Արագիլ» եւ այլն) աջակցությամբ։ Արդյունքում, վերջին 5 տարիներին օժանդակ տեխնոլոգիաների՝ ներարգանդային սերմնավորման եւ արտամարմնային բեղմնավորման ներդրման շնորհիվ լույս աշխարհ է եկել ավելի քան 4 հազար երեխա։
«Պետության մասնակցությամբ նմանատիպ ծրագիր 3 տարի առաջ իրականացվել է սահմանամերձ բնակավայրերում, ինչի արդյունքում առանց տարիքային սահմանափակման աջակցություն է տրվել 35 զույգի։ Այժմ շահառուների թիվը մի փոքր սահմանափակել ենք եւ դարձրել նպատակային, որպեսզի կարողանանք ավելի բարձր արդյունք ստանալ։ Բնականաբար, չենք կարող արտամարմնային բեղմնավորման ենթակա բոլոր զույգերին աջակցել, հուսով ենք, որ հետագա տարիներին շարունակական կլինի պրոցեսը, եւ աջակցության գումարը կավելանա»,–նշեց Գայանե Ավագյանը՝ մանրամասնելով, թե որ զույգերն են հատկապես օգտվելու օժանդակությունից։
Շահառուները պետք է համապատասխանեն օրենքով նախատեսված չափորոշիչներին։ Զույգերից որեւէ մեկը պետք է պարտադիր ունենա ՀՀ քաղաքացիություն, իսկ ամուսնությունը պետք է գրանցված լինի օրենսդրությամբ սահմանված կարգով։ Զույգերը պետք է ներկայացնեն արդեն հետազոտության ենթարկված ռեպրոդուկտոլոգիական եզրակացություն, անպտղությունը հավաստող բժշկական քաղվածք։ Ամուսիններից մեկը պետք է ունենա զինվորական ծառայության կարգավիճակ։ Ծրագրում կարող են ներառվել նաեւ այն ամուսնական զույգերը, որոնք զինվորական ծառայության ընթացքում կորցրել են որդուն, ինչի դեպքում կնոջ տարիքը չպետք է գերազանցի 42—ը։ Շահառու կարող են լինել նաեւ այն զույգերը, որոնցից մեկն ունի հաշմանդամության կարգավիճակ, սակայն եթե այդ կարգավիճակում կինն է, ապա նրա հաշմանդամությունը չպետք է հակասի կամ վտանգի ծննդաբերությունը։
Պոտենցիալ շահառու դառնալու համար նախատեսված է հետազոտությունների ցանկ, որոնք պետք է պարտադիր դիմումի հետ ներկայացվեն համապատասխան բժշկական կազմակերպություն։ Ծրագիրը որոշ սահմանափակումներ է կիրառել նաեւ տարիքային առումով։ Կնոջ տարիքը չպետք է գերազանցի 35—ը։ Գայանե Ավագյանը տարիքային շեմի սահմանումը հետեւյալ կերպ է մեկնաբանում. «Եթե դիմումը ներկայացնելու պահին կինն արդեն 35 տարեկան է, ապա կարող է առաջիկա տարիներին դեռ հերթագրման փուլում լինել։ Այսինքն, հերթագրման ժամկետում չպետք է տարիքը հատի 38—ը։ 35 տարեկանից բարձր կանանց պարագայում վերարտադրողական օժանդակ տեխնոլոգիաներից օգտվելու արդյունավետությունն արդեն խիստ ընկնում է»։ Նշենք, որ այն դեպքում, երբ արտամարմնային բեղմնավորումն արդյունավետ չընթանա եւ առաջին փորձից ձախողվի, ապա երկրորդ փորձը կատարվելու է արդեն պետության կողմից 50 տոկոս համաֆինանսավորմամբ։
Ի դեպ, Երեւանում այսօր գործում է վերարտադրողականությամբ եւ պտղաբերությամբ զբաղվող 6 կենտրոն, որոնցից ներկա պահին պետական պատվերի հայտ է ներկայացրել 5—ը, որոնցում, ըստ զրուցակցիս, ներդրվելու է պետպատվերի ծառայություն։ Շահառուն կարող է գնալ այդ կենտրոններից որեւէ մեկը, դիմում ներկայացնել։ Նշենք, որ փոխնակ մոր ծառայությունը ներառված չէ ծրագրում։
Ինչ վերաբերում է վիճակագրությանը, ապա 2000 թ. Հայաստանում անպտղության ցուցանիշը կազմել է 31,9 տոկոս, մինչդեռ այժմ այդ ցուցանիշը 14, 9 տոկոս է։

08-10-2019





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO