Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

31.05.2020
ԼՂՀ


Ինչպես են իրենց զգում Արցախում ապրող ազգային փոքրամասնությունները

Առաջնորդվում են մարդասիրական նորմերով եւ օրենքներով

Դավիթ ՄԻՔԱՅԵԼՅԱՆ
d.miqayelyan@hhpress.am


Ինչ խնդիրներ ունեն հանրապետությունում բնակվող ազգային փոքրամասնությունները, եւ որոնք են դրանց լուծման ուղիները։ Գլխավորապես այս հարցն էր քննարկման առարկա դարձել հայկական երկու հանրապետությունների ազգային փոքրամասնությունների, պետական մարմինների, գերատեսչությունների եւ հասարակական կազմակերպությունների ներկայացուցիչների մասնակցությամբ Ստեփանակերտում հրավիրված հանդիպմանը, որ նախաձեռնել էր ԱՀ մշակույթի, երիտասարդության հարցերի եւ զբոսաշրջության նախարարությունը։
Ողջունելով «Կլոր սեղանի» մասնակիցներին եւ կարեւորելով նման ներկայացուցչական կազմով քննարկումների անհրաժեշտությունը, նախարար Լեռնիկ Հովհաննիսյանը նշեց, որ պետությունների միջազգային հեղինակությունը պայմանավորվում է տվյալ երկրում ապրող ազգային փոքրամասնությունների նկատմամբ ցուցաբերվող վերաբերմունքով եւ համոզմունք հայտնեց, որ «Կլոր սեղանը» առարկայական կդարձնի պետական այրերի մոտեցումները ակնկալվող հարցերի վերաբերյալ ու ենթադրվող քայլերը կլինեն առավել գործնական։ Գերատեսչության ազգային փոքրամասնությունների եւ կրոնի հարցերի բաժնի պետ Աշոտ Սարգսյանն իր խոսքում հատկանշական համարեց այն, որ չնայած Արցախի միջազգայնորեն չճանաչված լինելու հանգամանքին, երկրում միշտ էլ առաջնորդվում են մարդասիրական նորմերով եւ օրենքներով։ Եվ, որպես ասվածի վկայություն, նա շեշտեց իշխանությունների կողմից դրսեւորվող հոգատարությունը՝ ազգային փոքրամասնությունների նկատմամբ։
Եթե հունական համայնքի նախագահ Սոֆի Իվանիդիսին մտահոգում են «ազգային մշակույթի, լեզվի, ավանդույթների եւ սովորությունների պահպանման հետ կապված խնդիրները», եւ շատ կցանկանար, որ կիրակնօրյա դպրոց բացվեր, հնարավորինս արագ հիմնանորոգվեր Մեհմանա գյուղ տանող ճանապարհը, ինչը հնարավորություն կտար՝ հաշվի առնելով բնության պարգեւած հրաշալիքները՝ զբոսաշրջային նոր երթուղի բացել եւ զարգացնել էկոտուրիզմը», բացել աշխատատեղեր, ապա ռուսական ազգային փոքրամասնության (համայնքի) ղեկավար Լյուդմիլա Սոմովայի խոսքով՝ «հասարակությանը՝ ինտեգրման առումով խնդիրներ չկան, եւ ռուսական ընտանիքներն իրենց զգում են ինչպես հարազատ տանը», միայն մտահոգիչ են «ժամանակավոր բնակության իրավունքի երկարաձգման հետ առնչվող հարցերը, որոնք երբեմն արհեստական խոչընդոտներ են ստեղծում ազատ շարժի ժամանակ»։
Սահմանադրությամբ ամրագրված իրավունքներից հանրապետությունում հավասարապես օգտվում են եւ Արցախում փոքրաթիվ քանակությամբ բնակվող ասորիները, եզդիներն ու վրացիները, ուկրաինացիները, օսեթները, Հյուսիսային Կովկասի ազգությունների ներկայացուցիչները, որոնց թիվը հազիվ 500—ի է հասնում։ Վիճակագրության համաձայն՝ ազգային փոքրամասնությունների թվաքանակը հանրապետությունում նվազել է Ադրբեջանի իշխանությունների կողմից Արցախի դեմ ծավալված դաժան պատերազմի հետեւանքով, ավերածությունների պատճառով շատ ընտանիքներ ստիպված են եղել հեռանալ երկրից։ Բացառություն են կազմել միայն հույները, որոնք զինադադար հաստատվելուց հետո կրկին վերադարձել են իրենց բնակավայրը։ Հատկանշական է եւ այն հանգամանքը, որ պետությունը մեծ աջակցություն է ցուցաբերել պատերազմից տուժած ընտանիքներին՝ նորոգելով նրանց բնակարանները, կամ կառուցելով հարմարավետ առանձնատներ։ Հիմնականում լուծված է նաեւ նրանց զբաղվածության խնդիրը։
Ի դեպ, «Արցախը մեր տունն է» խորագիրն էր կրում Ստեփանակերտում անցկացված ազգային փոքրամասնությունների մշակութային անդրանիկ փառատոնը, որի ժամանակ ընդարձակ տաղավարներում ցուցադրվել են հանրապետությունում բնակվող փոքր ազգերին բնորոշ մշակութային արժեքներ, տարբեր ճաշատեսակներ, կենցաղային հին իրեր, կտավներ, ժողովուրդների բարեկամությունը խորհրդանշող հավաքածուներ։
Ստեփանակերտ

09-10-2019





30-05-2020
Հայաստանում ներդրվում է համայնքային միասնական էլեկտրոնային կառավարման հարթակ
Կբարձրացվեն ՏԻՄ-երի աշխատանքների արդյունավետությունը եւ թափանցիկությունը

Ֆիզիկական եւ ...


30-05-2020
«Հայը լինի իր երկրին մեջ տերը, Հայը լինի իր ազատության տերը»
Դրոն հայոց պատմության էջերը հարստացրել է հաղթանակներով

Հայ ...


30-05-2020
Հայաստանում հաստատվել է COVID-19-ի 251 նոր դեպք, առողջացել է ևս 20 պացիենտ
Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային ...


30-05-2020
Ո՞րն է ճշմարտությունը։ Աստծո խոսքը
Ի՞նչը կարող է մեզ ազատագրել։ Աստծո խոսքը։ Ե՞րբ է ...


30-05-2020
Առանց կուսակցությունների զարգացման չկա ժողովրդավարություն
Ի՞նչ փոփոխություններ են նախատեսվում ՏԻՄ ընտրություններում

4000 եւ ...


30-05-2020
Թանգարանի գիտական բաժինն անցել է աշխատանքի
Չի գործելու միայն ցուցադրության հատվածը

ԿԳՄՍ նախարարի հրամանով, ...


30-05-2020
Երեխաներին գնահատել է պետք գիտելիքով
Անցումը նոր համակարգին կնպաստի ինքնակրթության զարգացմանը

ՀՀ կրթության, ...



30-05-2020
«Մենք միակ ժողովուրդն ենք, որի գիրն ու կրոնը զուտ ազգային երեւույթներ են»
Ֆրանսահայ պատմաբան Կլոդ Մութաֆյանի հետ «ՀՀ»—ն ...

30-05-2020
Կարմիր գիրքը՝ բնական սահմանների խախտման ուղղակի ցուցիչ
Եվ համավարակի այս օրերին՝ բնության հետ ...

30-05-2020
Նորընտիր խորհրդարան-կառավարություն համագործակցությո՞ւն, թե՞…
2020 թ. փետրվարի 21-ին Իրանում տեղի ունեցան խորհրդարանի ...

30-05-2020
Չեմպիոնների չեմպիոնը կարող է որոշվել միասնական մրցաշարում
ՈւԵՖԱ-ն շարունակում է ուսումնասիրել եվրագավաթների ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO