Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.10.2019
ՀԱՍԱՐԱԿՈՒԹՅՈՒՆ


Դժվար է այսօր առանց լրատվամիջոցների օգնության կողմնորոշվել

Հարցազրույց «Հայաստանի Հանրապետություն» օրաթերթի գլխավոր խմբագիր Արթուր ՂԱՐԱԳՅՈԶՅԱՆԻ հետ

–Պարոն Ղարագյոզյան, այսօր մարդիկ տեղեկատվություն ստանում են գրեթե վազքի մեջ, հընթացս։ Արդյո՞ք ավարտվում է թերթի ժամանակաշրջանը։
–Թերթի առաջացման պատմությունն անմիջականորեն կապված է մարդկության զարգացման եւ տեղեկատվության ստացման ու տարածման կենսական անհրաժեշտության հետ։ Տեղեկատվության տարածումն առավել պահանջարկված դարձավ պետականության ձեւավորումից հետո, երբ իշխանություններն իրենց «ասելիքը» տեղ հասցնելու խնդիր ունեին։
Գրերի գյուտից հետո տեղեկատվության տարածման ձեւն ու բովանդակությունը դարձան ավելի արագ հասանելի, ավելի գրավիչ ու ուսուցողական։
Այսօր, իհարկե, աշխարհը խելահեղորեն մտել է էլեկտրոնային լրահոսի հորձանուտ, ուր այլեւս այնքան էլ չեն կարեւորվում տեղեկատվության աղբյուրը, իսկությունը, աշխարհագրությունը (վայրը), ժամանակը եւ, որ ոչ պակաս կարեւոր է, գրագիտությունը։  
Թյուր կարծիք չստեղծվի, թե փորձում եմ նսեմացնել էլեկտրոնային հաղորդակցման դերը՝ ամենեւին։ Այդ միջոցը անչափ օգնում է նաեւ տպագիր մամուլի աշխատանքների արդյունավետ կազմակերպմանը։ Պարզապես պետք է էլեկտրոնային հաղորդակցման մեթոդները լինեն դյուրամարս, մայրենիով եւ գրագետ։
–Ի վերջո, համացա՞նց, թե՞ թուղթ։
–Երկուսն էլ։ Անգամ բարձր զարգացած երկրներում էլեկտրոնային լրատվամիջոցներին զուգահեռ իր դիրքերը դույզն ինչ չի զիջում տպագիր մամուլը։ Որովհետեւ թե՛ հասարակությունը, թե՛ իշխանությունները (որոնք ստեղծում են բարենպաստ միջավայր) գիտակցում են դրա կարեւորությունն ու առանձնահատկությունը։
Այն, ինչ կապված է էլեկտրոնի հետ, ցանկացած պահի կարող է խաթարվել, անջատվել, արգելափակվել, ուժգնանալ եւ թուլանալ, այրել համակարգեր եւ, վերջապես, ինքնայրվել, ինքնաոչնչացվել, ուղղորդվել՝ բարիքից վերածվելով կործանարար չարիքի։
Տպագիր մամուլն այսօր էլ ունի իր անվիճելի առավելություններն ու միայն իրեն բնորոշ առանձնահատկությունները, իսկ վերը թվարկված կատակլիզմների պարագայում այն դառնում է պարզապես անփոխարինելի։ Հատկապես անհաստատ խաղաղության, արտաքին եւ ներքին գերփխրուն կայունության պայմաններում։
–Ո՞րն է թերթի առաքելությունը։
–Կոնկրետ մեր մամուլի, մասնավորապես մեր թերթի առջեւ, բացի հիմնական առաքելությունից, խնդիր է դրված կերտել եւ ներկայացնել ազգի բարոյական նկարագիրը, համատարած խրթինաբանության ֆոնին ներկայացնել կապակցված եւ գրագետ հայերեն… հայության մի հատվածին զերծ պահել տառաճանաչությանը սպառնացող վտանգից։
Ինչ վերաբերում է թերթի բուն առաքելությանը, ապա այն օրվա հարափոփոխ տեղեկատվության եւ մնայուն արժեքները կրելը, պահպանելը եւ փոխանցելն է ոչ միայն օրվա ընթերցողին, այլեւ հաջորդ սերունդներին։
–Ի՞նչ ենք գերադասում. տպագիր մամո՞ւլ, թե...
–Տպագիր մամուլը, ի տարբերություն էլեկտրոնային հաղորդակցման միջոցների, որոնք առավելապես ներկայացնում են սենսացիոն, ճչացող վերնագրեր (ո՛չ բովանդակություն), խնդիրները եւ դրանց լուծումները ներկայացնում է համակարգված եւ պատասխանատու։ Ինչո՞ւ պատասխանատու. որովհետեւ, ի տարբերություն էլեկտրոնային լրատվամիջոցների, թերթում տպագրվածը չես կարող ջնջել կամ հեռացնել կայքից։ Այդ համակարգվածությունն ու պատասխանատվությունը տասնապատկվում են, երբ լրատվամիջոցը պետական է։
Մենք մեծ կարեւորություն ենք տալիս երկրի զարգացման առանցքային ոլորտների առաջնակարգ մասնագետների տեսակետների համակարգված ներկայացմանը հանրամատչելի լեզվով։ Թերթը կդառնա յուրօրինակ խորհրդական։ Մեծ տեղ է հատկացվում տնտեսական վերլուծություններին, իրավական թեմաներին, մշակութային միջավայրին, ազգային ներկապնակին, հոգեւոր արժեքներին, բարոյական նկարագրին, առողջապահությանը, բանականության ու մարդասիրության հիմնախնդիրներին, երիտասարդությանը հուզող հարցերին, ճաշակ ձեւավորող համամարդկային արժեքներին… Խնդիր է դրված, որ վաղվա «Հայաստանի Հանրապետություն» թերթում յուրաքանչյուրը, անկախ իր տարիքից, մասնագիտությունից եւ նախասիրություններից, գտնի իրեն հետաքրքրող հարցերի պատասխանները, հոգեհարազատ թեմաները։
–Հոգեբանները եզրակացրել են, որ ամեն օր թերթ ընթերցող մարդիկ իրենց զգում են հասարակության լիարժեք անդամ։
–Իհարկե, աշխարհում կատարվող այսրոպեական իրադարձությունների իրազեկման առումով համացանցն ու հեռուստատեսությունը անգերազանցելի են, սակայն տպագիր խոսքն է մնում գիտելիքի հիմնական աղբյուր, օգնում ճանաչել եւ գնահատել կյանքը, հասկանալ հասարակական հարաբերությունների օրենքները։ Տպագիր մամուլի դերը մեծ է հատկապես մարդու բարոյական եւ սոցիալական ձգտումների ձեւավորման, հասարակական վարքի յուրացման առումով։
Ակադեմիական եւ համալսարանական հանրույթի համար գիտական հրատարակություններից, հանդեսներից հետո գերադասելի է տպագրվել օրաթերթերում։
Թերթերն ու հանդեսները նաեւ առանձնանում են նրանով, որ կարողանում են ստուգել տեղեկատվության իսկությունը, դրանով իսկ հայտնվելով շահեկան վիճակում համացանցային աղբյուրների համեմատ։ Թղթային լրատվամիջոցները, մատակարարելով հավաստի եւ վստահելի տեղեկատվություն, աստիճանաբար դառնում են առավել հարմարավետ միջոց ընթերցողների համար եւ պարտավոր են պահպանել ավանդական որակյալ հոդվածների մատակարարի՝ իրենց վերապահված դերը։
Ի վերջո բոլոր լրատվամիջոցներն ունեն նաեւ էլեկտրոնային տարբերակ, կայք։ Եվ որպես ապագայի ոսկե օրենք եմ ասում՝ վաղվա ստուգված տեղեկատվությունն ավելի գերադասելի է, քան այսօրվա չստուգված ինֆորմացիոն հեղեղատը։ Նույնիսկ ամենակիրթ մարդու համար դժվար է այսօր առանց լրատվամիջոցների օգնության կողմնորոշվել եւ ընկալել հասարակական հակասական գործընթացները, կազմակերպել իր հետագա գործունեությունն ու ընդունել պատասխանատու որոշումներ։

09-10-2019





18-10-2019
Համապարփակ լուծում հին խնդիրներին
Հայագիտական առարկաների դասավանդումը դպրոցներում կուժեղացվի

Լուսինե ՄԽԻԹԱՐՅԱՆ
l.mkhitaryan@hhpress.am


Վերջին ...


18-10-2019
Սիրիայում բոցավառվող տեսակի արգելված զենք է կիրառվել
Ո՞ր կողմն է գործադրել՝ ապացուցելը դժվար է լինելու

Թամարա ...


18-10-2019
10 մլն եվրո՝ Արարատի եւ Արմավիրի մարզերին
Հումքի մթերումների սուբսիդավորման ծրագրում փոփոխություն եղավ

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը ...


18-10-2019
Գեղարվեստի կենարար ուժը
ՀՀ ԳԱԱ թղթակից անդամ, ՀՀ գիտության վաստակավոր գործիչ, տնտեսագիտության ...


18-10-2019
Բիբլիական լեռը ներկայանում է յուրովի
ՀԱՊ-ում բացվել է «Արարատ. սրբազան լեռը» խորագրով ցուցահանդեսը

Լիանա ...


18-10-2019
Պարտադիր, բայց առանց գնահատման
«Շախմատ» առարկայի դասավանդման շուրջ քննարկումներն ակտիվ փուլում են

Լուսինե ...


18-10-2019
«Ձեր խնդիրները մեր մշտական ուշադրության կենտրոնում են»
Վարչապետը հանդիպել է զոհված զինծառայողների մայրերի հետ

Վարչապետ ...



18-10-2019
Սոցցանցերը եւ մարդկային հարաբերությունների նոր մշակույթը
Հաշվարկված է, որ աշխարհի բնակչության 40 տոկոսը, ...

18-10-2019
Զբոսաշրջային ակտիվությունն ակնհայտ է
Բայց դրանից «գլուխներս չպետք է ...

18-10-2019
Վարչապետն ընդունել է Ճապոնիայի վարչապետի հատուկ խորհրդականին
Վարչապետ Նիկոլ Փաշինյանը երեկ ընդունել է Ճապոնիայի ...

18-10-2019
«Մեր գլխավոր նպատակն օլիմպիական ուղեգիր նվաճելն էր»
Գերմանիայում անցկացված սպորտային մարմնամարզության ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO