Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.07.2020
ԵՐԵՎԱՆ


Երեւանը մեծացնում է ձգողությունը, վերագտնում իր համուհոտը

Մեր հինավուց մայրաքաղաքի տոնը՝ նոր հույսերով ու սպասելիքներով

Երեւանն առաջին անգամ իր ծննդյան օրը նշեց 1968 թ. հոկտեմբերի 18-ին։ Այդ տարի լրանում էր քաղաքի 2750-ամյակը։ Ծննդյան վկայականը՝ Արգիշտի արքայի սեպագիր արձանագրությունը քաղաքի հիմնադրման վերաբերյալ, հայտնաբերվել էր Էրեբունի հնավայրի միջնաբերդի պեղումների ժամանակ 1950 թ., եւ հայոց մայրաքաղաքի օրը կազմակերպված նշելու, տոն դարձնելու գաղափարը ամբողջ տասնութ տարի մշակվել, հասունացել էր մեզանում։ Եվ տոնը կատարյալ ստացվեց. համաժողովրդական տոնակատարություն եղավ։
Հիսունմեկ տարի շարունակ մենք նշում ենք տոնը։ Էական չէ, որ այդ տարիների շարքում եղել են նաեւ առանձին տարիներ, երբ «Էրեբունի-Երեւան»—ը նշել ենք «Ոսկե աշուն» խորագրի ներքո կամ ընդհանրապես չենք նշել (չնշելու պատճառը անցյալ դարի 80—ականների վերջին եւ 90—ականների սկզբին երկրում տեղի ունեցած պատմական իրադարձություններով պայմանավորված հանգամանքներն էին)։ Կարեւորն այն է, որ տոնը երբեք չի դադարել լինել մեզ հետ, լինել սիրված. ապրել է մեր մտքի մի անկյունում՝ սպասելով իր օրվան։
Այսօր հերթական տոնակատարությունն է, նշում ենք մեր մայրաքաղաքի՝ որպես բնակավայր հիմնադրման 2801—րդ տարին։ Նախորդ՝ հոբելյանական տոնակատարությունը հասկանալի պատճառներով չէր կարող ունենալ սպասված պաթոսը։ Դեռեւս սեպտեմբերի վերջերին էին տեղի ունեցել քաղաքի ավագանու արտահերթ ընտրությունները, եւ հոկտեմբերին տոնին լիարժեք նախապատրաստվելու անհրաժեշտ ժամանակ նորակազմ ավագանին եւ քաղաքապետարանի աշխատակազմը պարզապես չունեին։ Այս տարի ուրիշ է...
Քաղաքն իր տոնը դիմավորում է տարվա համար նախատեսված բարեկարգման աշխատանքները հիմնականում ավարտած, դեռեւս չավարտվածն էլ շուտով կավարտվի։ Չանդրադառնալով բոլոր աշխատանքներին՝ նշենք միայն երկուսը. բարեկարգվել է վեց հատվածի բաժանված Օղակաձեւ զբոսայգու 3—րդ հատվածը (Աբովյան եւ Նալբանդյան փողոցներով պարփակված), որտեղ նաեւ Կոմիտասի անվան կամերային երաժշտության տունն է։ Երկար տարիներ Օղակաձեւ զբոսայգում բարեկարգման աշխատանքներ չեն կատարվել։ Մայրաքաղաքի, հատկապես կենտրոնի համար կարեւոր նշանակություն ունեցող այս զբոսայգու բարեկարգման գործընթացի սկիզբը դնելը նոր սպասելիքներ առաջացնող է, քանի որ ամբողջ զբոսայգու բարեկարգման նախագիծը վաղուց է պատրաստ, եւ միայն ֆինանսական արգելքն է պատճառ եղել, որ աշխատանքները մինչեւ հիմա չէին կատարվում։ Սա կարող է դառնալ կարեւոր գործի սկիզբը։
Երեւանի սոցիալական կյանքում այս տարի կատարվեց մի գործ, որն անտարբեր չի թողել երեւանցիներին, կասեինք՝ նաեւ մայրաքաղաքի այցելուներին։ Բացվեց «Երեւան—2800» այգին։ Վարդանյան ընտանիքի նվերը քաղաքին՝ հոբելյանի առթիվ, պետք է շահագործման հանձնվեր նախորդ տարվա տոնակատարությանը՝ Երեւանի 2800—ամյակին, սակայն չհասցրին։ Այգին իր հյուրընկալ դռներն ամբողջ գեղեցկությամբ եւ պերճանքով բացեց այս ամռան սկզբին։ Դժվար է վերջին տարիներին հիշել երեւանյան մի կառույց, որն այդքան ոգեւորությամբ ընդունված լինի երեւանցիների կողմից, ինչպիսին այս մեկն է։ Մտածված, խելացի նախագիծ, որակյալ իրագործում։ Բոլորովին պատահական չէ, որ բացման օրվանից այգին դարձել է անչափ հագեցած այցելությունների վայր, մարդկանց ձգող ինքնատիպ մի մագնիս, որի հետ չի կարող մրցակցել հանգստի ու մշակույթի ոչ մի օբյեկտ։ Այն այսօր էլ մնում է այդպիսին, չնայած հոկտեմբերն է, այլեւս ջրի ու խոնավ օդի մեծ անհրաժեշտություն չկա։
Այս այգու գոյությունը միայն հաճելի այցելության ու հանգստի հնարավորություն չէ, նաեւ քաղաքաշինական մեծ նշանակություն ունի։ Բանն այն է, որ դրանով ամբողջացել է Երեւանի, այսպես ասենք, դեպի բուն կենտրոն մուտքից Հանրապետության հրապարակ ընկած քաղաքաշինական առանցքը (Ռուսաստանի հրապարակ—Ալ. Մյասնիկյանի հուշահամալիրի հետ «Երեւան—2800» այգի—Ստ. Շահումյանի հրապարակ—«Էրեբունի—2750» շատրվանային համալիր—Հանրապետության հրապարակ)։ Այդ առանցքը նոր չի ձեւավորվել, նախկինում էլ գոյություն ուներ, սակայն նախորդ այգու անհրապույր տեսքը, մի տեսակ լքված, անկյանք վիճակը շատ էին խանգարում տարածքի ամբողջական ընկալմանը։ Այսօր տարածքը, քաղաքապետարանի հոյակապ շենքի համադրությամբ, լիովին փոխել է մայրաքաղաքի այս հատվածի կերպարն ու ընկալումը։
Երեւանն իր ծննդյան տոնը դիմավորում է իր մեջ ապրող մարդկանց նորացված հոգեվիճակով։ Երկար տարիներ քաղաքում կատարվել են գործեր, ստեղծվել են արժեքներ, որոնց հետ իր քաղաքը սիրող երեւանցին համաձայն չի եղել կամ այնքան էլ համաձայն չի եղել, սակայն դա մերժելու կարողություն չի ունեցել եւ ստիպված է եղել անխոս, անտարբեր տանել պարտադրանքը, ինչն այդ արժեքների եւ, ընդհանրապես, քաղաքի նկատմամբ օտարացման միջնորմ է դարձել երեւանցու հոգում։ Այսօր այլեւս չկա այն հոգեբանական ճնշումը, որի ազդեցությամբ ծնունդ են առել անընդունելի գործերը։ Երեւանցին այժմ ազատ է իր կարծիքն արտահայտելու, անընդունելին չընդունելու հարցում։ Դա դարձել է նրա իրավունքը։ Ահա այդ իրավունքի, քաղաքի տիրոջ իրավունքի գիտակցումով է երեւանցին այս անգամ դուրս եկել տոնական փողոց՝ կիսելու հնամենի քաղաքի այսօրվա բնակիչը լինելու ուրախությունը իր նմանների հետ։ Սա հավասարը չունեցող զգացում է։ Երեւանցուն է վերադարձվել իր քաղաքը...
Մեր սիրելի Երեւանի տոնը նշում ենք մեր ժպիտներին այլ երկրներից եկած այցելուների ժպիտները գումարած տեսնելով։ Ո՞վ կարող է ժխտել, որ այս տարի մայրաքաղաքի փողոցներում կտրուկ շատացել են օտարերկրյա այցելուները։ Ամեն քայլափոխի օտար լեզվով խոսակցությունների ենք ականջալուր լինում, Երեւանը մեծացնում է իր ձգողությունը, վերագտնում է իր համուհոտը, Երեւանը վերածվում է հագեցած զբոսաշրջային քաղաք—կենտրոնի։ Նախորդ տարիներին այդպես չի եղել, այսքան շատ զբոսաշրջիկ Էրեբունի—Երեւանը չի ունեցել։ Այս տարվա տոնակատարությունը նաեւ սրանով է առանձնանում։
Տոնդ շնորհավոր, արեւի՛ քաղաք...
Պետրոս ՍԱՐՈՒԽԱՆՅԱՆ

19-10-2019





02-07-2020
Առարկայական բանակցությունները հնարավոր են միայն խաղաղ պայմաններում
Հայկական օրակարգն ընդունելի է միջազգային գործընկերների համար

Նախօրեին ...


02-07-2020
Հայկական եւ ռուսական կողմերը միջուկային էներգետիկայի ոլորտում բնականոն աշխատում են
Սկսվում է մեծածավալ պլանային նախազգուշական վերանորոգումը

Հայկական ատոմակայանի ...


02-07-2020
Հայաստանում հաստատվել է COVID-19-ի 593 նոր դեպք․ ապաքինվել է 473, մահացել 6 քաղաքացի
Հայաստանում հուլիսի 2-ի ժամը 11:00-ի դրությամբ հաստատվել է կորոնավիրուսային ...


02-07-2020
Աստծուն հաճելի է քո մեջ տեսնել…
Աստված կամենում է, որ դու ունենաս ամուր հավատք։ Դու ...


02-07-2020
Եթե չպահպանենք կանոնները
Ապա համավարակը հաղթահարելը կդառնա գրեթե անհնար

«Հայաստանի Հանրապետություն» ...


02-07-2020
Ղեւոնդ Ալիշան 200
Աննման առաքինությունը

«Ծագե՜, Հայ հանճար, փայլե՛ բյուր բոցեր,
Իմանան ազգեր,
Թե ...


02-07-2020
Հայաստանում ծխելու դեմ պայքարն առանձնակի կարեւորություն ունի
Պետությունը ծխախոտ արտադրողներին կստիպի իրազեկել դրանց վնասակարության մասին ...



02-07-2020
2019 թ. արձանագրված 7.6 տոկոս տնտեսական աճը լավ պաշար է 2020-ի համար
Գործադիրն իր գործողություններով ...

02-07-2020
Էռնեստ Հեմինգուեյն ու հայերը
«Այստեղ վիճել են Հեմինգուեյն ու ...

02-07-2020
Անգելա Մերկելը կղեկավարի ԵՄ-ն
Եվրոպական երկրների կառավարությունների ...

02-07-2020
Մխիթարյանը մնում է «Ռոմայում». ի՞նչ կփոխվի մրցաշրջանի ավարտին
Իտալական «Ռոման» պաշտոնապես հայտարարել է Հենրիխ ...
USD
EURO
RUR
GEL
Եղանակը Երևանում
գիշերը +17... +19
ցերեկը +31... +33

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO