Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.06.2020
ԼՂՀ


«Արեւելյան պտուղների արքան» գայթակղեց բոլորին

Նռան ավանդական փառատոնը կայացավ

Դավիթ ՄԻՔԱՅԵԼՅԱՆ
d.miqayelyan@hhpress.am


Արցախյան նուռը՝ «արեւելյան պտուղների արքան», մեծ պահանջարկ ունի միջազգային շուկայում, առավել եւս «նռան հայրենիք համարվող» Մարտունու շրջանում աճեցված բերքը, որն աչքի է ընկնում ընդգծված վառ կարմիրով, խոշոր հյութառատ հատիկներով, «պատրաստի նատյուրմորտ» հիշեցնող գեղագիտական իր բաղադրիչներով... Պատահական չէ, որ շրջանի այգեգործները նվաճել են իրենց բերքով հպարտանալու իրավունքը, եւ հենց Մարտունի քաղաքում է ամեն տարի նռան փառատոն կազմակերպվում՝ իր «հյուրընկալ դռները բացելով» հազարավոր այցելուների եւ զբոսաշրջիկների առաջ։
Ավանդական դարձած տոնին բծախնդրորեն էին նախապատրաստվել տանտերերը՝ քաղաքի կենտրոնական հրապարակում, որ լեգենդար զորավար, Հայաստանի եւ Արցախի ազգային հերոս Մոնթե Մելքոնյանի անունն է կրում՝ խնամքով ու բարձրաճաշակ ձեւավորելով շուրջ 150 տաղավար։ Փառատոնին, որ օրհնել է Հայ առաքելական եկեղեցու փոխառաջնորդ տեր Սահակ վարդապետ Շաքարյանը, մասնակցել են շրջանի բոլոր համայնքները։ Ըստ որում, կազմակերպիչների խոսքով, «նռան փայլող ընտրանին է» երեւան հանվել՝ աշնան մյուս անուշահամ բերք ու բարիքի հետ։ Եվ տանտերերը մի կողմից լիառատ հյուրասիրում էին այցելուներին, մյուս կողմից՝ մատչելի գնով վաճառում բարիքը։ Իսկ այստեղից ոչ ոք դատարկաձեռն տուն չգնաց, անգամ հանրապետության նախագահ Բակո Սահակյանը, ով պետական այրերի ուղեկցությամբ տոնի առիթով եկել էր շնորհավորելու այգեգործներին։
Ինչպես զրույցի ժամանակ գյուղատնտեսության նախարար Ժիրայր Միրզոյանը տեղեկացրեց, կառավարության նոր հայեցակարգում առանձին ուշադրության է դարձվում այգեգործության զարգացմանը, մասնավորապես՝ նռան այգիների ընդլայնմանը։ Միայն այս տարի գրեթե 1000 հեկտար նռան այգի է հիմնադրվել եւ մինչեւ 2021 թ. նախատեսվում է եւս 2000 հեկտար տունկ կատարել՝ հաշվի առնելով նռան լայն պահանջարկը միջազգային շուկայում։ «Այս տարի բոլոր համայնքներում ռեկորդային բերք է աճեցվել, ու արդեն շուրջ 2500 տոննա նուռ է հավաքվել։ Նրա զգալի մասը արտահանվում է տարբեր շուկաներ, գլխավորապես Ռուսաստանի Դաշնություն,–նշեց նախարարը։–Ուշագրավ է հատկապես այն հանգամանքը, որ հոկտեմբերի 15—ի դրությամբ հավաքված բերքը գրեթե 2.5 անգամ գերազանցում է 2018—ի ցուցանիշը»։
Փառատոնին, ու ամբողջ օրվա ընթացքում բարձր տրամադրություն էր տիրում, պանրի հետ թարմ թոնրահաց, կարկանդակներ եւ քաղցրահամ գաթաներ, անմահական հյութ ու գինի էին հյուրասիրում այցելուներին, իսկ արվեստի սաների ուրախ երգն ու պարը, այգեգործի, նռան գովքն անող զվարթ ելույթներն ավելի էին խոհրդանշում տոնի անհրաժեշտությունը, որից ոչ ոք անմասն չմնաց։ Անգամ Հաղորտի դպրոցի աշակերտներն էին հանրօգուտ գործով զբաղված. ովքեր փաթեթավորում էին վաճառքի հանված ապրանքը եւ որոշել էին ստացված գումարով աղբամաններ գնել գյուղի համար...
Երբ հրաժեշտից առաջ հետաքրքրվեցի, թե ինչու, այնուամենայնիվ, Մոնթե Մելքոնյանի անվան հրապարակն է փառատոնի համար հավաքատեղի դարձել, մարտունեցիները հպարտությամբ պատասխանեցին. «Այլ որոշում չէր էլ կարող լինել, Ավոն նուռ շատ էր սիրում»...
Ստեփանակերտ

22-10-2019





03-06-2020
Բնակարանների շուկայական արժեքի եւ գույքահարկի հավասարակշռումն անհրաժեշտ է
Օրերս կառավարությունն ընդունել է որոշում, որով նախատեսվում է 2021 ...


03-06-2020
ԱԺ-ի դերը սահմանադրական փոփոխությունների հարցում
Ինչ խնդիրներ կան խորհրդարանական կառավարման համակարգի կայացման ճանապարհին



03-06-2020
Հայաստանում հաստատվել է COVID-19-ի 515, մահվան 12 նոր դեպք
Հայաստանում հունիսի 3-ին, ժամը 11:00-ի դրությամբ հաստատվել է կորոնավիրուսային ...


03-06-2020
Մայրությունը չի կարող լինել առօրյա
«Եւ մոռցաք այն մխիթարութիւնն որ ձեզ հետ ինչպէս որդիների ...


03-06-2020
Դիմակ կրելն անհրաժեշտ է, բարեկամնե՛ր
Մի քիչ մարդասեր ու կարգապահ լինելը մեզ չի ...


03-06-2020
Որտե՞ղ է ընկել արտասովոր երկնաքարը
Պարզաբանում է Բյուրականի աստղադիտարանի տնօրենը

«Առհասարակ, եթե ...


03-06-2020
Մտքում՝ Աստված, ձեռքին՝ գրիչ
Հայ անվանի գրող Պերճ Պռոշյանի ծննդյան օրվա առթիվ

Սիրում ...



03-06-2020
Միջնադարյան խազերի վերծանման թեման այսօր էլ է օրակարգում
Հայ երաժշտական մտածողության հիմնական ...

03-06-2020
Ուխտագնացություն Բերդաձոր
Մայիսի 30-ին Քաշաթաղի շրջանի մի խումբ ...

03-06-2020
Լիբիայում հակամարտությունները նոր փուլ են մտնում
Լիբիայում շարունակվում են հակամարտությունները, ...

03-06-2020
Լեւոն Արոնյանի հերթական մեկնարկը
Լեւոն Արոնյանը պատրաստվում է մասնակցել շախմատի ...
USD
EURO
RUR
GEL
Եղանակը Երևանում
գիշերը +12... +14
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO