Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.06.2020
ՏՆՏԵՍՈՒԹՅՈՒՆ


Հարյուրավոր միլիոնների աջակցություն գործարարներին

Կառավարությունը արտոնություն տվեց երկու ընկերությունների

Արմենուհի ՄԵԼՔՈՆՅԱՆ
a.melqonyan@hhpress.am


Կառավարության երեկվա նիստում արտոնություն տրվեց երկու ընկերությունների՝ «ԱԷՍ թրեյդ» ՍՊԸ-ին եւ «ՍԻԼ-ՄԱԱԶԱ» ՍՊԸ-ին։
Գործադիրը նախ բավարարեց «ԱԷՍ թրեյդ» ՍՊԸ-ի հայտը՝ գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը եւ նյութերը ներմուծման մաքսատուրքից ազատելու արտոնությունից օգտվելու համար։
«ԱԷՍ թրեյդ»-ի կողմից ներմուծվող ապրանքներն օգտագործվելու են պոլիվինիլ քլորիդ պրոֆիլների արտադրության համար (լուսաթափանց կոնստրուկցիաներով դռների եւ պատուհանների արտադրություն, Երեւան)։ Նախատեսվում է ծրագրի շրջանակում իրականացնել 7 մլրդ 686 մլն 73 հազար դրամի ներդրում հումքի ձեռքբերման համար։ Ներկայումս կա 64 աշխատատեղ։ Նախատեսվում է ներդրումային ծրագրի շրջանակում ստեղծել 30—40 նոր աշխատատեղ՝ 145 հազարական դրամ միջին աշխատավարձով։ Ծրագրով նախատեսված արտադրանքի ընդհանուր ծավալը կկազմի 8 մլրդ 838 մլն 900 հազար դրամ, որից 6,4 մլրդ դրամի արտադրանքը կիրացվի մեր երկրի տարածքում, 2,3 մլրդ դրամի արտադրանքը՝ երրորդ երկրների տարածքում։
Արտոնություն ստանալու համար ներկայացված ապրանքների արժեքը կազմում է 7,6 մլրդ դրամ։ Մաքսատուրքի ազատման արտոնությունը կազմում է 473 մլն դրամ։
Ներմուծվող ապրանքները չեն ներմուծվում ԵԱՏՄ անդամ երկրներից, քանզի չեն բավարարում ընկերության տեխնիկական պահանջներին։
Էկոնոմիկայի նախարար Տիգրան Խաչատրյանն ասաց, որ ընկերությունը գործում է Երեւանում 2013թ.—ից։ «ԱԷՍ թրեյդ»—ը սարքավորումներ, հումքեր ու նյութեր է ներկրելու Գերմանիայից, Բելգիայից, Իրանից, Կորեայից, ԱՄՆ—ից։
Արտոնություն տրվեց նաեւ «ՍԻԼ—ՄԱԱԶԱ» ՍՊԸ—ին (հայտնի գործարար Խաչատուր Սուքիասյանինն է), որ հիմնադրվել է 2012թ.։ Ներդրումային ծրագրի շրջանակներում 2019թ. հոկտեմբերի 15—ից մինչեւ 2021թ. դեկտեմբերի 31—ը ներառյալ ներմուծվող ապրանքների ավելացված արժեքի հարկի վճարման ժամկետը հետաձգվեց ներմուծման հայտարարագրման օրվանից հաշված 3 տարի ժամկետով։
Այս ընկերությունը հյութեր, զովացուցիչ ըմպելիքներ է արտադրում։ «Այս ծրագրով ընկերությունը պատրաստվում է ձեռք բերել շշերի կաղապարներ։ Նաեւ պատրաստվում է ավելի ուշ ներդրումներ անել ավելի բարձր արտադրողականությամբ շշալցման հոսքագծեր ձեռք բերելու միջոցով եւ ընդլայնել արտադրատեսականին»,—պարզաբանեց Տիգրան Խաչատրյանը։
Նախատեսվում է իրականացնել մոտ 119 մլն դրամի ներդրումներ, որից սարքավորումների արժեքը կկազմի 93 մլն դրամ, իսկ այլ ապրանքներ ձեռք բերելու համար նախատեսված գումարը կկազմի շուրջ 25.9 մլն դրամ։ Այս ընդլայնման արդյունքում ընկերությունում կստեղծվի 17 նոր աշխատատեղ՝ 160—170 հազարական դրամ միջին աշխատավարձով։

25-10-2019





03-06-2020
Բնակարանների շուկայական արժեքի եւ գույքահարկի հավասարակշռումն անհրաժեշտ է
Օրերս կառավարությունն ընդունել է որոշում, որով նախատեսվում է 2021 ...


03-06-2020
ԱԺ-ի դերը սահմանադրական փոփոխությունների հարցում
Ինչ խնդիրներ կան խորհրդարանական կառավարման համակարգի կայացման ճանապարհին



03-06-2020
Հայաստանում հաստատվել է COVID-19-ի 515, մահվան 12 նոր դեպք
Հայաստանում հունիսի 3-ին, ժամը 11:00-ի դրությամբ հաստատվել է կորոնավիրուսային ...


03-06-2020
Մայրությունը չի կարող լինել առօրյա
«Եւ մոռցաք այն մխիթարութիւնն որ ձեզ հետ ինչպէս որդիների ...


03-06-2020
Դիմակ կրելն անհրաժեշտ է, բարեկամնե՛ր
Մի քիչ մարդասեր ու կարգապահ լինելը մեզ չի ...


03-06-2020
Որտե՞ղ է ընկել արտասովոր երկնաքարը
Պարզաբանում է Բյուրականի աստղադիտարանի տնօրենը

«Առհասարակ, եթե ...


03-06-2020
Մտքում՝ Աստված, ձեռքին՝ գրիչ
Հայ անվանի գրող Պերճ Պռոշյանի ծննդյան օրվա առթիվ

Սիրում ...



03-06-2020
Միջնադարյան խազերի վերծանման թեման այսօր էլ է օրակարգում
Հայ երաժշտական մտածողության հիմնական ...

03-06-2020
Ուխտագնացություն Բերդաձոր
Մայիսի 30-ին Քաշաթաղի շրջանի մի խումբ ...

03-06-2020
Լիբիայում հակամարտությունները նոր փուլ են մտնում
Լիբիայում շարունակվում են հակամարտությունները, ...

03-06-2020
Լեւոն Արոնյանի հերթական մեկնարկը
Լեւոն Արոնյանը պատրաստվում է մասնակցել շախմատի ...
USD
EURO
RUR
GEL
Եղանակը Երևանում
գիշերը +12... +14
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO