Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

12.07.2020
ԼՂՀ


Մեկնարկել են մուրացանյան ավանդական օրերը

Գլխավոր շեշտադրումներն ուղղված են գրականության զարգացմանը

Դավիթ ՄԻՔԱՅԵԼՅԱՆ
d.miqayelyan@hhpress.am


Ավանդական դարձած մուրացանյան օրերը (փառատոն) Արցախում գրողի ստեղծագործությունների երկրպագուները 35—րդ անգամ են նշում։ Իսկ տոնակատարություններին, որ մեկնարկել են վիպասանի ծննդավայր Շուշիում՝ նրա մարմարակերտ հուշարձանին ծաղիկների տեղադրմամբ, ներկայացել էին բերդաքաղաքի հասարակության ներկայացուցիչները, պետական այրեր, գրողներ ու գիտնականներ, մանկավարժներ, ուսանողներ։ Այստեղ էր եւ Հայաստանից ժամանած մտավորականների պատվիրակությունը, որի կազմում են ճանաչված գրողներ ու գրականագետներ, արվեստագետներ։
Բացելով հանդիսավոր ցերեկույթը, ԼՂՀ ԳՄ նախագահ Վարդան Հակոբյանն արժեւորեց մեծ գրողի ու գեղագետի ստեղծագործական անցած ճանապարհը՝ ընդգծելով նրա պատմական երկերի դերը սերունդներին հայրենասիրական ոգով դաստիարակելու, հանուն պետականության, ինքնության պահպանման ժողովրդին համախմբելու եւ թշնամու դեմ պայքարելու գործում. «Մուրացանն այն անհատականություններից է, ով լինելով միասնության ու գաղափարների ջատագով, ազգի գոյության հիմքը համարեց բարոյականությունը եւ սերունդներին պատգամեց դասեր քաղել պատմությունից։ Քարոզելով միաբանություն եւ միասնություն, մարդասիրություն, նա ասես քարտեզագրել է մեր ժողովրդի՝ փորձություններով եւ մաքառումներով լի անցնելիք ճանապարհը։ Մուրացանի գործերը մեզ ոգեշնչում, ապրեցնում են, ուսուցանում կյանքի գոյատեւման, պայքարի ճշմարիտ դասեր, որպեսզի երբեք չսխալվենք։ Նրա պատգամները լուսավոր ուղեցույց էին ինչպես Արցախի պատերազմի տարիներին, այնպես էլ այսօր, երբ հանուն գաղափարի, հանուն մեր վերջնական նպատակների իրագործման՝ այսօր դարձյալ միաբանվելու կարիք ունենք։ Այն իրողությունը, որ ամեն տարի Մուրացանն իր շուրջն է հավաքում հայոց աշխարհի մտավորականության լավագույն ներկայացուցիչներին՝ գրողներին, գիտնականներին, մտավորականներին, այդ պահանջը «կիրառելու» լավագույն օրինակներից մեկն է»։
Գրականագետ Արմեն Ավանեսյանի համոզմամբ, մեծ դասականի ստեղծագործություններն այսօր էլ կենսունակ են ու երբեք չեն կորցնում իրենց հնչեղությունը։ Արցախի այսօրվա անկախությունն ու ազատությունը ցրում են բոլոր պատրանքները եւ որպես հոգեւոր սնունդ՝ հագեցնում մարդկանց ծարավը. «Հայրենասիրությունը Մուրացանի մոտ պաճուճված չէ եւ վեր է բոլոր արժեքներից։ Նա իր երկերում քարոզում էր սիրո եւ համերաշխության գաղափարը։ Այդ արժեքները մենք պարտավոր ենք պահպանել, որովհետեւ հենց ընտանիքն է պետության հիմքը»։
Տոնի կապակցությամբ գրչակից ընկերներին ողջունեցին նաեւ բանաստեղծուհի Նվարդ Ավագյանը, գրականագետ Զինաիդա Բալայանը, երիտասարդ բանաստեղծ Սերգեյ Գրիգորյանը եւ ուրիշներ։ Միջոցառումը խորհրդանշվեց եւս մի հաճելի իրադարձությամբ։ Գրական ընտանիքի ղեկավար Վարդան Հակոբյանը հանդիսավոր պայմաններում երիտասարդ երեք ստեղծագործողի Արցախի գրողների միության անդամության տոմսեր հանձնեց։
Շուշիի Ամենափրկիչ Սուրբ Ղազանչեցոց եկեղեցում մոմավառությունից հետո փառատոնի մասնակիցներն ուղեւորվեցին մայրաքաղաք Ստեփանակերտ, ուր «Գրիգոր Նարեկացի» համալսարանի դահլիճում հրավիրվել էր գիտաժողով՝ «Նորը եւ ավանդականը՝ ժամանակակից հայ գրականության մեջ» թեմայով։ Զեկուցումներով հանդես եկան գրականագետներ Արքմենիկ Նիկողոսյանը, Հասմիկ Հակոբյանը, Հովիկ Մուսայելյանը, Կիմ Գաբրիելյանը, Արմեն Ավանեսյանը։ Բանախոսներն անդրադարձան հայ դասական եւ արդի վիպասանության զուգահեռներին ու վիպասանության առանձնահատկություններին, վերլուծության ժամանակ փորձ արվեց բացահայտել արդիականության եւ պատմականության խնդիրը։
Երեկ փառատոնի շրջանակում «Գրիգոր Նարեկացի» համալսարանի Արեւմտահայերենի, հայագիտության գիտահետազոտական կենտրոնում անցկացվեց վարպետաց դաս, որը վարեցին ավագ գրողներն ու գրականագետները։
Ստեփանակերտ

29-10-2019





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO