Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

12.11.2019
ԼՂՀ


Վանք գյուղում վերամշակման գործարան է հիմնադրվել

Վերականգնվում է արցախյան մեղրի երբեմնի համբավը

Դավիթ ՄԻՔԱՅԵԼՅԱՆ
d.miqayelyan@hhpress.am


Մեղվաբուծությունն Արցախում գյուղատնտեսության ավանդական ճյուղերից է, եւ վերջին տարիներին ոլորտում զարգացման ուղղությամբ լուրջ առաջընթաց է արձանագրվել։ «Ամերիկյան հայ տեխնոլոգիական խմբի» ձեռնարկումը միտված էր ինչպես մեղվափեթակների տրամադրմանը բազմանդամ ընտանիքներին, այնպես էլ մասնագետների պատրաստմանը (ուսուցմանը)։ Նախաձեռնությունը լայն շարժում առաջ բերեց հանրապետությունում, եւ ավելի մեծ թվով մարդիկ սկսեցին համագործակցել խմբի հետ։
Ճյուղի երբեմնի համբավի վերականգնմանը նպաստեց նաեւ Արցախի գյուղի եւ գյուղատնտեսության աջակցման հիմնադրամը, որն արտոնյալ վարկեր տրամադրելով մեղվաբույծներին՝ նրանց հնարավորություն ընձեռեց տիրապետել ժամանակակից տեխնոլոգիաներին եւ ներդրումների հաշվին ընդլայնել արտադրությունն ու եկամուտներ ապահովել։ Գործընթացի արդյունավետ կազմակերպման գործում, անշուշտ, անուրանալի դերակատարություն ունի նաեւ Արցախի մեղվաբույծների ասոցիացիան, որի կողմից քայլեր են ձեռնարկվում ինչպես նրանց շահերի պաշտպանման, այնպես էլ ֆերմերների թվի ավելացման, բացառապես անարատ, էկոլոգիապես մաքուր մեղր արտադրելու եւ միջազգային շուկա արտահանելու համար։
Եթե նախկինում բարձրորակ մեղրի արտադրությամբ աչքի էին ընկնում Մարտունու, Մարտակերտի, Ասկերանի, Հադրութի եւ Շուշիի շրջանները, ապա այսօր սպառողներին ներկայացնելով բացառապես անարատ արտադրանք՝ Արցախում որպես առաջատարներ աչքի են ընկնում Մարտակերտի, Քաշաթաղի եւ Շահումյանի շրջանների մեղվաբույծները, որոնց փաթեթավորած ապրանքը լայն պահանջարկ է վայելում արտերկրում։ Իսկ գյուղոլորտի մյուս կառույցների պատասխանատուների ջանքերի համատեղումը նորանոր ձեռքբերումներ կարող է ապահովել որակի եւ քանակի բարելավման ուղղությամբ, ինչը կարեւոր նախապայման է Արցախն անարատ մեղրի երկիր հռչակելու համար։ Ասվածի վկայությունն է օրերս Վանք գյուղում մեղրի վերամշակման եւ արտադրանքի փաթեթավորման ձեռնարկության գործարկման մեկնարկը, որի հանդիսավոր բացմանը պետական այրերի ուղեկցությամբ ներկա էր նաեւ նախագահ Բակո Սահակյանը։
Երկրի ղեկավարը շրջել է արտադրամասից արտադրամաս, որտեղ ժամանակակից սարքավորումներ եւ հոսքագծեր են տեղադրվել, հետաքրքրվել նորածնունդ ձեռնարկության տեխնիկական հագեցվածությամբ, հետեւել մեղրի մշակման հոսքային գործընթացներին եւ գոհ մնացել իրականացված ծրագրից։ Մասնագետները տեղեկացնում են, թե ինչ է արվում, որպեսզի առանց լրացուցիչ հավելումների երկար ժամանակ պահպանվեն մեղրի որակական բաղադրիչները։ Ձեռնարկությունը հիմնադրել է «Հանի Հաուս» կազմակերպությունը, իսկ իրականացվել է Արցախի գյուղի եւ գյուղատնտեսության աջակցման հիմնադրամի տրամադրած արտոնյալ վարկի շնորհիվ։
Հատկանշական է, որ գործարանի կառուցման գաղափարը նախագահ Բ. Սահակյանինն է, ով պատրաստակամություն է հայտնել աջակցել զորացրված սպաների համար նոր աշխատատեղերի բացմանը եւ նպաստել եկամտի լրացուցիչ աղբյուրի ստեղծմանը։
Հիմնադրամի ղեկավար Տիգրան Ծատուրյանի խոսքով՝ վարկառուներին տրամադրվել են մեղվափեթակներ, եւ երկու տարի անց պետական ծրագիրը տվել է ցանկալի արդյունքներ։ Արտադրված մեղրն անմիջապես ընդունվում է գործարանում, վերամշակվում եւ փաթեթավորվում։ Ու գաղտնիք չէ, որ բարձրորակ ապրանքն անմիջապես սպառվում է շուկայում՝ եկամուտներ ապահովելով։ Ավանդական ճյուղը զարգացնելուն նպաստում է մեղվաբույծների ասոցիացիայի նախագահ Սուրեն Գրիգորյանը, ով արտերկրից հայրենիք է եկել արցախյան մեղրի համբավը վերականգնելու առաքելությամբ։
«Մենք աշխարհում մեղվաբուծության զարգացման դեռ չկիրառված ցանցային նոր տարբերակ ենք հիմնադրել, որը կարող է անսահման քանակությամբ ֆերմերների անդամագրել մեծ ընտանիքում,–ասում է նա։–Ստեղծված այս հարթակը հնարավորություն է ընձեռում արտադրված մեղրը ոչ միայն վերամշակել եւ փաթեթավորել, այլեւ խորհրդատվական լայն ծառայություններ մատուցել երիտասարդ մեղվաբույծներին»։
«Հանի Հաուսի» հիմնադիր, գործարար Էրիկ Մկրտումյանն էլ հավելեց, որ ծրագրից օգտվել է 25 շահառու, նրանց տրամադրվել է 600—ից ավելի մեղվափեթակ, եւ արտադրվել է 5 տոննա մեղր։ Ըստ Է. Մկրտումյանի, ծրագրվում է մինչեւ 2020 թ. ունենալ 60—70 շահառու եւ 2 հազար մեղվափեթակ։ Նա ավելորդ չհամարեց, նշել, որ ստացված շահույթից առաջին «մեղվաբույծ միլիոնատերերը» մտադիր են գալիք տարում կրկնապատկել մեղվափեթակների թիվը։
Ստեփանակերտ

30-10-2019





12-11-2019
Առկա մարտահրավերներից մի քանիսն արդեն քթներիս տակ է
Հայկական կողմն իրավիճակը շտկելու հստակ գործիքներ ունի

Արմենուհի ՄԵԼՔՈՆՅԱՆ
a.melqonyan@hhpress.am




12-11-2019
Իրաքյան ճգնաժամը հաղթահարելու նոր ջանքեր
Բացառված չէ, որ կարգավորումը երկարաձգվի

Էմմա ԲԵԳԻՋԱՆՅԱՆ
e.begijanyan@hhpress.am


Ներքին լուրջ ...


12-11-2019
Առաջաբանի փոխարեն
Կամ՝ երկու խոսք հեղինակից

Սիրելի ընթերցող, մենք սկսում ...


12-11-2019
Սիրիան, Թուրքիան, քրդական գործոնը եւ հայկական հարցը՝ միջազգային նախաօրակարգում
Հայաստանի հեռանկարային արտաքին քաղաքականությունը պիտի կիրառական դարձնել

Արմենուհի ՄԵԼՔՈՆՅԱՆ
a.melqonyan@hhpress.am




12-11-2019
Դաշնակցային հարաբերություններ ու ռազմավարական գործընկերություն բոլոր ոլորտներում
Նախագահ Արմեն Սարգսյանը հյուրընկալել է
ՌԴ ԱԳ նախարար ...


12-11-2019
«Հույս ունենք, որ առեւտրաշրջանառությունը կհասնի 2 մլրդ դոլարի»
Վարչապետ Նիկոլ Փաշինյանն ընդունել է
ՌԴ ԱԳ նախարար ...


12-11-2019
«Երեք կռանը» կրկին «խոսեց»...
Արձագանքելով ստեփանակերտցիների խնդրանքին՝ քաղաքապետ Դավիթ Սարգսյանի հանձնարարությամբ երկու շաբաթ ...



12-11-2019
Մագիստրատուրան՝ բակալավրիատի կրկնությո՞ւն
Հին խնդրի արդիական ...

12-11-2019
Թալիշի նորակառույց դպրոցը բացեց հյուրընկալ դռները
Վերածնված գյուղը գրկաբաց է ընդունում իր ...

12-11-2019
Կպահպանվի՞, արդյոք, ավանդույթը
Հայաստանի ֆուտբոլի ազգային հավաքականը, ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO