Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.11.2020
ԱՅԼՔ...


Երբ մասնագետին մասնագիտությունը հաճելի չէ

Ովքե՞ր են տուժողները կամ «մունաթի ենթարկվողները»

Թամարա ՄՈՒՐԱԴՅԱՆ
t.muradyan@hhpress.am


Որեւէ մասնագետի մասնագիտական ու աշխատանքի ճիշտ ու հիմնավորված ընտրությունն ազդեցություն ունի ոչ միայն տվյալ անձի, նրա մասնագիտական գործունեության ու ոլորտի վրա, այլեւ տվյալ ոլորտում, այսպես ասած, սպառող հանդիսացողների վրա։ Մասնագետի «խրոնիկ» դարձած կամ անհիմն դժգոհությունները իր մասնագիտությունից կամ էլ թե աշխատանքային պայմաններից, պետք է հանգեցնեն ոլորտից ինքնակամ հեռացման։ Հակառակ դեպքում, որեւէ երաշխիք չկա, որ նրա մատուցած ծառայությունը որակյալ է։ Իսկ դա ռիսկային է, եթե առնչվում է մարդկային կյանքերի ու ճակատագրերի հետ։ Այդ դեպքում պետք է հուսալ, որ գոնե դժգոհող մասնագետ—աշխատակցի կողմից հարցը դրսեւորվող «մունաթով» կփակվի։
Ծառայությունների մատուցման ոլորտում՝ կրթությունից, առողջապահությունից մինչեւ խանութ ու առեւտուր, «մունաթը» բավականին արդիական է։ Ո՞րն է հիմքը՝ գուցե հոգնե՞լ են իրենց մասնագիտական գործունեությունից, կամ էլ թե աշխատավա՞րձը չի գոհացնում... Վերջերս հետեւյալ արդարացումը հնչեցվեց. «Իրեն էլ հասկացեք՝ քիչ է վարձատրվում, հետն էլ օրական 100 տարբեր բնավորությամբ մարդու հետ է առնչվում»։ Բայց, օրինակ, առողջապահության ոլորտում արդյո՞ք դա պացիենտի մեղքն է։ Վերջինս էլ հոգնում է իրեն շարունակ հետապնդող առողջական խնդիրներից, գումարած նաեւ հնարավոր ցածր աշխատավարձը, որը, չի բացառվում, որ չի էլ ծածկում գոնե առողջապահական ծախսերը։ Ուրեմն՝ պետք է շրջանցե՞լ քաղաքավարության ու քաղաքակրթության կանոններն ու թեման շարունակել։ Պատկերացնել է պետք՝ դա ինչի կարող է հանգեցնել, թեպետ, նման դեպքերի ականատեսներ կան։
Հասարակության տարբեր շրջանակներում հաճախ են բարձրաձայնում, որ ինչ—որ ծառայությունից օգտվելիս առաջին հերթին փորձում են աշխատակցի դեմքի արտահայտությունից կանխատեսել սպասվող վերաբերմունքը։ Բայց միաժամանակ պետք է արձանագրել, որ վերաբերմունքի առումով նկատելի է նաեւ դրական դինամիկան։ Այդ դինամիկան ապահովվում է նաեւ երիտասարդ կադրերի մուտքով։ Մի կողմից նրանք նախկին բարքերի կրողները չեն, մյուս կողմից էլ՝ թարմ ուժերով ու մեծ պատրաստակամությամբ են։ Թե նրանք ե՞րբ կհիասթափվեն կամ էլ առհասարակ կհիասթափվե՞ն իրենց մասնագիտական գործունեությունից, թե՞ ոչ՝ ժամանակը ցույց կտա։
Հիմա մի բան է ակնհայտ՝ հասարակության շրջանում կարծրատիպեր են «կոտրվում»։ Նախկինի համեմատ, այսօր փորձառու «վետերաններին» զուգահեռ բավականին մեծ վստահություն են վայելում նաեւ երիտասարդ կադրերը ու դա՝ բոլոր ոլորտներում։ Մտածելակերպը, թե երիտասարդները փորձի պակաս ունեն, հետեւաբար, պետք չէ վստահել, աստիճանաբար, անցնում է լուսանցք։ Հիմքում նաեւ մեր օրերի՝ նրանց ընձեռած առավել լայն հնարավորություններն են։ Դրանք թույլ են տալիս երիտասարդներին կիրառելով տարբեր օտար լեզուների տիրապետելու եւ համակարգչային գիտելիքների հնարավորությունները՝ մասնագիտական լրացուցիչ տեղեկատվություն ձեռք բերել կողմնակի աղբյուրներից, կապ հաստատել աշխարհի հետ եւ փորձն ավելացնել օր օրի՝ դրա համար չսպասելով ապագայի անորոշ ժամանակում կայանալիք ինչ—որ դասընթացի։
Բայց մի կողմ թողնելով տարիքը, փորձը եւ մյուս խնդիրները, պետք է արձանագրել, որ ցանկացած պարագայում առաջնայինն ու որոշիչը սերն են ընտրած մասնագիտության նկատմամբ։ Հակառակ պարագայում հիմնական գործոնը լինելու է իներցիայինը։ Իսկ թե դա մինչեւ ո՞ւր կտանի...

31-10-2019





24-11-2020
Վայրկյան անգամ չհապաղելու ժամանակը
«Կարող ենք կառուցել այնպիսի տնտեսական համակարգ, որը հնարավորություն կտա ...


24-11-2020
Ժամանակն է սանձել Թուրքիային
Էրդողանի աշխարհաքաղաքական ամբիցիաներն ուժգին հարվածում են երկրի տնտեսությանը



24-11-2020
Լոնդոնը ձգտում է օգտագործել Անկարային՝ ընդդեմ Մոսկվայի
Մուրը սերտ հարաբերություններ էր հաստատել Բաքվի վերնախավի ներկայացուցիչների հետ


24-11-2020
Քանի՞ քայլ է մինչեւ հաղթանակ
Այն կարող է սկսվել միայն համախմբման միջոցով

Պատմությունը ...


24-11-2020
Փոքրիկ քննության փորձ
Ինչ է նստած մեր ազգային գենետիկ հիշողության ծալքերում



24-11-2020
Ինչո՞ւ Ռուսաստանը չպետք է թուրքական նարդի խաղա Կովկասում
Էրդողանի որոշակի համառությունը կարող է շատ արագ վերածվել ստրկամտության ...


24-11-2020
Նա մեծ արվեստ էր եկել հետնամուտքով
Իսկ դրանից հեռանալու համար վաստակել էր շքամուտքի իրավունքը




24-11-2020
Պետք է կարողանանք ավելի կոնկրետ եւ ամբողջական տեղեկատվություն հաղորդել
Վարչապետը հանդիպումներ կունենա անհետ կորած եւ ...

24-11-2020
Ավելի քան 2.1 միլիոն եվրոյի խոստում–նվիրատվություն
Նոյեմբերի 22-ին «Հայաստան» համահայկական հիմնադրամի ...

24-11-2020
Վահրամ Դումանյանը նշանակվել է ԿԳՄՍ նախարար
ՀՀ նախագահ Արմեն Սարգսյանի հրամանագրերով Արայիկ ...

24-11-2020
Կա փոխվստահություն, եւ կարող ենք աշխատել հանուն ապագայի
Մեկնարկել է ՀՀ նախագահի այցը Հորդանան
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO