Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

12.11.2019
ԼՂՀ


Ուրվագծելով կրթության նոր տեսլականը

Եռօրյա քննարկումներ Ստեփանակերտում

Դավիթ ՄԻՔԱՅԵԼՅԱՆ
d.miqayelyan@hhpress.am


Եռօրյա քննարկումներից հետո Արցախի մայրաքաղաք Ստեփանակերտում իր աշխատանքներն ավարտեց ՀՀ կրթության, գիտության, մշակույթի եւ սպորտի նախարարության աջակցությամբ՝ «Դասավանդիր, Հայաստան» կրթական հիմնադրամի ու ԱՀ կրթության, գիտության եւ սպորտի նախարարության նախաձեռնած ֆորումը։
Ըստ «Դասավանդիր, Հայաստան» հիմնադրամի տարածաշրջանային համագործակցության եւ համայնքային զարգացման տնօրեն Գրիգորի Հովհաննիսյանի, միջոցառման նպատակն է «ստեղծել ոչ միայն կրթական հիմնախնդիրների եւ ոլորտի առջեւ ծառացած մարտահրավերների բացահայտման հարթակ, այլեւ քննարկումների արդյունքում կոնկրետ առաջարկություններով հանգելու նրան, թե ինչպես բարելավել եւ փոխել կրթությունը, ստեղծել կրթական մի այնպիսի միջավայր, որտեղ ուսումնառությունը լինի հաճելի, սովորողները ճիշտ կողմնորոշվեն եւ գտնեն իրենց տեղը հասարակության մեջ»։
Արձանագրենք, որ Արցախում առաջին անգամ է նման ձեւաչափով միջոցառում կազմակերպվում։ Նոր էր ինչպես կառուցվածքը, այնպես էլ աշխատակարգը։ Իր գոհունակությունը հայտնելով մասնակիցների ակտիվ ելույթների կապակցությամբ՝ ֆորումի աշխատանքներն արդյունավետ գնահատեց «Դասավանդիր, Հայաստան» կրթական հիմնադրամի տնօրեն Արթուր Մարտիրոսյանը, որի ընթացքում «արհեստավարժ, բարձրակարգ մասնագետներն աշխատանքային խմբերում ցուցադրեցին ժամանակակից ուսուցման մեթոդները՝ ամենատարբեր ձեւաչափերով, որոնք գործնական կողմնորոշիչ դեր կխաղան դասավանդման ժամանակ»։
Ֆորումի մասնակիցներին կրթական խնդիրների վերաբերյալ իրենց մոտեցումներն են ներկայացրել Երեւանի «Արեգնազան» կրթահամալիրի ուսուցիչ Արա Աթայանը եւ «Այբ» դպրոցի գործադիր տնօրեն Արամ Փախչանյանը։ Եթե Ա. Աթայանի կարծիքով ուսուցիչը պետք է կարողանա աշակերտին տալ այն ամենը, ինչը կարեւոր է նրա ընդունակությունների զարգացման համար, ապա Ա. Փախչանյանը կարծում է, որ «որպես կրթական համայնք՝ պետք է միավորվել, պայքարել պարզամտության դեմ եւ ապահովել արդյունավետ ստեղծագործական աշխատանքի տարածք»։
Հատկանշական է, որ հիմնադրամի նորարարական գաղափարներն արդեն իսկ կիրառվում են Արցախի 21 դպրոցում։ Քաշաթաղի շրջանի Արտաշավի դպրոցի տնօրեն Վերա Խաչատրյանը խոստովանեց, թե սկզբնական շրջանում որքան թերահավատ էին իր գլխավորած կրթօջախում, երբ խոսք եղավ այն մասին, որ ֆիզկուլտուրա դասավանդող նոր ուսուցիչը ծրագրում է ուսուցման գործընթացը վերափոխել։ Տքնանքի եւ պրպտուն մտքի, դասավանդման նոր մեթոդների կիրառման շնորհիվ նրան հաջողվեց հասնել նպատակին, եւ ուսանելի օրինակը խանդավառեց շատերին։ Ֆորումի մասնակիցներից յուրաքանչյուրը, հանդիպումից տպավորված, նորը, ուսանելին իր հետ տանելու, մտածողություն եւ միջավայր փոխելու հաստատակամությամբ էր հրաժեշտ տալիս գործընկերներին՝ «ուղեւորվելով» իր կրթօջախ։
Ազգային ժողովի նախագահ Աշոտ Ղուլյանը, ով ներկա էր ֆորումի աշխատանքներին, կարծիք հայտնեց, որ հանրապետության շրջանում կրթական համակարգի բարեփոխումների մեծ պահանջ կա, եւ պետք է կարողանալ ի մի բերել ողջ ներուժը. «Սա վերաբերում է համակարգի նվիրյալներին, մասնավորապես՝ երիտասարդներին։ Եվ, կարծում եմ, ունենալով մեկ միասնական կրթական դաշտ՝ պիտի փորձենք առաջնորդվել այնպիսի չափորոշիչներով, որոնք ուրվագծում են կրթության նոր տեսլականը՝ հետ չմնալով զարգացած մյուս երկրներից»։
Թե կայացած ֆորումի որոշումներն ինչպես «կյանքի կկոչվեն», դեռ վաղ է այդ մասին որեւէ ենթադրություն անել։ Սակայն այն իրողությունը, որ աշխատանքային խմբերում փորձի լայն փոխանակում է կատարվել եւ մասնակիցների կողմից նորովի է ընկալվում դասավանդման առաջարկվող մեթոդների արդյունավետությունը, անժխտելի է։ Ուսուցիչներից մեկը, որ մինչ այդ մանկավարժությունը թողնելու մտադրություն ուներ, հայտարարեց, թե որոշել է մայրաքաղաքից մեկնել հեռավոր մի գյուղ ու այնտեղ դասավանդել։ Եղան եւ այլ առաջարկներ։
Ստեփանակերտ

05-11-2019





12-11-2019
Առկա մարտահրավերներից մի քանիսն արդեն քթներիս տակ է
Հայկական կողմն իրավիճակը շտկելու հստակ գործիքներ ունի

Արմենուհի ՄԵԼՔՈՆՅԱՆ
a.melqonyan@hhpress.am




12-11-2019
Իրաքյան ճգնաժամը հաղթահարելու նոր ջանքեր
Բացառված չէ, որ կարգավորումը երկարաձգվի

Էմմա ԲԵԳԻՋԱՆՅԱՆ
e.begijanyan@hhpress.am


Ներքին լուրջ ...


12-11-2019
Առաջաբանի փոխարեն
Կամ՝ երկու խոսք հեղինակից

Սիրելի ընթերցող, մենք սկսում ...


12-11-2019
Սիրիան, Թուրքիան, քրդական գործոնը եւ հայկական հարցը՝ միջազգային նախաօրակարգում
Հայաստանի հեռանկարային արտաքին քաղաքականությունը պիտի կիրառական դարձնել

Արմենուհի ՄԵԼՔՈՆՅԱՆ
a.melqonyan@hhpress.am




12-11-2019
Դաշնակցային հարաբերություններ ու ռազմավարական գործընկերություն բոլոր ոլորտներում
Նախագահ Արմեն Սարգսյանը հյուրընկալել է
ՌԴ ԱԳ նախարար ...


12-11-2019
«Հույս ունենք, որ առեւտրաշրջանառությունը կհասնի 2 մլրդ դոլարի»
Վարչապետ Նիկոլ Փաշինյանն ընդունել է
ՌԴ ԱԳ նախարար ...


12-11-2019
«Երեք կռանը» կրկին «խոսեց»...
Արձագանքելով ստեփանակերտցիների խնդրանքին՝ քաղաքապետ Դավիթ Սարգսյանի հանձնարարությամբ երկու շաբաթ ...



12-11-2019
Մագիստրատուրան՝ բակալավրիատի կրկնությո՞ւն
Հին խնդրի արդիական ...

12-11-2019
Թալիշի նորակառույց դպրոցը բացեց հյուրընկալ դռները
Վերածնված գյուղը գրկաբաց է ընդունում իր ...

12-11-2019
Կպահպանվի՞, արդյոք, ավանդույթը
Հայաստանի ֆուտբոլի ազգային հավաքականը, ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO