Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.07.2020
ԱՌՈՂՋԱՊԱՀՈՒԹՅՈՒՆ


Արյուն ու... բարձր տրամադրություն

Հյուսիսային համալսարանի ներկայացուցիչները դոնորներ դարձան

Թամարա ՄՈՒՐԱԴՅԱՆ
t.muradyan@hhpress.am


«Դարձիր դոնոր» կոչին հետեւելով՝ Հյուսիսային համալսարանի մի խումբ ներկա եւ նախկին ուսանողներ ու աշխատակիցներ դոնորի կարգավիճակ ստացան։ Նրանք արյուն հանձնեցին Ռ. Յոլյանի անվան արյունաբանական կենտրոնում։
Շարժման գաղափարը ծնունդ է առել պարզ ու հասարակ հայտարարությունից՝ «արյուն է հարկավոր»։ «Մի անգամ կարդացի, որ փոքրիկ երեխային արյուն է պետք՝ երկրորդ խմբի դրական։ Ամենատարածված կարգն է, բայց արյունաբանական կենտրոնը չէր գտնում։ Հասկացա, որ դա լուրջ խնդիր է, եւ մեզանից յուրաքանչուրը կարող է ինչ—որ կերպ ազդել հարցի լուծմանը։ Այդպես ծնվեց «Դարձիր դոնոր» շարժման գաղափարը, որը դուրս եկավ բուհի շրջանակներից»,–պատմեց նախաձեռնող խմբի անդամ, Հյուսիսային համալսարանի լրատվության եւ հասարակայնության հետ կապերի բաժնի ղեկավար Գայանե Հակոբյանը՝ ընդգծելով, որ «Դարձիր դոնորի» աշխատանքները շարունակություն կունենան։
Նախաձեռնության իրականացման ընթացքում, սակայն, եղել են դեպքեր, երբ Գ. Հակոբյանն անտարբերություն, նաեւ վախ է նկատել։ Ասում է՝ աշխատանքներ են տանելու նաեւ, որպեսզի մարդիկ հասկանան՝ արյուն հանձնելն իրենց առողջությանը վնաս չէ։
«Ուզում եմ հայտարարել, որ դա բացարձակ անվնաս է, անվտանգ է։ Ժամանակ առ ժամանակ արյուն հանձնելը որոշ առումներով նույնիսկ օգտակար է»,–նշեց Ռ. Յոլյանի անվան արյունաբանական կենտրոնի տնօրեն Սամվել Դանիելյանը։ Նրա խոսքերով՝ արյունաբանական կենտրոնի եւ, առհասարակ, արյան ծառայության ամենասուր եւ ամենահրատապ հարցերից է դոնորության պակասը։ Արյան պահանջն աստիճանաբար մեծանում է, իսկ պոտենցիալ դոնորների քանակը՝ նվազում։ Կենտրոնի ղեկավարը տեղեկացնում է. «Օրական միջինը 20—25 դոնոր է արյուն հանձնում։ Իսկ եթե խմբեր են գալիս, կամ մենք ենք գնում կազմակերպություններ, արյուն հանձնողները կարող է մի քիչ ավելի շատ լինեն»։
Արյունաբանական կենտրոնի արյան գծով փոխտնօրեն Մարգարիտա Հակոբյանը նկատում է, որ կամավոր եւ անվարձահատույց դոնորների շնորհիվ «մարտական պատրաստականությունը» պահպանվում է բարձր մակարդակի վրա. «Համարում եմ, որ արյունը զենք է, եւ այդ զենքը միշտ պետք է լինի լավ վիճակում»։ Արյան բանկի պաշարները, ասում է, ամեն օր լրացվում են։
Դիտարկմանը, թե դոնորների շրջանում գերակշռողը կանայք են, փոխտնօրենը պատասխանեց. «Իսկ դուք մոռանու՞մ եք, որ տղամարդկանց մի մեծ մաս դրսում է աշխատում, եւ այն տարիքային խմբի ներկայացուցիչներն են, որոնք կարող են արյուն հանձնել»։
Կենտրոնն արյան անձեռնմխելի պաշար ունի։ Բայց այն կարող է օգտագործվել միայն պատերազմական կամ արտակարգ այլ իրավիճակում։ Մարգարիտա Հակոբյանը տեղեկացնում է, որ, օրինակ, ապրիլյան պատերազմի ժամանակ անձեռնմխելի պաշարն օգտագործվել է։
Հ. Գ. Արյուն հանձնելուց բացի, արյան դոնորները արյունաբանական կենտրոնում նաեւ ինչ—որ չափով ուրախ մթնոլորտ էին ստեղծել։ Իսկ երբ ծիծաղելու համար կամավորական խմբի ներկայացուցիչները մեկը մյուսին սկսեցին «դիտողություն» անել՝ լռություն չպահպանելու համար, բուժանձնակազմի ներկայացուցիչը խնդրեց նույն կերպ շարունակել ծիծաղել. «Այստեղ այնքան քիչ է այսպիսի տրամադրություն լինում…»։

06-11-2019





02-07-2020
Առարկայական բանակցությունները հնարավոր են միայն խաղաղ պայմաններում
Հայկական օրակարգն ընդունելի է միջազգային գործընկերների համար

Նախօրեին ...


02-07-2020
Հայկական եւ ռուսական կողմերը միջուկային էներգետիկայի ոլորտում բնականոն աշխատում են
Սկսվում է մեծածավալ պլանային նախազգուշական վերանորոգումը

Հայկական ատոմակայանի ...


02-07-2020
Հայաստանում հաստատվել է COVID-19-ի 593 նոր դեպք․ ապաքինվել է 473, մահացել 6 քաղաքացի
Հայաստանում հուլիսի 2-ի ժամը 11:00-ի դրությամբ հաստատվել է կորոնավիրուսային ...


02-07-2020
Աստծուն հաճելի է քո մեջ տեսնել…
Աստված կամենում է, որ դու ունենաս ամուր հավատք։ Դու ...


02-07-2020
Եթե չպահպանենք կանոնները
Ապա համավարակը հաղթահարելը կդառնա գրեթե անհնար

«Հայաստանի Հանրապետություն» ...


02-07-2020
Ղեւոնդ Ալիշան 200
Աննման առաքինությունը

«Ծագե՜, Հայ հանճար, փայլե՛ բյուր բոցեր,
Իմանան ազգեր,
Թե ...


02-07-2020
Հայաստանում ծխելու դեմ պայքարն առանձնակի կարեւորություն ունի
Պետությունը ծխախոտ արտադրողներին կստիպի իրազեկել դրանց վնասակարության մասին ...



02-07-2020
2019 թ. արձանագրված 7.6 տոկոս տնտեսական աճը լավ պաշար է 2020-ի համար
Գործադիրն իր գործողություններով ...

02-07-2020
Էռնեստ Հեմինգուեյն ու հայերը
«Այստեղ վիճել են Հեմինգուեյն ու ...

02-07-2020
Անգելա Մերկելը կղեկավարի ԵՄ-ն
Եվրոպական երկրների կառավարությունների ...

02-07-2020
Մխիթարյանը մնում է «Ռոմայում». ի՞նչ կփոխվի մրցաշրջանի ավարտին
Իտալական «Ռոման» պաշտոնապես հայտարարել է Հենրիխ ...
USD
EURO
RUR
GEL
Եղանակը Երևանում
գիշերը +17... +19
ցերեկը +31... +33

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO