Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.12.2019
ԶԱՆԱԶԱՆ


Հայաստանի հակադոպինգային կառույցը կդառնա բացարձակապես անկախ

Վերջերս Լեհաստանում անցկացված Համաշխարհային հակադոպինգային գործակալության՝ ՎԱԴԱ-ի համաժողովում ընդունվեցին կարեւոր եւ առանցքային որոշումներ, որոնք կփոխեն ոլորտի դրվածքը նաեւ մեր երկրում։ Այդ եւ այլ հետաքրքիր հարցերի շուրջ է մեր հարցազրույցը Հայաստանի հակադոպինգային կազմակերպության ղեկավար Արեգ Հովհաննիսյանի հետ, որը մասնակցում էր Կոնգրեսին։
—Վեհաժողովի օրակարգում ընդգրկվա՞ծ էին անմիջականորեն Հայաստանին առնչվող հարցեր։
—Կոնկրետ Հայաստանին վերաբերող քննարկումներ չեն եղել, սակայն քննարկվեց եւ հաստատվեց Համաշխարհային հակադոպինգային նոր օրենսգիրքը, որն արժանացավ Կոնգրեսի պատվիրակների եւ հենց ՎԱԴԱ—ի հավանությանը։ Գլխավոր փոփոխությունն առնչվում է հակադոպինգային կազմակերպությունների կարգավիճակին։ 2021 թ. հունվարի 1—ից գործողության դրվելիք նոր օրենսգրքի համաձայն՝ ազգային հակադոպինգային կազմակերպությունները պետք է բացարձակապես անկախ լինեն։ Այդ թվում՝ կառավարությունից եւ որեւէ մարզական կառույցից։ Նույնիսկ նշվում է, որ մարզական կազմակերպությունների որեւէ ներկայացուցիչ չի կարող միջամտել հակադոպինգային կազմակերպության գործունեությանը։ Դա, թերեւս, ամենակարեւոր որոշումն է։ Նաեւ հստակեցվել են հակադոպինգային կազմակերպությունների եւ պետության իրավասությունները։ Փաստորեն, պետությունը պետք է ապահովի ՅՈՒՆԵՍԿՕ—ի կոնվենցիայի կատարումը իր երկրում։ Եղան նաեւ մրցումային եւ արտամրցումային ստուգումներին առնչվող տեխնիկական փոփոխություններ։ Մասնավորապես, այսպես կոչված մաքուր պատմություն ունեցող մարզաձեւերում, որոնցում դեռ որեւէ դոպինգային խախտում չի արձանագրվել, 2021—ից պետք է դոպինգ ստուգում իրականացվի ազգային առաջնությունների ժամանակ։
—Ստուգման ենթակա են նաեւ այն մարզաձեւերի ներկայացուցիչնե՞րը, որոնք գրեթե չեն մասնակցում միջազգային մրցումների եւ ունեն, կարելի է ասել, սիրողական կարգավիճակ։
—Այդ պարագայում սահմանված է առանձին դրույթ, որը ազգային հակադոպինգային կազմակերպության հայեցողությանն է թողնում ստուգումների անհրաժեշտությունը։ Օրինակ, Հայաստանում անիմաստ է դոպինգ ստուգում անցկացնել, ասենք, ջրագնդակում, որտեղ մարզիկների առավելագույն տարիքը 15—16  է։ Ասել է թե, երկրի առաջնությունն անցկացվում է պարզապես մարզադպրոցների սաների մասնակցությամբ։ Մյուս կողմից՝ ֆուտբոլում, որում շատ կան օտարերկրացիներ, ստուգումը պետք է դառնա պարտադիր։ Ի դեպ, լեգեոներների առկայությունը դոպինգ ստուգում ներդնելու պարտադիր պայման է։
—Մինչ այդ հայկական ֆուտբոլում դա չէր կիրառվում պարտադիր չլինելո՞ւ պատճառով։
—Մենք ՀՖՖ—ի հետ անընդհատ բանակցել ենք այդ թեմայով, ու հարցը պարբերաբար հետաձգվել է։ Կարծում եմ՝ հիմա ֆուտբոլի ֆեդերացիայում փոքր—ինչ խառը վիճակ է, ուստի խնդրին կանդրադառնանք ավելի ուշ։ Ֆեդերացիան կողմ է ստուգումների ներդրմանը։
—Իսկ ո՞վ է ապահովելու ստուգումների ֆինանսավորումը։
—Պետությունը։ Արդեն ներկայացրել ենք նախնական հայտը։ Իմ տեղեկություններով՝ այն արժանացել է համակողմանի հավանության, եւ այժմ հստակեցվում են տեխնիկական հարցերը։ Հաշվի առնելով մյուս երկրներից մեր պետության օրենքների որոշակի տարբերությունը՝ հավանաբար, կլինենք կառավարությանն առընթեր գործակալություն։ Ասեմ, որ նախարարությունը հիմա էլ բացարձակապես չի միջամտում մեր գործունեությանը, որին հաշվետու ենք միայն ֆինանսապես։ Նախարարությունը նույնպես հակված է անկախ հակադոպինգային կառույց ունենալու անհրաժեշտությանը։ Կարծում եմ, մինչեւ մարտ հարցը պետք է լուծվի, որպեսզի հնարավորություն ունենանք ՎԱԴԱ—ի եվրոպական գրասենյակի իրավաբանների հետ քննարկելու իրավիճակը եւ անցնելու աշխատանքի։ Դա մեզ հնարավորություն կտա նաեւ պատվերներ ստանալու միջազգային կառույցներից, որոնք հիմա հրաժարվում են համագործակցել մեզ հետ, քանզի գործում ենք սպորտային բժշկության կենտրոնի հետ համատեղ։ Դա, ՎԱԴԱ—ի բնորոշմամբ, հանգեցնում է շահերի բախման։ Տեսեք, հիմա որեւէ մարզաձեւի միջազգային ֆեդերացիա կարող է ցանկացած երկրի հակադոպինգային կազմակերպությանը պատվիրել Հայաստանի առաջատար մարզիկների դոպինգ ստուգումը, բայց նրանց համար ավելի նպատակահարմար կլինի այդ հարցում համագործակցել մեր հակադոպինգային կազմակերպության հետ։ Իսկ նման համագործակցությունը նաեւ գումար կբերի մեր երկրին, քանի որ յուրաքանչյուր ստուգումից կվճարվեն հարկեր։ Միաժամանակ հնարավորություն կունենանք արտաբյուջետային միջոցներն ուղղել անհրաժեշտ սարքավորումների եւ նյութերի ձեռքբերմանը, գործուղումների ծախսերը հոգալուն եւ այլն։
—Համաժողովում ընտրվեց նաեւ ՎԱԴԱ—ի նոր ղեկավար կազմ։ Ինչպիսի՞ն է ուրվագծվում ձեր համագործակցությունը այդ կառույցի հետ։
—Անկեղծ ասած՝ նոր նախագահը՝ լեհ Վիտոլդ Բանկան, եւ փոխնախագահ Յան Յանը (Չինաստան) շատ լավ տպավորություն թողեցին ինձ վրա։ ՎԱԴԱ—ի նորընտիր նախագահը միանգամից հայտարարեց, որ մտադիր է հովանավորների ներգրավմամբ ավելացնել կազմակերպության բյուջեն։ Դա, հավանաբար, թույլ կտա ավելացնել դրամաշնորհների չափը։ Հիմա ՎԱԴԱ—ն ամեն տարի մոտ 7 հազար դոլարի ոչ գումարային աջակցություն է տրամադրում մեզ՝ սարքավորումներ եւ այլն։ Ըստ էության, ՎԱԴԱ—ի օգնությամբ կատարում ենք, այսպես կոչված, նպատակային դոպինգ ստուգում։ Ավելին՝ մեզ տրամադրել են դրամաշնորհ միջազգային նոր ծրագրի համար, որի ուսումնասիրությունների կենտրոնը լինելու է Հայաստանը։ Հետազոտություններն անցկացվելու են նաեւ Մոլդովայում եւ Վրաստանում։ Իսկ խորհրդատուն լինելու է Ավստրալիայի Արեւելյան համալսարանի հայտնի գիտնականներից մեկը։
Հրայր ՆԱԶԱՐՅԱՆ

20-11-2019





07-12-2019
Հեղափոխական նշանակության կարեւոր իրադարձություններ
Որոնք անմիջականորեն առնչվում են պատմական արդարության վերականգնման հետ



07-12-2019
Կոմիտասը՝ Թումանյանին. «Ջահել ջիվան ջանիդ ափսոսացի, էս անգամ ձեռիցս պրծար»
Լիանա ՍԱՐԳՍՅԱՆ
l.sargsyan@hhpress.am


Կոմիտասի ստեղծագործության, նրա կյանքի եւ, մասնավորապես, Թումանյանի ...


07-12-2019
Գյումրու քյալլան, ֆռռիկն ու ընկեր Ղազարյան-Ջղեր Խաչիկը
Գյումրեցին առաջ է նայում ու լիաթոք ծիծաղում

Թամարա ՄՈՒՐԱԴՅԱՆ
t.muradyan@hhpress.am




07-12-2019
Նեոօսմանականությունը Թուրքիայի գերնպատակն է
Ծավալապաշտական նկրտումներին հագուրդ տալու համար

Էմմա ԲԵԳԻՋԱՆՅԱՆ
e.begijanyan@hhpress.am


Այսօր արդեն ...


07-12-2019
Կառավարությունում շարունակվում են գերատեսչությունների բյուջետային հատկացումների հայտերի քննարկումները
Վարչապետ Նիկոլ Փաշինյանի գլխավորությամբ կառավարությունում շարունակվում են գերատեսչությունների բյուջետային ...



07-12-2019
«Միշտ ունենալու ենք ատոմակայան, անկախ այն հանգամանքից, թե ով ինչ խորհուրդ կտա»
Հարցազրույց տարածքային կառավարման եւ ...

07-12-2019
Սահմանամերձ գյուղը նոր ջրատար կունենա
Այն լիովին կհագեցնի Ուղտասարի այգիների ...

07-12-2019
Աշխարհի քարտեզը 30 տարի առաջ այսպիսին չէր, կփոխվի նաեւ առաջիկա 30 տարում
Եվրոպան կկանգնի՞ ազգային պետությունների ...

07-12-2019
Գրանցվեց ՀՖՖ նախագահի 3 թեկնածու
Ժամանակավոր կասեցման որոշում է ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO