Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.12.2019
ԼՂՀ


«Խաղաղության աստղը՝ Արցախի երկնակամարում»

Նկարահանվում է ֆիլմ աշխարհի միստիկ վայրերի մասին, որում կներկայացվի նաեւ Արցախը

Դավիթ ՄԻՔԱՅԵԼՅԱՆ
d.miqayelyan@hhpress.am


Ճանաչված չեխ գրող, հրապարակախոս, հեռուստալրագրող Մարտին Մակդալն առաջին անգամ Արցախ այցելեց 12 տարի առաջ՝ ադրբեջանաղարաբաղյան հակամարտության մասին ֆիլմ նկարահանելու նպատակով։ Նա շրջեց լեռնաշխարհում, ծանոթացավ ծավալված ռազմագործողությունների դրդապատճառներին, հանդիպումներ ունեցավ գոյամարտի ակտիվ մասնակիցների հետ, ունկնդրեց ողբերգություն ապրած հասարակ, շարքային մարդկանց կարծիքները՝ հայերին պարտադրված դաժան պատերազմի մասին, ինչպես նաեւ պատկերացումները՝ խաղաղության ու կայունության, երկրի ճակատագրի վերաբերյալ, եւ ստացած տպավորությունները «կենդանի կադրերի հետ» ներկայացրեց չեխական հանրային հեռուստատեսությամբ։ Հեռուստադիտողների արձագանքները մեծաթիվ էին, ուստի նրանց խնդրանքով եւս 3 անգամ ցուցադրվեց հանրայինով։
Ստեղծագործության հեղինակին արցախյան թեման այնքան ընդգրկուն եւ անսպառ թվաց, որ նա որոշեց իրեն հետաքրքրող հարցերի պատասխաններ ստանալու համար կրկին Ստեփանակերտ ժամանել։ Դա եղավ 2015—ին, ապա 2016—ի ապրիլյան ողբերգական իրադարձություններից անմիջապես հետո, երբ իր կամքով գործուղվեց՝ այս անգամ ֆիլմ նկարահանելու «ապրիլյան քառօրյա պատերազմը սանձազերծողներին անարգանքի սյունին գամելու, քրիստոնյա երիտասարդ զինվորներին անմարդկային կերպով դաժանաբար խոշտանգելու, իսլամիստներին հատուկ ձեռագրով հայ տղաներին գլխատելու համար՝ աշխարհին ցույց տալու ադրբեջանցիների իրական դեմքը»։
Մարտին Մակդալը, ով այս անգամ պրոդյուսեր Մարկետա Ադամցովայի հետ է Արցախ ժամանել մեկ այլ առաքելությամբ, խոստովանում է, որ Եվրոպայում պատկերացում չունեն, թե ինչ իրավիճակ է տիրում երկրում, եւ ով է մեղավոր մարդկային կորուստների համար. «Ամեն անգամ, երբ խոսք է բացվում Լեռնային Ղարաբաղի հակամարտության մասին, ու ես ասում եմ, որ վերստին որոշել եմ Արցախ գնալ, հաղորդակցվել պատմամշակութային հարուստ արժեքներին, հանդիպել ինձ արդեն մտերիմ դարձած մարդկանց եւ զրուցել, շոշափել նրանց տրամադրությունը, ինձ հորդորում են, թե չե՞ս վախենում վտանգից, որ գնում ես։ Ես բացատրում եմ, որ զուր են իրենց մտահոգությունները, եւ պետք չէ վայրը անպայման կապել ռազմագործողությունների հետ։ Փորձում եմ նրանց համոզել, որ Արցախում հիմա խաղաղություն է, ու մարդիկ իրենց առօրյա հոգսերով են զբաղված։ Շինարարները կառուցում, գյուղացիները՝ հողը մշակում, ծառատունկ են անում, բերք ու բարիք արարում։ Մինչեւիսկ արցախյան հրաշք մեղրի, նռան, անուշահամ գինիների, ժենգյալով հացի մասին եմ նկարագրում, որ պատկերացում կազմեն, ասելիքս համոզիչ դարձնելու համար լուսանկարներ եւ տեսաֆիլմեր ցուցադրում։ Ամեն կերպ նրանց բացատրում եմ, որ Արցախը ժողովրդավարական երկիր է, մարդիկ՝ խաղաղասեր եւ հյուրասեր, ու ես բարեկամներիս մոտ եմ գնում, որովհետեւ նրանց կարոտում եմ»...
Անդրադառնալով երկու տարի առաջ նկարահանված «Խաղաղության աստղը՝ Արցախի երկնակամարում» ֆիլմին, պրոդյուսոր Մարկետա Ադամցովան նշեց, թե հեռուստադիտողների հետաքրքրությունն այնքան մեծ էր, որ մեկ շաբաթվա մեջ հանրայինով այն ցուցադրվեց մի քանի անգամ, ու բազմաթիվ հետաքրքիր արձագանքներ եղան. «Այն լսարանի կողմից անմիջապես ընկալվեց, որովհետեւ ճշմարտությունն է նկարագրվում Արցախի ու նրա ժողովրդի պատմության մասին, նրանում համոզիչ փաստեր են, սեր ու ջերմություն կա, հավատարմություն ու անկեղծություն։ Ես հետո իմացա, որ հետաքրքրությունից դրդված՝ խմբերով Չեխիայից նրանք 2018—ին եւ այս տարի որպես զբոսաշրջիկ, Արցախ են եկել եւ շատ են տպավորված ուղեւորությունից։ Նրանք սեփական աչքով տեսածն ու լսածը հաղորդել են մտերիմներին, հարազատներին, ընկերներին։ Լիովին համոզված եմ, որ չնայած Արցախը չճանաչված երկիր է, բայց մարդիկ ապրում են նույն կյանքով, ինչ իրենք։ Երկիրը ծաղկում է, բարգավաճում, բնապահպանությունը պետության, ժողովրդի ուշադրության կենտրոնում է, եւ մարդիկ շատ են սիրում իրենց հողը, սրբորեն պահպանում ավանդույթներն ու սովորությունները»։
Մարտին Մակդալը չի ուզում լիովին բացել փակագծերը եւ պատմել իրենց հերթական այցի նպատակի մասին, միայն ասում է, որ նոր ֆիլմ է նկարահանվում աշխարհի միստիկ վայրերի վերաբերյալ եւ նրանում «իր վանքերով ու եկեղեցիներով, մատուռներով եւ խաչքարերով, լայնորեն ընդգրկված է եւ Արցախը»։ Նա համոզված է, որ ֆիլմը դիտելուց հետո «քարտեզի վրա մարդիկ ավելի հեշտությամբ կգտնեն Արցախի տեղը, եւ զբոսաշրջիկների թիվը, անշուշտ, կմեծանա»։
Ստեփանակերտ

22-11-2019





07-12-2019
Հեղափոխական նշանակության կարեւոր իրադարձություններ
Որոնք անմիջականորեն առնչվում են պատմական արդարության վերականգնման հետ



07-12-2019
Կոմիտասը՝ Թումանյանին. «Ջահել ջիվան ջանիդ ափսոսացի, էս անգամ ձեռիցս պրծար»
Լիանա ՍԱՐԳՍՅԱՆ
l.sargsyan@hhpress.am


Կոմիտասի ստեղծագործության, նրա կյանքի եւ, մասնավորապես, Թումանյանի ...


07-12-2019
Գյումրու քյալլան, ֆռռիկն ու ընկեր Ղազարյան-Ջղեր Խաչիկը
Գյումրեցին առաջ է նայում ու լիաթոք ծիծաղում

Թամարա ՄՈՒՐԱԴՅԱՆ
t.muradyan@hhpress.am




07-12-2019
Նեոօսմանականությունը Թուրքիայի գերնպատակն է
Ծավալապաշտական նկրտումներին հագուրդ տալու համար

Էմմա ԲԵԳԻՋԱՆՅԱՆ
e.begijanyan@hhpress.am


Այսօր արդեն ...


07-12-2019
Կառավարությունում շարունակվում են գերատեսչությունների բյուջետային հատկացումների հայտերի քննարկումները
Վարչապետ Նիկոլ Փաշինյանի գլխավորությամբ կառավարությունում շարունակվում են գերատեսչությունների բյուջետային ...



07-12-2019
«Միշտ ունենալու ենք ատոմակայան, անկախ այն հանգամանքից, թե ով ինչ խորհուրդ կտա»
Հարցազրույց տարածքային կառավարման եւ ...

07-12-2019
Սահմանամերձ գյուղը նոր ջրատար կունենա
Այն լիովին կհագեցնի Ուղտասարի այգիների ...

07-12-2019
Աշխարհի քարտեզը 30 տարի առաջ այսպիսին չէր, կփոխվի նաեւ առաջիկա 30 տարում
Եվրոպան կկանգնի՞ ազգային պետությունների ...

07-12-2019
Գրանցվեց ՀՖՖ նախագահի 3 թեկնածու
Ժամանակավոր կասեցման որոշում է ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO