Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

09.08.2020
ՄՇԱԿՈՒՅԹ


Երիտասարդները չեն պատկերացնում, թե ինչ են ստանալու

«100 գաղափար Հայաստանի համար» համահայկական երիտասարդական մրցույթն ունի 17 հայտ

Լիանա ՍԱՐԳՍՅԱՆ
l.sargsyan@hhpress.am


«100 գաղափար Հայաստանի համար» համահայկական երիտասարդական մրցույթն այս տարի տարբեր անվանակարգերում ունեցել է 17 հայտ։ ՀՀ կրթության, գիտության, մշակույթի եւ սպորտի նախարարի տեղակալ Գեւորգ Լոռեցյանը նկատում է՝ դիմումների քանակի քիչ լինելը պայմանավորված է այն բանով, որ երիտասարդները երբեմն այնքան էլ պարզ չեն ընկալում ծրագրի վերջնանպատակը։ Իսկ ո՞րն է մրցույթի նպատակը։
Համահայկական երիտասարդական այս մրցույթը հարթակ է այն երիտասարդ քաղաքացիների համար, ովքեր ունեն հետաքրքիր մտքեր ու գաղափարներ եւ ցանկություն՝ դրանք ներկայացնելու հանրությանը։ Մրցույթի նպատակն է զարգացնել երիտասարդների նորարարական մտածողությունը, ներգրավել երիտասարդներին Հայաստանի Հանրապետության սոցիալ—տնտեսական զարգացման խնդիրների լուծման գործընթացներում, խթանել գիտատեխնիկական մշակումներն ու նորարարական նախագծեր իրականացնելու քաղաքացիական նախաձեռնությունները։
«Երիտասարդները չեն պատկերացնում, թե ինչ են ստանալու, եւ դա բնական է, բայց մենք անում ենք ամեն հնարավորը նմանատիպ ծրագրերի կարեւորությունը մարդկանց հասցնելու համար։ Ժամանակ է անհրաժեշտ, որ բոլորը հասկական՝ մրցույթն օբյեկտիվ է եւ արդար»,—շեշտում է փոխնախարարը։ «100 գաղափար Հայաստանի համար» համահայկական երիտասարդական մրցույթն այս տարի անցկացվում է «Քիմիական գիտություններ», «Տեղեկատվական տեխնոլոգիաներ», «Մանկավարժական գիտություններ», «Ճարտարապետություն», «Սոցիոլոգիական գիտություններ» անվանակարգերում։ Լոռեցյանն ընդգծում է՝ մրցույթն իրականացվում է երիտասարդների նորարարական մտածողությունը զարգացնելու, երկրի սոցիալ—տնտեսական, մշակութային կյանքում նրանց ներգրավվածությունն ապահովելու համար։ «100 գաղափար Հայաստանի համար» համահայկական երիտասարդական մրցույթին կարող են մասնակցել Հայաստանում եւ սփյուռքում ապրող 16—35 տարեկան երիտասարդներ։
Ըստ փոխնախարարի՝ մրցույթը շատ կարեւոր հարթակ է այն իմաստով, որ հնարավորություն է տալիս այն երիտասարդներին, որոնք չունեն ծրագրեր կազմելու եւ դրամաշնորհներ ստանալու փորձառություն, բայց ցանկանում են ի լուր աշխարհի հայտարարել իրենց գաղափարների մասին։ Ներկայացված հայտերը, գաղափարները փորձագիտական գնահատականի են արժանանում, ինչը, Լոռեցյանի խոսքով, հնարավորություն է տալիս գնահատելու սեփական մտահղացման որակական մասն ու իրագործման հնարավորությունները։ «100 գաղափար Հայաստանի համար» համահայկական երիտասարդական մրցույթի արդյունքները պարզ կդառնան դեկտեմբերի 10—ին։
Ինչպես նշում են կազմակերպիչնեը, մրցույթի հիմնական խնդիրներն են երիտասարդական գյուտարարության, նորարարության խթանումը եւ զարգացումը, երկրի սոցիալ—տնտեսական զարգացման համար գործնական նշանակություն ունեցող նորարարական նախագծերի եւ գիտատեխնիկական մշակումների հայտնաբերումն ու հնարավոր ներդրումը, սոցիալական եւ հասարակական կարեւոր խնդիրների լուծման գործընթացներում հասարակական միավորումների, տնտեսավարող սուբյեկտների եւ կառավարման պետական մարմինների միջեւ բոլոր մակարդակներում համագործակցության կատարելագործումը, երիտասարդության սոցիալական գործընկերության եւ փոխադարձ պատասխանատվության սկզբունքների ներդրումը պրակտիկայում։ Կազմկոմիտեի կողմից ընդունված մրցութային հայտերը գնահատելու նպատակով ստեղծված փորձագիտական հանձնաժողովը կիրականացնի հայտերի փորձագիտական գնահատումը։ Արդյունքում ընտրված լավագույն 20 հայտը կանցնեն մրցույթի եզրափակիչ փուլ։
Նոյեմբերի 25—ից դեկտեմբերի 6—ն ընկած ժամանակահատվածում Երեւանում կկազմակերպվի մրցույթի եզրափակիչ փուլ անցած 20 լավագույն նորարարական նախագծերի եւ գիտատեխնիկական մշակումների ցուցահանդես, ապա՝ հանձնաժողովի նիստ, որտեղ տեղի կունենան հեղինակների կողմից նախագծերի պաշտպանություն եւ վերջնական գնահատում։ Սփյուռքահայ հեղինակներն իրենց նախագծերը կարող են ներկայացնել տեղեկատվական տեխնոլոգիաների կիրառմամբ։ Նիստի ավարտին հանձնաժողովը, ըստ հաստատված անվանակարգերի, կհրապարակի նախագծերի վերջնական գնահատականները եւ կներկայացնի դրանք կազմկոմիտե, որը կամփոփի հանձնաժողովի գնահատականները, ինչի արդյունքում կորոշվեն մրցույթի հինգ հաղթող նախագծերը։ Հաղթած նախագծերը կստանան խրախուսական պարգեւներ եւ հավաստագրեր։
Հիշեցնենք, որ 2018 թ. մրցույթի եզրափակիչ փուլ անցած 16 հայտից հաղթող ճանաչվեց 4—ը՝ 4 անվանակարգում («Մանկավարժական գիտություններ», «Գիտություններ երկրի մասին», «Տեխնիկական գիտություններ»,«Ռազմական գիտություններ»)։

26-11-2019





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO