Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

08.07.2020
ԼՂՀ


Հրաժեշտ բերքաշատ ու գունառատ աշնանը

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտի համար 10 հիմնական դպրոցի աշակերտներն ազգային երգերով ու պարերով հրաժեշտ տվեցին բերքառատ ու գունառատ աշնանը՝ յուրահատուկ դաս-փառատոն անցկացնելով կրթօջախի ընդարձակ բակում։ Օրը պայծառ էր, արեւոտ, ինչն ավագ դասարանցիներին ավելի տրամադրեց ներդաշնակ ու համերաշխ, ուրախ ու զվարթ շուրջպար բռնելու՝ տոնին մասնակից անելով ուսուցիչներին եւ ծնողներին։ Իսկ այս ուշագրավ գաղափարի իրագործման հեղինակն ազգային երգի ու պարի դասատու Լունարա Գրիգորյանն էր։
«Անկեղծ ասած՝ վաղուց էի մտածում մշակութային նման «լայնակտավ» դաս կազմակերպել։ Եվ այն ինքնաբուխ ստացվեց,–ասաց նա։– Ծրագրում ներառել էի մեր ազգային լավագույն երգերն ու պարերը եւ, ուսուցանելով դրանք երեխաներին, պարապմունքների միջոցով փորձեցի ամրապնդել նրանց ընդունակություններն ու կարողությունները, արժեւորել դարերից մեզ փոխանցված մնայուն ավանդույթներն ու սովորությունները։ Հավատացնում եմ, որ ավանդական, խրոխտ «Քոչարի» պարով տալով ազգային երգերի ու պարերի փառատոնի մեկնարկը՝ աշակերտների ուրախությունն այնքան մեծ էր, որ մեկուկեսի փոխարեն երկու ժամից էլ երկար այն տեւեց։ Ու երբ հերթը հասավ Կոմիտասի «Շորորին», «Կռունկին», «Ծիրանի ծառին», «Լորիկին» եւ մյուս ստեղծագործություններին, նրանք ավելի զգաստացան ու հնչեղ այդ երգերին արձագանքեցին ողջ թաղամասով մեկ՝ իմաստավորելով տոնի խորհուրդը»։
Քանի որ դաս—փառատոնը նաեւ հրաժեշտի յուրահատուկ հանդես էր բերքառատ ու գունառատ աշնանը, դպրոցականներն իրենց ուսուցիչների աջակցությամբ ճաշակով ձեւավորված տաղավարներում ցուցահանդես էին բացել՝ սեղանները ծանրաբեռնելով անուշահամ միրգ—բանջարեղենով, քաղցրավենիք—չրեղենով, արցախյան խոհանոցի համեղ ուտեստներով։
Դպրոցի տնօրեն Անահիտ Հակոբյանը, շրջելով տաղավարից տաղավար եւ ծանոթանալով աշակերտների ջանքերով «հավաքագրված» ցուցանմուշներին, կայացած համարեց միջոցառումը՝ ընդգծելով, թե արդարացվել են բոլորի սպասելիքները։ Եվ ասվածը հաստատելու համար նա չմերժեց դպրոցականների խնդրանքը՝ միանալով «միասնական շուրջպարին»։ Նրա համոզմամբ՝ երեխաների ձեռնարկումը խրախուսանքի է արժանի, քանի որ մատաղ սերնդի հայեցի դաստիարակման, ազգայինի նկատմամբ հարգանք ու սեր փոխանցելու առումով նման միջոցառումների կազմակերպումը շատ կարեւոր է, պահանջված. «Մեր ազգային դիմագիծը կրողն ու պահպանողն այսօրվա երեխաներն են, ովքեր վաղվա մեր ապագան են, Արցախի ճակատագրի տերը։ Ահա թե ինչու պիտի խրախուսենք ու քաջալերենք նրանց, որպեսզի չկտրվեն արմատներից եւ շիտակ անցնեն իրենց ճանապարհը»։
Ստեփանակերտ

28-11-2019





07-07-2020
Գյուղական բնակավայրերում ծնելիությունը կխրախուսվի
Ակնկալվում է մարզերում թեթեացնել նաեւ չաշխատող մայրերի հոգսը



07-07-2020
Թանկարժեք մետաղների արտահանման նկատմամբ քվոտա կսահմանվի
Այն կկիրառվի որոշման ընդունման պահից մինչեւ 2020 թ. ...


07-07-2020
Հայաստանում հաստատվել է COVID-19-ի 349 նոր դեպք․ ապաքինվել է ևս 605, մահացել 12 քաղաքացի
Հայաստանում հուլիսի 7-ի դրությամբ հաստատվել է կորոնավիրուսային հիվանդության ընդհանուր ...


07-07-2020
Մարդկային հոգին թանկ արժե…
Ավետարանում ասվում է. «Որովհետեւ ով որ կամենայ իր անձն ...


07-07-2020
Մեկ հայ՝ մեկ ոսկի
Կին, ով մահմեդական գերությունից փրկեց հայ որբ մանուկներին



07-07-2020
Նոթեր Շերլոկ Հոլմսի մասին կամ՝ պարող մարդուկների գաղտնիքը
Ամեն մի խնդիր էլ շատ հեշտ է թվում, ...


07-07-2020
Ղեւոնդ Ալիշան–200
Վսեմախոհ փիլիսոփան

«Լսեցի ես բնության ձայնը»։
Հայ երեւելի մտածողի ...



07-07-2020
Հին աշխարհը չեմ տեսել... բայց թողել է նա մի հետք
«Հնագիտությունը շատ խնամքով, ձեռքով հողը ...

07-07-2020
Հարավի կենտրոնական համայնքներում
Դիցմայրին բոլոր հնարավորություններն ...

07-07-2020
ԱՄԷ-ն նախապատրաստվում է տնտեսական ճգնաժամին
Կրճատվել է ավիացիայի համակարգի 105 ...

07-07-2020
ՀՖՖ-ն նախաձեռնել է առանցքային հարցերի քննարկում
Հայաստանի ֆուտբոլի ֆեդերացիայի նախագահ Արմեն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO