Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

08.07.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Ի՞նչ շեշտադրումներ պետք է արվեն

Հայաստանի ու Ադրբեջանի ԱԳ նախարարները կհանդիպեն

Թամարա ՄՈՒՐԱԴՅԱՆ
t.muradyan@hhpress.am


Վաղը՝ Բրատիսլավայում ԵԱՀԿ 26-րդ նախարարական խորհրդաժողովի շրջանակներում, ԵԱՀԿ Մինսկի խմբի համանախագահների միջնորդությամբ եւ մասնակցությամբ կայանալու է Հայաստանի եւ Ադրբեջանի ԱԳ նախարարներ Զոհրաբ Մնացականյանի եւ Էլմար Մամեդյարովի հանդիպումը։
Ի՞նչ սպասել նմանօրինակ հանդիպումներից, ի պատասխան՝ քաղաքագետ Նարեկ Մինասյանը «ՀՀ»—ի հետ զրույցում նկատեց, որ պետք է իրատեսական գնահատել. «Հանդիպումը արտգործնախարարների մակարդակով է, հետեւաբար, ըստ էության քննարկելու են ավելի բարձր մակարդակով քննարկված հարցերը՝ ավելի դետալացված ձեւով, քննարկելու են ձեռք բերված պայմանավորվածությունների կյանքի կոչման ուղիները։ Իսկ քաղաքական բանակցությունների առումով տեղաշարժ ակնկալել պետք չէ»։
Մինասյանը կարծում է, որ հիմնական շեշտադրումը պետք է դրվի հրադադարի ռեժիմի պահպանմանն ուղղված քայլերի, ընդհանուր ռիսկերի նվազեցման ու հումանիտար, մարդասիրական ոլորտում նախատեսվող քայլերի վրա։ Ասում է՝ նաեւ պետք է ծրագրվեն հետագա քայլերը, ասենք, օրինակ՝ լրագրողների փոխայցերը շարունակություն ունենալո՞ւ են, թե՞ ոչ։
Քաղաքագետը նաեւ նկատում է, որ հայկական կողմի համար առաջնահերթ է լինելու սահմանային իրավիճակին վերաբերող խնդիրների բարձրաձայնումը՝ հաշվի առնելով վերջերս Ադրբեջանի սադրանքը Արցախի սահմանի ուղղությամբ. «Այս սադրանքը եւս մեկ անգամ հաստատում է, որ ռեալ քայլեր են անհրաժեշտ՝ ռիսկերի նվազեցման ուղղությամբ»։
Իսկ թե ադրբեջանական այդ սադրանքը կարելի՞ է ընդունել որպես մեսիջ հանդիպումից առաջ՝ պատասխանեց. «Այն հանգամանքը, որ Ադրբեջանը տարբեր հանդիպումներից առաջ դիմում է նման քայլերի, օրինաչափություն է դարձել։ Դա մտահոգիչ է, եւ համանախագահներն այդ հանգամանքի վրա պետք է ուշադրություն դարձնեն»։
Մեր զրուցակիցը միաժամանակ մատնացույց է անում հարեւան պետության ներքին կյանքը. «Ադրբեջանը մտել է բավականին բուռն ներքաղաքական գործընթացների փուլ։ Ամենայն հավանականությամբ, այսօր կհայտարարվի խորհրդարանը ցրելու մասին»։ Նրա խոսքերով, նման սադրանքներն օգտագործվում են ներքաղաքական այդպիսի գործընթացներն առավել սահուն ու անցնցում կազմակերպելու համար։ Իսկ հանդիպումից հետո նոր սադրանք կանխատեսելը, քաղաքագետի կարծիքով, բարդ է։ Բայց ընդգծում է, որ պետք է գիտակցել՝ քանի դեռ հակամարտությունն ավարտված չէ, կամ չունենք հրադադարի ռեժիմը լիարժեք երաշխավորող մեխանիզմներ՝ ռիսկերը մշտապես պահպանվում են։ «Հայկական կողմը կարեւորում է այն մոտեցումը, որ անհրաժեշտ է լիարժեքորեն բացառել ցանկացած էսկալացիա, որովետեւ դրանք մեկ վայրկյանում ջուրն են գցում բանակցություններում գործադրված երկարատեւ ջանքերը»,—ասաց Նարեկ Մինասյանը՝ ապրիլյան պատերազմը օրինակ բերելով։ Նա ավելացրեց նաեւ, որ քանի դեռ հակամարտությունը կարգավորված չէ՝ Ադրբեջանը շարունակում է իր ռազմատենչ հռետորաբանությունը։ Նա բարձրաձայնում է, որ իրավունք չունենք մեր զգոնությունը թուլացնելու որեւէ ուղղությամբ եւ համապատասխան աշխատանքներ պետք է տանել մեր կարողությունների զարգացման ու սպառազինության հավասարակշռման ուղղությամբ։

03-12-2019





07-07-2020
Գյուղական բնակավայրերում ծնելիությունը կխրախուսվի
Ակնկալվում է մարզերում թեթեացնել նաեւ չաշխատող մայրերի հոգսը



07-07-2020
Թանկարժեք մետաղների արտահանման նկատմամբ քվոտա կսահմանվի
Այն կկիրառվի որոշման ընդունման պահից մինչեւ 2020 թ. ...


07-07-2020
Հայաստանում հաստատվել է COVID-19-ի 349 նոր դեպք․ ապաքինվել է ևս 605, մահացել 12 քաղաքացի
Հայաստանում հուլիսի 7-ի դրությամբ հաստատվել է կորոնավիրուսային հիվանդության ընդհանուր ...


07-07-2020
Մարդկային հոգին թանկ արժե…
Ավետարանում ասվում է. «Որովհետեւ ով որ կամենայ իր անձն ...


07-07-2020
Մեկ հայ՝ մեկ ոսկի
Կին, ով մահմեդական գերությունից փրկեց հայ որբ մանուկներին



07-07-2020
Նոթեր Շերլոկ Հոլմսի մասին կամ՝ պարող մարդուկների գաղտնիքը
Ամեն մի խնդիր էլ շատ հեշտ է թվում, ...


07-07-2020
Ղեւոնդ Ալիշան–200
Վսեմախոհ փիլիսոփան

«Լսեցի ես բնության ձայնը»։
Հայ երեւելի մտածողի ...



07-07-2020
Հին աշխարհը չեմ տեսել... բայց թողել է նա մի հետք
«Հնագիտությունը շատ խնամքով, ձեռքով հողը ...

07-07-2020
Հարավի կենտրոնական համայնքներում
Դիցմայրին բոլոր հնարավորություններն ...

07-07-2020
ԱՄԷ-ն նախապատրաստվում է տնտեսական ճգնաժամին
Կրճատվել է ավիացիայի համակարգի 105 ...

07-07-2020
ՀՖՖ-ն նախաձեռնել է առանցքային հարցերի քննարկում
Հայաստանի ֆուտբոլի ֆեդերացիայի նախագահ Արմեն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO