Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.01.2020
ՍՈՑԻՈՒՄ


Առողջության համապարփակ ապահովագրության ներդրում

Կարծիքներն ու կանխատեսումներն առայժմ տարբեր են, հաճախ՝ իրարամերժ

Թամարա ՄՈՒՐԱԴՅԱՆ
t.muradyan@hhpress.am


Իմ աշխատավարձի 6 տոկոսը կազմում է, ենթադրենք, 10 հազար դրամ։ Եթե հաստատվի «Հայաստանում առողջության համապարփակ ապահովագրության ներդրման հայեցակարգի» նախագիծը, ապա այս գումարը պետք է վճարեմ որպես հարկ։ Ու ոչ միայն ես։ Այդ դեպքում յուրաքանչյուրս էլ մեր աշխատավարձից վճարում ենք կատարելու՝ հարկի տեսքով։
Բանն այն է, որ «Հայաստանում առողջության համապարփակ ապահովագրության ներդրման հայեցակարգի» նախագծով առաջարկվում է սահմանել առողջապահության հարկ՝ աշխատավարձի 6 տոկոսի չափով։
Առողջության համապարփակ ապահովագրության ներդրման հիմնական նպատակը պետության սոցիալական պատասխանատվության եւ բնակչության սոցիալական համերաշխության սկզբունքների հիման վրա առողջապահության կայուն ֆինանսավորման համակարգի ստեղծումն է, որը պետք է ապահովի բնակչության բոլոր խմբերի համար բժշկական հիմնական ծառայությունների ֆինանսական հասանելիություն եւ պաշտպանվածություն։ Հայեցակարգը պետք է հիմք դառնա առողջապահության նախարարության կողմից իրականացվող համալիր միջոցառումների հայեցակարգային մոտեցումները ամրագրելու, առողջության համապարփակ ապահովագրության մասին օրենքը, այլ հարակից օրենսդրական փոփոխությունները մշակելու եւ 2022 թ. առողջության համապարփակ ապահովագրությունը ներդնելու համար։
Իսկ ակնկալվող արդյունքը հիվանդացության եւ մահացության ցուցանիշների բարելավումն է, առողջական խնդիրների հետեւանքով հաշմանդամության դեպքերի նվազումը, ինչը կնպաստի մարդկային կապիտալի կայուն զարգացմանը եւ տնտեսության աճին։ Բայց սահմանվելիք վճարումը կատարելու ենք մեր ու մեր հարազատների՞, թե՞ մեկ այլ՝ անծանոթ անձի համար, եւ ինչու՞ պետք է վճարենք։ Քաղաքացիների պատասխանները տարբեր են։
Նաիրա Դավթյան. «Առաջարկում եմ հնարավորինս արագ ներդրում։ Տարեց տարի աճող առողջապահական մասնավոր ծախսերի պարագայում՝ ապահովագրության ներդրումը օրախնդիր է»։ Սարո Ծատուրյան. «Հայաստանում առողջության համապարփակ ապահովագրության ներդրումը վաղուց հասունացած անհրաժեշտություն է»։ Տիգրան Ստեփանյան. «Այս նախագծի վնասարարությունն այն է, որ այսպիսով հասարակության մի մասի՝ հարկ վճարող քաղաքացիների շահերն արհեստականորեն հակադրվում են մեկ այլ մասի՝ հարկ վճարողների հաշվին ապրողների շահերին, ինչն անխուսափելիորեն հանգեցնելու է ժողովրդի պառակտման։ Հիմա հարց՝ ո՞ւմ շահերից է բխում Հայաստանի Հանրապետության ժողովրդի պառակտումը»։ Արսեն Կյուրինյան. «Դուրս եկեք մեր գրպանից»։
Նոր հարկատեսակով ուրիշի փոխարեն վճարելու մասին խոսակցություններին ի պատասխան՝ ՀՀ առողջապահության նախարար Արսեն Թորոսյանն այպես է արձագանքել. «Մենք չենք վճարում որեւէ օտար մարդու համար։ Այդ չվճարող քաղաքացին ձեր կինն է, ձեր չափահաս երեխաներն են, որոնք դեռ չեն հասցրել աշխատել, ձեր ծնողներն են, որոնք աշխատել են, կենսաթոշակառու են, բայց որեւէ պետական երաշխիք չունեն՝ բոլորս ենք»։
Ըստ Թորոսյանի՝ առողջապահությունը Հայաստանի 3 միլիոն քաղաքացիների համար հասանելի դարձնելու նպատակով աշխատող մարդիկ պետք է վճարեն առողջապահական հարկ. «Այդ հարցը լուծելու համար, նախարարության հաշվարկով, 250 միլիարդ դրամ է պետք, իսկ բյուջեն տալիս է 109 միլիարդ։ Եվ այդ պակասող գումարը առաջարկում եմ լրացնել նոր հարկատեսակ ֆիքսելով»։
Գերատեսչության ղեկավարը բարձրաձայնել է նաեւ, որ հիվանդանոց ընկնելով՝ մարդիկ երբեմն աղքատանում են։ Վարկեր են վերցնում, հաճախ անտուն մնում… Քաղաքացիների 85 տոկոսն առողջապահական ծախսերի համար վճարում է սեփական գրպանից։
Ի դեպ՝ հանրային քննարկման հարթակում, երեկվա տվյալներով, նախագծին 44 տոկոս կողմ եւ 56 տոկոս դեմ քվեարկություն է ապահովվել։

06-12-2019





17-01-2020
Տուգանքների նոր բալային համակարգը՝ ընդդեմ օրինազանցների
Որոնք են օրենքի կիրառման դրական ու խնդրահարույց կողմերը

Լուսինե ...


17-01-2020
Սպանդանոցային պարտադիր մորթը քաղաքակիրթ տարբերակ է
Սակայն դաշտում առկա խնդիրները դրանից չեն պակասում

Լուսինե ՄԽԻԹԱՐՅԱՆ
l.mkhitaryan@hhpress.am




17-01-2020
Տարեցները սեղանի թենիս խնդրեցին
Վանաձորի տարեցների տան բնակիչներն օրերս հյուրընկալեցին Լոռու մարզպետ Անդրեյ ...


 
17-01-2020
Խնայված միջոցներով եւ նվիրատվություններով
Նորություններ կան նաեւ մարզի առողջապահական այլ հիմնարկներում։ «Ալավերդու ...


 
17-01-2020
Վճարովի ծառայությունների ավելացման շնորհիվ
2018 թ. հուլիսի 1-ից, այնուհետեւ 2019 թ. հունվարի ...


17-01-2020
Մեծանում է վստահությունը
«Վանաձորի բժշկական կենտրոն» ՓԲԸ-ի հանրույթն այսօր գործում է ...



17-01-2020
«Հայաստանի Հանրապետություն» օրաթերթ. Բացառիկ թողարկում՝ Հովհաննես Չեքիջյանի պատվավոր խմբագրությամբ
««Հայաստանի Հանրապետություն» օրաթերթի ...

17-01-2020
Ձիթապտուղ կարտահանենք ԵԱՏՄ եւ երրորդ երկրներ
Ընկերությունը հարկային արտոնություն ...

17-01-2020
Այլընտրանքային մանկապարտեզ, որտեղ շեշտը դրված է միայն կրթության վրա
ՅՈՒՆԻՍԵՖ-ի հաջողված փորձը

Լիանա ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO