Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.08.2020
ՍՈՑԻՈՒՄ


Տոներն են մոտենում՝ Ամանորին նախապատրաստության եռուզեռով

Պետությունը կարող է անուղղակի լծակներով ազդել գնագոյացման վրա

Թամարա ՄՈՒՐԱԴՅԱՆ
t.muradyan@hhpress.am


Տոներն են մոտենում։ Սա նշանակում է, որ շուկաներում ու խանութներում տոպրակները լցնելու գործընթացը դրամապանակները սովորականից ավելի արագ կդատարկի։ Իսկ ավելի հստակ ձեւակերպմամբ՝ այս տարի եւս նախատոնական ու տոնական գնաճը կանխատեսելի է։
«ՀՀ»—ի հետ զրույցում տնտեսագետ Սուրեն Պարսյանը նկատեց, որ դեկտեմբերին մեզ մոտ գնաճ է արձանագրվում՝ տարբեր գործոններով պայմանավորված. օրինակ, ապրանքների պահանջարկը կտրուկ աճում է։ Նրա խոսքերով՝ տոներին ընդառաջ մի քանի օրվա մեջ գնում ենք մեկուկես ամսվա համար նախատեսված ապրանք։ Դա շուկայում մեծ պահանջարկ է առաջացնում, ու վաճառողներն առիթից օգտվում են։
Տնտեսագետ Թադեւոս Ավետիսյանը ընդգծում է, որ «դեկտեմբերին սկսվող գնաճ» ասվածը հարաբերական է։ Նրա ասելով՝ երկու ցուցանիշ է պետք տարբերակել. «Ընդհանուր գնաճի ցուցանիշն արտահայտվում է սպառողական գների ինդեքսով։ Այստեղ անհանգստացնող միտում չունենք, հատկապես որ այս տարվա նախորդ ժամանակատվածում չենք ունեցել գների բարձրացում նույնիսկ այն չափով, որքան դրված է եղել պետական բյուջեում։ Սպառողական գների ինդեքսը չնչին փոփոխություն է կրել։ Անգամ մտահոգություն է եղել, որ գնանկման միտումը կարող է ազդել տնտեսական աճի տեսանկյունից»։
Միեւնույն ժամանակ նա մտահոգիչ է համարում առաջին անհրաժեշտության ապրանքների գների թանկացումը։ Նկատում է, որ Ամանորի տոներին ընդառաջ, եւ ոչ միայն, պարբերաբար եղել է գների բարձրացում հատկապես այն ապրանքատեսակների մասով, որոնք տոներին ավելի մեծ պահանջարկ ունեն։
Թանկացումների մասին խոսելիս նա մեջբերում է ԵԱՏՄ—ին Հայաստանի անդամակցության, համաշխարհային շուկայում որոշ ապրանքատեսակների գների բարձրացման, նաեւ այս տարի գյուղատնտեսական ոլորտի ցուցանիշների կրճատման հանգամանքները։ Թադեւոս Ավետիսյանը զրույցի ընթացքում նաեւ ընդգծեց այսօրվա իշխանությունների մեծ անելիքների մասին։
Ըստ Սուրեն Պարսյանի՝ մեզ մոտ գների կարգավորումն իրականացվում է շուկայի միջոցով, բայց պետությունն ունի անուղղակի լծակներ, որոնց միջոցով կարող է ազդել գնագոյացման վրա։ Խոսքը մաքսային, հարկային, տնտեսական քաղաքականության մասին է։
«Գնաճն անխուսափելի երեւույթ է, բայց պետք է լինի կարգավորվող։ Մարդկանց եկամուտներն ավելի արագ պետք է աճեն, քան գնաճի տեմպերը»,–ընդգծեց Պարսյանը՝ ավելացնելով, որ ամեն տարի գնաճային լուրջ ճնշումներ ենք ունենում՝ տարբեր պատճառներով։ Ըստ նրա՝ նշված պատճառներից է գյուղատնտեսական ոլորտի անկումը։ Բացի այդ, տնտեսագետն ընդգծում է, որ մեկ այլ խնդիր է գյուղոլորտի բազմաթիվ ծրագրերի ձախողումը։ Որպես կարեւորագույն խնդիր նա առանձնացրեց նաեւ դոլարի փոխարժեքը. «Ամեն տարվա ավարտին նկատվում է դրամի արժեզրկում, որն ուղղակիորեն ազդում է ներկրվող ապրանքների գների վրա։ Այստեղ մեծ անելիք ունի Կենտրոնական բանկը»։
Մյուս կողմից էլ մեր զրուցակիցը մատնանշեց մենաշնորհն ու այսպես մեկնաբանեց. «Մեր շուկաներում բավականին բարձր է մենաշնորհացման մակարդակը։ Մենաշնորհային գերիշխող դիրք ունեցող տնտեսավարող սուբյեկտները, օգտվելով իրենց դիրքերից, բարձր գներ են թելադրում, հատկապես եթե մեծ պահանջարկ է լինում։ Այս երեւույթը շարունակում է մնալ հատկապես մանրածախ շուկայում»։
Տնտեսագետը բարձրաձայնում է, որ գնաճը վերահսկելու համար ամբողջական գործընթաց պետք է լինի։ Այդ հարցում կարեւորում է նաեւ հետեւյալը. «Սոցիալապես խոցելի խմբերի մասով գնաճային ճնշումները պետք է փոխհատուցի կառավարությունը»։ Հակառակ դեպքում, ըստ նրա, աղքատացման գործընթացն ավելի կխորանա։

11-12-2019





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO