Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.01.2020
ԱՇԽԱՐՀ


«Գազային պատերազմում» այժմ անդորր է

«Գազպրոմը» պատրաստ է զիջումներ կատարել Ուկրաինային

Կիեւի ու Մոսկվայի միջեւ, այսպես կոչված, «գազային պատերազմում» այժմ անդորր է։ «Գազպրոմը» Ստոկհոլմի արբիտրաժի որոշմամբ կարող է «Նավթագազին» վճարել 3 մլրդ եվրո։ Այդ որոշումը, ի դեպ, ընդունվել է 2017 թ. դեկտեմբերին եւ հաստատվել 2018 թ. փետրվարին։ Ստոկհոլմի արբիտրաժը նախ որոշեց, որ Ռուսաստանը պետք է Ուկրաինային վճարի 2,56 մլրդ դոլար, սակայն տուգանքների հաշվառումով գումարը գերազանցեց 3 մլրդը։ Իսկ տուգանքներն այն բանի հետեւանք են, որ «Գազպրոմը» չէր ընդունում այդ որոշումը։
Կողմերը, ինչպես նշում է «gazeta.ru»—ն, չեն բացառում գազային նոր պայմանագրի կնքումը։ Ինչպես վստահեցնում են Ռուսաստանում ու Ուկրաինայում, փաստաթուղթը գրեթե պատրաստ է։
Այն մասին, որ «Գազպրոմը» պատրաստ է զիջումներ կատարել Ուկրաինային, երեկ «ՌԻԱ նովոստիին» հայտնել է ռուսաստանյան այն պատվիրակության անդամներից մեկը, որը հիմա խորհրդատվություն է անցկացնում գազային նոր պայմանագրի կնքման վերաբերյալ։ Բանակցությունները երեկ շարունակվել են Մինսկում։
Ի դեպ, նախօրեին Բեռլինում ավարտվել է Ուկրաինայի, Ռուսաստանի, Եվրահանձնաժողովի ու Գերմանիայի ներկայացուցիչների մասնակցությամբ ռուսաստանյան գազի տրանզիտի վերաբերյալ բանակցությունների հերթական փուլը։ Հիշեցնենք, որ գործող պայմանագիրն ուժի մեջ է մինչեւ 2019 թ. դեկտեմբերի 31—ը։
Բանակցությունների արդյունքում, ինչպես նշել է ՌԴ էներգետիկայի նախարար Ալեքսանդր Նովակը, կազմվել է «գազային արձանագրության դետալային նախագիծը», որը բարձր մակարդակի փաստաթուղթ է տնտեսական առումով, սակայն քաղաքական մակարդակով համաձայնեցման կարիք ունի։
«Շատ որակյալ ենք մշակել որոշման վերջնական պայմանագիրը, որը մեզ մոտեցնում է փաստաթղթի վերջնական ստորագրմանը»,–ասել է Ուկրաինայի էներգետիկայի եւ շրջակա միջավայրի պաշտպանության նախարար Ալեքսեյ Օրժելը։
Էներգամիության գծով Եվրահանձնաժողովի նախագահի նախկին տեղակալ Մարոշ Շեֆչովիչը, որը շարունակում է զբաղվել այդ հարցով, նույնպես հաստատել է գազի վերաբերյալ սկզբունքային համաձայնության ձեռքբերման փաստը։ Պաշտոնյան նշել է, որ  «դա դրական նորություն է Եվրոպայի, Ռուսաստանի, Ուկրաինայի եւ գազային շուկայի համար»։
Ուկրաինային 3 մլրդ վճարելու հարցում վերջին ժամանակներս իրավիճակը փոխվել է։ Գումարի վճարման հնարավորության մասին առաջինը խոսել է ՌԴ նախագահ Վլադիմիր Պուտինը նախօրեին կայացած մեծ ասուլիսում։
«Դատարանի որոշումը կա, եւ դա ճիշտ է։ Եվ մենք պետք է ելնենք դրանից»,–ասել է Պուտինը։
Ռուսաստանի ղեկավարը միեւնույն ժամանակ կասկածի տակ է դրել դատավորների օբյեկտիվությունը՝ հայտարարելով, որ ինքը, որպես իրավաբան, նման որոշման մեջ քաղաքական բնույթ է տեսնում։
«Որոշման հիմնավորումներից մեկում գրված է՝ Ուկրաինայում տնտեսական ծանր իրավիճակի հետ կապված։ Դե, դա ուղղակի փչոց է։ Գոնե ձեռնպահ մնային նման գրառումից»,– զարմացել է Պուտինը։
Այդուհանդերձ, ինչպես եզրակացրել է Պուտինը, Ռուսաստանը բոլոր կողմերի համար ընդունելի որոշում է փնտրում։ Մոսկվան հետաքրքրված չէ «գազային պատերազմով», ուզում է շարունակել գազի մատակարարումն ուկրաինական գծով եւ պայմանավորվել այնպիսի պայմաններով, որ Կիեւը գոհ մնա։ Նախագահի խոսքերով՝ նոր գազատարների շինարարությունը («Հյուսիսային հոսք—2» եւ «Թուրքական հոսք») չի ազդի Ուկրաինայի միջոցով գազի տրանզիտի ապահովման Ռուսաստանի ցանկության վրա, չնայած որ այն ամենաշահավետը չէ. ավելի երկար է ու թանկ, քան Բալթիկ ծովի հատակով ուղղությունը։
Ռուսաստանը պատրաստ է Կիեւին գազ մատակարարել 25 տոկոս զեղչով, ինչպես եւ խոստացվել էր։ Այդ սխեմայի շնորհիվ Ուկրաինան կարող է սպառողների համար իջեցնել գազի գինը, այլ ոչ թե ավելացնել նոր տարում։
Բայց սա ամենը չէ։ Այս հարցի հետ նաեւ ԱՄՆ—ի շահերն են առնչվում։ Վաշինգտոնը պնդում է եվրոպացի սպառողներին իջեցված արժեքով գազի մատակարարման վրա եւ հենց այդ պատճառով հանդես է գալիս «Հյուսիսային հոսք-2»-ի դեմ։
Ավելի վաղ ԱՄՆ-ի սենատը 2020 թ. պաշտպանական բյուջեն հաստատել է 738 մլրդ դոլարի չափով։ Բյուջեում ներառվել են նաեւ «Հյուսիսային հոսք-2»-ի նկատմամբ պատժամիջոցները։ Փաստաթուղթը մոտ ժամանակներս կհասնի ԱՄՆ-ի նախագահ Դոնալդ Թրամփին, որը, ասում են, պատրաստ է ստորագրել այն։
Ամերիկյան խորհրդարանականները կարծում են, որ Ռուսաստանը իր գազի շնորհիվ նոր լծակներ է ձեռք բերում Եվրոպայի նկատմամբ։
Ավելացնենք, որ ԱՄՆ-ի կողմից պատժամիջոցներ կկիրառվեն այն ընկերությունների նկատմամբ, որոնք կմասնակցեն «Հյուսիսային հոսք-2»-ին։
Պատրաստեց
Իշխան ՔԻՇՄԻՐՅԱՆԸ

21-12-2019





17-01-2020
Տուգանքների նոր բալային համակարգը՝ ընդդեմ օրինազանցների
Որոնք են օրենքի կիրառման դրական ու խնդրահարույց կողմերը

Լուսինե ...


17-01-2020
Սպանդանոցային պարտադիր մորթը քաղաքակիրթ տարբերակ է
Սակայն դաշտում առկա խնդիրները դրանից չեն պակասում

Լուսինե ՄԽԻԹԱՐՅԱՆ
l.mkhitaryan@hhpress.am




17-01-2020
Տարեցները սեղանի թենիս խնդրեցին
Վանաձորի տարեցների տան բնակիչներն օրերս հյուրընկալեցին Լոռու մարզպետ Անդրեյ ...


 
17-01-2020
Խնայված միջոցներով եւ նվիրատվություններով
Նորություններ կան նաեւ մարզի առողջապահական այլ հիմնարկներում։ «Ալավերդու ...


 
17-01-2020
Վճարովի ծառայությունների ավելացման շնորհիվ
2018 թ. հուլիսի 1-ից, այնուհետեւ 2019 թ. հունվարի ...


17-01-2020
Մեծանում է վստահությունը
«Վանաձորի բժշկական կենտրոն» ՓԲԸ-ի հանրույթն այսօր գործում է ...



17-01-2020
«Հայաստանի Հանրապետություն» օրաթերթ. Բացառիկ թողարկում՝ Հովհաննես Չեքիջյանի պատվավոր խմբագրությամբ
««Հայաստանի Հանրապետություն» օրաթերթի ...

17-01-2020
Ձիթապտուղ կարտահանենք ԵԱՏՄ եւ երրորդ երկրներ
Ընկերությունը հարկային արտոնություն ...

17-01-2020
Այլընտրանքային մանկապարտեզ, որտեղ շեշտը դրված է միայն կրթության վրա
ՅՈՒՆԻՍԵՖ-ի հաջողված փորձը

Լիանա ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO