Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.01.2020
ԶԱՆԱԶԱՆ


Տարբեր խնդիրներ, մեկ նպատակ

Երկու չեմպիոն, մեկ արծաթե մրցանակակիր եւ ձախողած ելույթ, որը կարող է շրջադարձային դառնալ անհաջողության հեղինակի մարզական կենսագրությունում։ Այդպիսին էր հայ ծանրորդների մասնակցությունը Քաթարի մայրաքաղաքում անցկացված միջազգային 6-րդ մրցաշարում, որում խաղարկվում էին օլիմպիական վարկանիշային միավորներ։
Մեզ համար այդ մրցաշարը կարեւոր էր նախեւառաջ օլիմպիական խաղերին մասնակցելու թեկնածուների նեղ շրջանակը հնարավորինս հստակեցնելու առումով։ Ինչպես հայտնի է, դոպինգային նախկին «մեղքերի» պատճառով ծանրամարտի օլիմպիական մրցումներին Հայաստանի մասնակցությունը սահմանափակված է 2-ական մարզիկով եւ մարզուհիներով։ Ընդ որում, խոսակցություններ կան, որ այդ թիվն էլ կարող է կրկնակի կրճատվել, քանի որ դոպինգ օգտագործելու կասկածանքով միջազգային հետաքննություն է կատարվում Մելինե Դալուզյանի նկատմամբ։ Այնպես որ, ստեղծված իրավիճակում մեր մարզիչների նպատակն է ապահովել անհրաժեշտ վարկանիշային միավորներ ունեցող մարզիկների որոշակի շրջանակ, որպեսզի հետագայում նրանցից ընտրվեն իրապես արժանիները։ Մի քանի մարզիկներ Դոհայում հիմնականում լուծեցին այդ խնդիրը, մինչդեռ աշխարհի կրկնակի չեմպիոն Սիմոն Մարտիրոսյանը վարկանիշային միավորների պաշարը դեռ պետք է լրացնի փետրվարին Իրանում կայանալիք համանման մրցաշարում։
Իսկ ահա Եվրոպայի 2016 թ. չեմպիոն Անդրանիկ Կարապետյանն այս տարվա կարեւոր մրցումներում արդեն երրորդ անգամ 0 ստանալու պատճառով կարող է դուրս մնալ ազգային հավաքականից։ Համենայն դեպս, նա, ինչպես երեւում է, սպառել է հայրենի ընտրանու գլխավոր մարզիչ Փաշիկ Ալավերդյանի վստահության վարկը։ Այդ մասին մարզիչը նշեց «ՀՀ»—ի թղթակցի հետ զրույցում, սակայն ենթադրելի է, որ դա հուզական հայտարարություն է, որը կարող է վերանայվել, եթե սամաղարցի ծանրորդը բարելավի իր ցուցանիշները։ Ասիական մրցահարթակում նա, հանդես գալով մինչեւ 81 կգ քաշային կարգում, պոկում վարժությունում չկարողացավ իր կամքին ենթարկել նախ 160, ապա եւ 161 կգ կշռող ծանրաձողը։ Հատկանշական է, որ նախկինում նա ընդհանրապես չէր ունեցել այդ քաշը «յուրացնելու» խնդիր։ Ընդամենը երեք ամիս առաջ կայացած աշխարհի առաջնությունում Կարապետյանը պոկել էր 168 կգ, բայց զրոյական ցուցանիշ էր գրանցել հրում մրցաձեւից։ Հենց այդ անհասկանալի վայրիվերումներն էլ մարզչին դրդել են կասկածել, որ ծանրորդը դրսեւորում է անպատասխանատու վարք եւ օժտված չէ կամային անհրաժեշտ որակներով։ Հետաքրքիր է, որ այս մրցաշարում Անդրանիկն, այնուհանդերձ, մասնակցեց հրում վարժությանը, քանզի այստեղ կանոնակարգային սահմանափակում չկար։ Նա 180 կգ արդյունքով 9—րդը ճանաչվեց այդ մրցաձեւում։
Փոխարենը հաղթանակի ձգտում դրսեւորեցին գերծանր քաշայիններ Գոռ Մինասյանը եւ Ռուբեն Ալեքսանյանը, որոնք վերստին միասին բարձրացան պատվո պատվանդանին։ Հենց նրանց միջեւ էլ ծավալվեց գլխավոր մրցանակի համար հիմնական պայքարը։ Ասենք՝ Մինասյանի առավելությունը բավականին մեծ էր մրցակցությունն անզիջում որակելու համար։ Գոռը 18 կիլոգրամի առավելությամբ հաղթեց պոկում վարժությունում, բայց 10 կգ—ի տարբերությամբ պարտվեց հրում մրցաձեւում։ Այդպիսով, երկամարտի գումարով Մինասյանը (424 կգ) գրավեց առաջին, իսկ Ալեքսանյանը (416 կգ)՝ երկրորդ տեղը։ Ասենք, որ երկուսն էլ չգրանցեցին իրենց լավագույն արդյունքները։
Հնարավորություններից նկատելիորեն համեստ հանդես եկավ նաեւ մինչեւ 89 կգ քաշային կարգում աշխարհի ու Եվրոպայի այս տարվա չեմպիոն Հակոբ Մկրտչյանը, որն այս անգամ ուժերը փորձեց ավելի բարձր քաշայինների պայքարում։ Բանն այն է, որ Հակոբն իր հաղթանակները կերտել է ոչ օլիմպիական քաշային կարգում, բայց ունենալով օլիմպիադային մասնակցելու բուռն ցանկություն՝ փորձեց վարկանիշային միավորներ վաստակել 96 կգ քաշային կարգում ու առանձնապես չհաջողեց։ Նա պոկեց 155, հրեց 200 կգ եւ երկամարտի 355 կգ գումարով 19 մասնակիցների հաշվարկում գրավեց 7—րդ տեղը։ Դա չափազանց քիչ է օլիմպիական հավակնությունների համար։ Ավելի ստույգ՝ քիչ է շուրջ 50 կիլոգրամով, ինչից ենթադրվում է, որ Հակոբը ստիպված է համակերպվել այս օլիմպիական խաղերը բաց թողնելու մտքի հետ։
Կանանց ստուգատեսում փայլեց Տաթեւ Հակոբյանը, որը երկամարտի 232 կգ արդյունքով արժանացավ ոսկե մեդալի։ Ընդ որում՝ 87 կգ քաշային կարգում իր մոտակա հետապնդողին նա գերազանցեց 9 կիլոգրամով։ Իսկ 59 կգ քաշայինների մրցավեճում Իզաբելա Յայլյանը 210 կգ ցուցանիշով 11 մարզուհիների հաշվարկում 5—րդն էր։
Առջեւում Իրանի միջազգային մրցաշարն է, որին Սիմոն Մարտիրոսյանի հետ մասնակցելու են Ռուբեն Ալեքսանյանը ու եւս մեկ հնարավորություն ստացած Հակոբ Մկրտչյանը։

Հրայր ՆԱԶԱՐՅԱՆ

25-12-2019





18-01-2020
Պահանջը չի փոխվելու
«Միսը չի թանկանա, հակառակը, նույնիսկ իջեցում կարող է ...


18-01-2020
Տեւական երաշտը փորձությունների առաջ է կանգնեցրել հողագործներին
Ինչպես հաղթահարել բնական արգելքները

Դավիթ ՄԻՔԱՅԵԼՅԱՆ
d.miqayelyan@hhpress.am


«Աշնան ամիսների եւ ...


18-01-2020
Մեջքով... դեպի հանդիսատեսը
Դիրիժորը, թերեւս, միակն է, որ հանդիսատեսին կանգնում է մեջքով, ...


18-01-2020
Կաշեգործի մասնագիտությունը մերժած, նավապետի երազանքով մեծն նվագավարը
Մի ողջ դիվանագիտություն՝ թաքնված մաեստրո Չեքիջյանի կենսագրության թվերի ու ...


18-01-2020
Ինչո՞ւ Չեքիջյանի երազանքը մնաց անկատար…
Մաեստրոյի խոսքով՝ ամբողջ կյանքում ջանացել է, որ իրեն ...


18-01-2020
Աշխարհի առաջնակարգ նվագախմբեր ղեկավարած երաժշտություն մատուցողը
Որ հաշվի է առնում անգամ դահլիճի աթոռների գույնը

Արմենուհի ...


18-01-2020
Ամեն դիրիժոր իր ակնոցով է նայում նոտաներին
Դժվար է ասել, թե 91 տարի առաջ ի՞նչ եղանակ ...



18-01-2020
Անմահների ուղին փշոտ է, բայց հաղթական
Ադրբեջանական նենգության հերթական ...

18-01-2020
Հայաստանի մարզիկները ռուսական սպորտում լեգեոներներ չեն համարվի
Նոր հեռանկարներ հավաքական եւ ակումբային ...

18-01-2020
«Վարպետ Հակոբից բարեւներ եմ բերել ձեզ...»
Դուդուկահար Էրթան Թեկինը «ՀՀ»-ի հետ ...

18-01-2020
Ազգային երաժշտարվեստի զուլալ ակունքներից
Սասուն Պասկեւիչյանի երգերը շարունակում ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO